Dagblaðið Vísir - DV - 22.05.2015, Qupperneq 8

8 Fréttir Helgarblað 22.–26. maí 2015
FYRIR MEÐFERÐ EFTIR 2-7 DAGA EFTIR MEÐFERÐ
ekki gera upp a mil li,
al lir eiga skilid Baby Foot!
,
FÆST Í V E RS LUNUM UM LAND A L LT
Félag Nepala
fær fimm
milljóna styrk
Stjórn Pokasjóðs hefur ákveðið
að styrkja neyðarsöfnun Félags
Nepala á Íslandi um fimm milljón­
ir króna.
Eins og flestum er kunnugt
reið risaskjálfti yfir Nepal þann 25.
apríl og annar slíkur 12. maí. Ljóst
er að hátt í 9.000 manns eru látnir
og tæplega 20 þúsund eru slasaðir.
Enn ríkir neyðarástand í landinu
og ekki búist við að breyting verði á
í bráð. Nepalskt samfélag er einkar
berskjaldað og þörfin fyrir hjálp­
argögn og neyðaraðstoð er að­
kallandi.
Stjórn Pokasjóðs úthlutar ár­
lega styrktarfé til almannaheilla
innanlands en í ljósi hörmung­
anna í Nepal á síðustu vikum var
ákveðið að veita fé til söfnunar
Félags Nepala á Íslandi sem hóf
neyðarsöfnun strax í kjölfar fyrsta
skjálftans. Að sögn Bjarna Finns­
sonar, formanns stjórnar Poka­
sjóðs, var einhugur innan sjóðs­
ins með að styrkja málefnið. „Við
í stjórninni vorum sammála um
að styrkja söfnun Félags Nepala
og vonum að þetta fé komi í góð­
ar þarfir. Það hefur verið erfitt að
horfa upp á ástandið í Nepal og við
vildum leggja okkar af mörkum.“
Rajendra Bahadur Gurung,
varaformaður Félags Nepala á Ís­
landi, segist einstaklega þakklátur
fyrir framlag Pokasjóðs. „Félags­
menn hafa unnið ötullega að söfn­
uninni, bæði fyrir bágstadda í
Nepal en einnig til að sinna okk­
ar eigin sálgæslu. Það skiptir máli
að láta hendur standa fram úr
ermum. Þessi stuðningur sem við
fáum nú frá Pokasjóði er ómetan­
legur og við í félaginu erum
einstaklega þakklát.“
Félag Nepala á Íslandi starfar
með Rauða krossinum á Íslandi
og veitir söfnunarfé sínu í gegnum
mannúðar­ og hjálparstarf Alþjóða
Rauða krossins í Nepal. Reikn­
ingur söfnunarinnar er: 0133­15­
380330. Kennitala: 511012­082 n
freyr@dv.is
Ráðinn til Virðingar
Ármann Þorvaldsson verður yfir viðskiptaþróun
Á
rmann Þorvaldsson, sem
var meðal annars fram­
kvæmdastjóri Kaupþings
Singer & Friedlander í Bret­
landi frá 2005 til ársins 2008, hefur
verið ráðinn sem framkvæmdastjóri
viðskiptaþróunar Virðingar. Þá
hefur Margit Robertet verið ráðin
framkvæmdastjóri framtakssjóða
Virðingar.
Frá þessu er greint í fréttatilkynn­
ingu frá Virðingu. Ármann er á með­
al hluthafa Virðingar en félagið MBA
Capital, sem á 4,67% hlut í félaginu,
er í eigu Ármanns og meðfjárfesta.
Ármann mun í upphafi einkum
einbeita sér að uppbyggingu og öfl­
un verkefna á sviði fyrirtækjaráð­
gjafar en þar hefur mikill árangur
náðst síðustu misseri og verkefna­
staða félagsins er afar góð, sam­
kvæmt tilkynningunni. n
Ármann Þorvaldsson Nýr
framkvæmdastjóri viðskiptaþróunar
Virðingar.
„Óvandaðir dómar
og ósamræmi“
Jón Steinar Gunnlaugsson segir stöðu Hæstaréttar grafalvarlega
U
m sjötíu manns mættu til
þess að hlýða á Jón Steinar
Gunnlaugsson hæstaréttar­
lögmann í vikunni þar sem
hann ræddi þann vanda
sem að hann telur að Hæstiréttur
glími við. Fundarmenn hlustuðu af
athygli en Jón Steinar fór oft mik­
inn í gagnrýni sinni á þessa grund­
vallarstofnun lýðveldisins en þó
með húmorinn að vopni. „Þetta er
bara ábyrgðarlaust hjal eins og bú­
ast mátti við,“ sagði Jón Steinar sem
vakti kátínu fundargesta.
Gríðarlegt álag
sem hvílir á dómurum
Alvarlegasta málið að mati Jóns
Steinars er hið gríðarlega álag sem
hvílir á dómurum Hæstaréttar. Í því
sambandi nefndi hann dæmi um
dómara sem var skrifaður fyrir um
350 á dómsmálum á ári. Segir hann
það vera gríðarlegan fjölda, sérstak­
lega þar sem oft og tíðum sé um afar
umfangsmikil og flókin mál að ræða.
