Skagfirðingabók - 01.01.2015, Blaðsíða 124

SKAGFIRÐINGABÓK
124
á Siglufirði fyrir mikinn pening, sér-
staklega voru skipamenn gráðugir í
feita kjötið úr Drangey. Féð var flutt á
mótorbát og slátrað á blóðvelli.
Árið 1920
ÉG HEF verið á Hólum í vetur en heima
í sumar. Skrifaði í vetur en finn það
ekki nú. Vonandi kemur það í leitir.
Við vorum í Drangey við heyskap. Áður
en sláttur byrjaði hér í landi þá var þar
komið gæðagras en vont að slá vegna
hæðar á rótinni og sinuflóka. Settum
heyið saman frammi til flutnings í vetur.
Um 20 kindur nú í eynni og dafna vel.
Þó er það misjafnt því að gróður sem
kom snemma er svo sterkur að einstaka
kind fékk skitu og náði sér seinna. Þær
verða fluttar til Siglufjarðar í júlí á
sumarmarkað þar.
Á Hólum í vetur var kalt mjög í húsinu
sem var að mestu óupphitað. Eldavél [er]
í kjallara þar sem allur matur er soðinn
og jafnvel þvegin föt. Koma því margir
þangað þegar kalt er. Það var þröngt í
herbergjunum eða 5–7 á hverju herbergi.
Tveir og tveir sváfu saman í rúmi og
jafnvel á gólfi. Maður fær hita af þessu
um nætur en á morgnana tekur kuldinn
við. Frosið er í þvottafati og könnu og
jafnvel sagt að frosið sé á morgnana í
náttpottum. En piltar eru ungir og kippa
sér ekki upp við smámuni.
Í skólastofunni var einnig kalt en þó
ekki eins tilfinnanlegt. Ég fæ að fara
aðra hvora helgi heim og er fjóra tíma
að ganga hvora leið en það borgar sig
finnst mér. Sigga [Sigríður Gísladóttir]
á Ljótsstöðum og Imba [Ingibjörg
Sigfúsdóttir] í Gröf fara stundum með,
enda eru þær heimfúsar eins og ég. Við
Sigga lentum í stórhríð einn dag og
villtumst á Grafarmóum. Fundum þó
bæinn eftir nokkurt svingl. En heim
fórum við um kvöldið þegar nokkuð
birti. Heimþráin var mikil og bar okkur
hálfa leið. Þetta var vanalega á laugardag
en á mánudag þurftum við að fara aftur.
Það var gott að koma heim í hvert sinn
til mömmu og pabba og allra.
Hólar í Hjaltadal
um 1920.
Eigandi myndar: HSk.