Læknablaðið - 01.04.2016, Blaðsíða 42

202 LÆKNAblaðið 2016/102
Ö L D U N G A D E I L D
Stjórn Öldungadeildar
Magnús B. Einarson formaður, Þórarinn
Sveinsson ritari, Hörður Alfreðsson gjaldkeri,
Guðrún Agnarsdóttir, Kristrún Benediktsdóttir.
Öldungaráð
Bergþóra Ragnarsdóttir, Jón Hilmar Alfreðsson,
Sigurður E. Þorvaldsson, Snorri Ingimarsson,
Tryggvi Ásmundsson.
Umsjón síðu
Páll Ásmundsson
Vefsíða: http://innri.lis.is/oldungadeild-li
Öldungasíða
Læknablaðsins
Síða öldunga í Læknablaðinu birtist fyrst í 9.
tölublaði árið 2010. Síðan hefur hún lengst af
birst í öðru hverju tölublaði. Sú síða er hér
birtist er hin 38. í röðinni.
Efni síðunnar er fjölbreytilegt. Endur-
minningar lækna eru flestar en einnig má
nefna sögulegt efni, ferðasögur, ljóð og mál-
efni öldunga.
Síðan hefur hlotið góðar móttökur. Far-
sæl framtíð hennar er þó bundin því að
menn leggi henni gott lið. Ég veit að fjöldi
eldri lækna á í fórum sínum skrifað eða enn
óskrifað efni sem sóma mundi sér á þessari
síðu lesendum blaðsins til fróðleiks og
ánægju.
Páll Ásmundsson
Hinn 7. júní 1962 luku 10 læknanemar embættisprófi frá lækna-
deild Háskóla Íslands. Af því tilefni voru þeir boðaðir til athafnar
í kennslustofu Landspítalans og fengu þar afhent prófskírteini sín
úr hendi Kristins Stefánssonar forseta læknadeildar. Nokkrir læri-
feður voru þarna viðstaddir og var öllum stillt upp til myndatöku.
Sitjandi eru kennararnir og er kennslugrein sett á eftir hverju
nafni. Frá vinstri: Kristbjörn Tryggvason (1909-1983) barnalækn-
ingar, Hjalti Þórarinsson (1920-2008) handlækningar, Níels Dungal
(1897-1965) prófessor í meinafræði, Kristinn Stefánsson (1903-1967)
prófessor í lyfjafræði, Guðmundur Thoroddsen (1887-1968) próf-
dómari, fv. prófessor í handlæknisfræði, Snorri Hallgrímsson
(1912-1973) prófessor í handlæknisfræði, Ívar Daníelsson lyfjagerð.
Standandi eru kandídatarnir og er framtíðarsérgrein hvers
þeirra aftan við nafnið. Frá vinstri: Páll Ásmundsson alm. lyf-
læknir og nýrnalæknir, Sverrir Georgsson þvagfæraskurðlæknir,
Jóhannes Bergsveinsson geðlæknir, Egill Jacobsen (d. 2010) þvag-
færaskurðlæknir, Guðjón Sigurbjörnsson svæfingalæknir, Inger
Idsøe lyflæknir og öldrunarlæknir, Ólafur Gunnlaugsson (d. 2007)
alm. lyflæknir og meltingarlæknir, Ólafur Jónsson svæfingalækn-
ir, Halldór Halldórsson lyflæknir og öldrunarlæknir, Leifur Jóns-
son alm. skurðlæknir og lýtalæknir.
Kandídatar og kennarar vorið 1962
Vefsíðu þessa er að finna á Innraneti
vefsíðu Læknafélags Íslands. Þar er
að finna margvíslegan fróðleik um
öldungadeildina. Á vallista vinstra
megin á síðunni eru fjórir meginkaflar.
Um félagið: Fræðir um lög félagsins,
sögu þess og stjórn.
Félagsstarf: Geymir ársskýrslur,
ferðasögur og myndir, fundargerðir,
kveðskap (í vinnslu) og tengi á allar síð-
ur öldungadeildar í Læknablaðinu.
Umræður: Hefur enn ekki tekist að
vekja.
Tilkynningar: Geymir einkum frétta-
bréf frá stjórn félagsins.
Til skamms tíma var vefsíðan lokuð
öðrum en félögum öldungadeildar líkt
og á við um síður annarra sérfélaga LÍ.
Að ósk öldungadeildar hefur síðan nú
verið opnuð öllum læknum enda hefur
hún ekkert að fela.
Síðan er á Innraneti LÍ sem er að
finna í hægra, efra horni forsíðunnar.
Menn þurfa að hafa aðgangs- og lykil-
orð frá LÍ til að komast inn á það. Þegar
inn er komið er smellt á reitinn „Félög
lækna“ yst til hægri á bláa borðanum
efst á síðunni og birtist þá meðal annars
„Öldungadeild LÍ“ sem smellt er á til að
komast inn á síðuna.
Verið velkomin á vefsíðu öldunga-
deildar LÍ!
Vefsíða öldungadeildar LÍ
er nú opin öllum læknum