Skagfirðingabók - 01.01.2015, Blaðsíða 53

KRÓKSARARNIR FRÁ JÓTLANDI
53
á kvikmyndasýningum. Hann var einnig
einn af ábyrgðarmönnum Sparisjóðs
Sauðárkróks og tók það starf alvarlega
og fylgdist með rekstrinum, enda tölu-
glöggur maður. Hann var um tíma í bygg-
ingarnefnd Sauðárkróks og þá sat hann
einnig mörg ár í niðurjöfnunarnefnd
útsvara, eins og það hét, en hún annaðist
álagningu skatta í samræmi við framtöl.
Þetta var tarnavinna og menn voru kosn-
ir pólitískt í nefndina, Bang sat þar fyrir
Sjálfstæðisflokkinn. Nefndin fundaði
gjarnan í Barnaskólanum við Freyjugötu
eftir að hann var reistur og menn sátu stíft
við til þess að ljúka verkinu. Niðurstaðan
varð jafnan umdeild, ekki vegna starfa
nefndarinnar sem slíkrar, heldur vegna
þess að hún gekk út frá framtölum
manna sem víst voru misnákvæm. Bang
sjálfur var jafnan meðal hæstu gjaldenda
á Króknum.
Bang var ekki húsgöngull maður
nema til að spila, leit þó stundum inn
hjá Svafari Helgasyni og Öbbu, Abelínu
Magnúsdóttur, einnig hjá Guðbrandi
Hlíðar dýralækni og Herder Andersson
aðstoðarmanni hans og sambýlismanni.
Sambúð þeirra hneykslaði ýmsa en
ekki Bang. Sá sem hér skrifar man enn
hneykslunartón í máli manna þegar
Andersson dansaði stef úr Svanavatninu
á sviðinu í Bifröst á einhverri fjáröflunar-
samkomu. Annan eins dans mundu
menn ekki! Og í hnjúkana tók þegar
fullorðinn karlmaður gerði annað eins!
Þá leit Bang stundum inn til Rögnvalds
Finnbogasonar bæjarstjóra og Huldu
Ingvarsdóttur.
Bang fjölyrti ekki um einkahagi sína.
Hann ræddi aldrei um veikindi eða
trúmál og var líklega efahyggjumaður
í trúarlegum efnum. Í blaðaviðtali við
Björn Daníelsson skólastjóra spyr Björn:
„– Á svona langri dvöl á Íslandi
hlýtur þú að hafa komizt að raun um
það, að hér hefur oft verið mikil trú á
undarleg fyrirbæri. Hefur þú kynnzt
nokkru slíku?