„Þetta álag hefur haft veruleg áhrif
á starfshætti dómsins og að mínu
mati gæði úrlausna dómstólsins,“
sagði Jón Steinar og bætti við: „Þeir
eru þvingaðir í að móta starf sitt eftir
þessu álagi. Þeir ráða ekkert við starf­
ið, einfaldlega vegna þess að það er
ekkert hægt.“ Jón Steinar lagði þunga
áherslu á orð sín og sagði að dóm­
arar í Hæstarétti gætu ekki viður­
kennt að þeir réðu ekki við þennan
málafjölda og að starf dómsins ein­
kenndist af því að mikil pressa væri á
að ljúka málum – koma þeim frá.
Gagnrýndi „fjölskyldu­
stemninguna“ harðlega
Jón Steinar fór einnig mikinn varð­
andi meinta fjölskyldustemningu
í Hæstarétti. „Það var komin á
ákveðin verkaskipting í dómnum,
sú verkaskipting að sá dómari sem
samkvæmt lögum tók að sér að vera
frummælandi í máli – hann tók allan
þungann af þessu eina máli og hin­
ir voru meira að skrifa undir það
sem hann sagði. Kannski með því að
fá í gegn pínulitla breytingu á text­
anum. Ég hvísla því nú að ykkur,
og þið megið engum segja það, að
breytingarnar voru oft á tíðum til
þess að gera textann óskýrari,“ sagði
Jón Steinar og sló á létta en um leið
alvarlega strengi.
Afstaða sitjandi dómara til
nýrra liðsmanna ámælisverð
Jón var harðorður í garð sitjandi
dómara: „Ég get ekki fullyrt þetta
en ég tel mig þó hafa áttað mig á
því að afstaða sitjandi dómara, til
þess hverja þeir vilja fá til liðs við
sig, hafi líka mótast af því hversu
líklegir kandídatarnir eru til þess að
setja inn í þessa fjölskyldustemn­
ingu.“ Hann ýjaði að því að and­
staða sitjandi dómara við að fá
hann inn í dómstólinn hafi mögu­
lega verið vegna þess að þeir teldu
hann ólíklegan til þess að sætta sig
við að samþykkja allt þegjandi og
hljóðlaust. Jón Steinar lagði það
til á fundinum að nýir hæstarétt­
ardómarar yrðu valdir á þann veg
að hæfnisnefnd veldi úr þá um­
sækjendur sem uppfylltu kröfur
um hæfni. Ráðherra velji svo þann
kandídat sem honum hugnist best
en Alþingi samþykki skipunina svo
endanlega.
Nýir dómarar í beina
sjónvarpsútsendingu
Hann vildi hins vegar ganga lengra
og fá dómarann til þess að svara fyrir
þingnefnd spurningum um hvaða
grundvallarreglur gildi um starf
hæstaréttardómara, helst í beinni
útsendingu í sjónvarpi. Tilgangur­
inn var sá að sú framkvæmd myndi
stuðla að því að ólíklegra væri að
dómari viki frá lögfræðilegri sann­
færingu sinni, eitthvað sem ber­
sýnilega mátti heyra að Jón Steinar
flokkaði sem höfuðsynd dómarans.
Á fundinum vék hann iðulega að
því að dómarar væru að gera mála­
miðlanir á lögfræðilegri sannfær­
ingu sinni og að sératkvæðin, sem
hann notaði óspart, væru vannýtt
verkfæri. Hann hvatti að lokum lög­
fræðinga landsins til að vera dug­
lega við að gagnrýna Hæstarétt og
ákveðna dóma en að hans mati væru
menn allt of smeykir við það, mögu­
lega af ótta við að falla í ónáð. n
„Ég hvísla því nú
að ykkur, og þið
megið engum segja það,
að breytingarnar voru oft
á tíðum til þess að gera
textann óskýrari.
Jón Steinar Gunnlaugsson hæstaréttarlögmaður Jón Steinar hefur miklar áhyggj-
ur af stöðu Hæstaréttar og taldi að allir gætu verið sammála um það, óháð flokkspólitík, að
brýnt væri að koma dómstólunum í lag.
Tillögur Jóns Steinars
að úrbótum:
n Millidómsstig. Hæstarétt skipi fimm
manns þar sem allir dæmi í öllum
málum.
n Hvert mál fari aðeins á tvö dómstig.
n Ritun atkvæða. Persónuleg ábyrgð
dómara á forsendum sínum.
n Nauðsynleg breyting á reglum um
skipan nýrra dómara.
n Einstök smærri atriði, til dæmis bann
við setu dómara í réttarfarsnefnd.
n Brýnasta verkefni í þjóðmálum á Ís-
landi er að koma dómstólunum í lag og
þá einkum Hæstarétti. Ekki flokkspóli-
tískt verkefni.
Björn Þorfinnsson
bjornth@dv.is