Morgunblaðið - 08.12.2016, Side 32

32 FRÉTTIRInnlent
MORGUNBLAÐIÐ FIMMTUDAGUR 8. DESEMBER 2016
Álfheimar 74, Glæsibær | 104 Reykjavík | ynja.is
Aðventuhátíð
Ynju
20% afsláttur
af öllu í dag
Elsa G.
verður með glæsilega
kjóla og leggings
Draumabönd
verður með skartgripi
BAKSVIÐ
Sigtryggur Sigtryggsson
sisi@mbl.is
Mikil uppbygging er áformuð við
Elliðavog og á Ártúnshöfða. Efnt var
til hugmyndasamkeppni um skipulag
svæðisins og voru úrslit kunngjörð í
fyrrasumar. Í vinningstillögunni er
gert ráð fyrir u.þ.b. 816.200 fermetra
viðbótar byggingarmagni og 5.100
íbúðum í 3-5 hæða húsum. Hverfið
verður sambland íbúðar- og atvinnu-
húsnæðis.
„Svæðið er eitt af lykiluppbygg-
ingarsvæðum í borginni og gegnir
mikilvægu hlutverki gagnvart því
markmiði aðalskipulagsins að þétta
byggð í borginni, m.a. þykir af þeim
sökum tímabært að hefja vinnu við
endurþróun þess, en fyrirsjáanlegt
er að verkefnið er í heild sinni lang-
tímaverkefni,“ sagði í kynningu
Reykjavíkurborgar þegar úrslitin
voru kunngjörð í júní 2015.
Tillaga unnin af Arkís arkitektum
ehf., Landslagi ehf. og Verkís ehf.
með aðstoð dr. Bjarna Reynarssonar
varð hlutskörpust.
Elliðahöfn í landfyllingu
Skipulagshugmyndinni er lýst
þannig:
„Landslag á Ártúnshöfða skiptir
hverfinu í tvö meginsvæði, byggðina
uppi á höfðanum og byggðina niðri
við voginn. Grænt belti teiknar upp
gömlu strandlínuna og brún höfðans
og myndar jákvæðan suð- og aust-
lægan jaðar fyrir neðri byggðina. Ár-
túnshöfðinn er dreginn sérstaklega
fram sem kennileiti með því að færa
sjóinn aftur inn að honum með
„Elliðahöfn“ sem sker sig inn í land-
fyllingu og skapar skilyrði fyrir lif-
andi byggð í nýju bryggjuhverfi sem
snýr vel við sól og í skjóli fyrir haf-
golu. Áberandi kennileitisbyggingar
og útsýnispallur fremst á höfðanum
styrkja þessa mynd. Borgarlínan um
Stórhöfða er meginæð á efra svæð-
inu, en Sævarhöfðinn hlykkjast um
neðra svæðið. Framlengdur Breið-
höfði liggur sem sjónás í gegnum efri
og neðri byggðina þvert á Stórhöfða
og Sævarhöfða og sameinar svæðin
tvö. Frá Breiðhöfða er útsýni yfir
Grafarvog til Esjunnar. Þessar þrjár
götur fá yfirbragð breiðstræta og er
Stórhöfðinn þeirra breiðastur til að
rúma samgöngulausn sem valin verð-
ur fyrir borgarlínuna.
Meginkjarnar byggðarinnar
myndast við torg þar sem Breiðhöfð-
inn sker Stórhöfða (Krossmýrartorg)
og norðan gatnamóta Breiðhöfða og
Sævarhöfða (Bryggjutorg). Efri
byggðin nýtur útsýnis og almenn-
ingsgarða og torga, en sú neðri ná-
lægðar við sjó og aðliggjandi nátt-
úruperlur í Elliðaárdal og Grafar-
vogi. Svæðin njóta nálægðar hvort
við annað. Geirsnefi verði umbreytt í
skjólgott og fjölbreytilegt útivist-
arsvæði fyrir aðliggjandi byggð og
sem framlenging á útivistar- og nátt-
úrusvæðinu í Elliðaárdal.“
Skipulagstillagan hefur verið unn-
in áfram og þróuð, samkvæmt upp-
lýsingum Björns Guðbrandssonar
arkitekts hjá Arkís.
Vegna fyrirhugaðrar uppbygg-
ingar á svæðinu þurfa nokkur fyrir-
tæki að flytja starfsemi sína annað,
eins og fram hefur komið í Morgun-
blaðinu. Flest tengjast þau bygging-
ariðnaði og framkvæmdum, þ.e.
efnissalar, malbikunarframleiðandi
og steypustöðvar.
Björgun ehf. verður fyrsta fyrir-
tækið sem flytur starfsemi sína. Í
október síðastliðnum voru undirrit-
aðir samningar milli Faxaflóahafna
sf. og Björgunar ehf. um rýmingu
fyrirtækisins af lóðinni Sævarhöfði
33 og gerð 25.000 fermetra landfyll-
ingar sem fyrsta áfanga í stækkun
Bryggjuhverfisins. Malarefni á lóð-
inni verður notað í landfyllinguna.
Reykjavíkurborg vinnur nú að því að
ljúka umhverfismati .
Byggð á höfða og við sjóinn
 Mikil uppbygging er áformuð við Elliðavog og á Ártúnshöfða  Vinningstillagan gerir ráð fyrir
816.200 fermetra viðbótar byggingarmagni og 5.100 íbúðum  Langtímaverkefni, segir borgin
Teikning/Verkís
Vinningstillagan Ný byggð verður á landfyllingum við Elliðavog og á höfðanum verður útsýni til allra átta.
Loftmynd/Borgarsjá
Svæðið í dag Fremst er athafnasvæðið á Ártúnshöfða. Við voginn eru
Bryggjuhverfið og athafnasvæði Björgunar. Höfn Snarfara til vinstri.
Árið 1992 var gerður samningur
milli Björgunar og Reykjavíkur-
borgar um uppbyggingu íbúðar-
og atvinnuhverfis á uppfyllingu
austan athafnasvæðis Björgunar
í Elliðavogi. Fyrirtækið fékk Björn
Ólafs arkitekt í París til að ann-
ast deiliskipulag og að hluta til
hönnun húsa í hverfinu. Fyrstu
húsin í Bryggjuhverfinu risu árið
1998.
Nú er Bryggjuhverfið byrjað að
stækka á ný, en árið 2014 var
ákveðið að hefja byggingu 2.
áfanga þess. Byrjað var að reisa
tvö fjölbýlishús í fyrra en alls
verða þau átta talsins. Nikulás
Úlfar Másson, byggingarfulltrúi
Reykjavíkurborgar, segir að þeg-
ar öll húsin verði fullbyggð hafi
Bryggjuhverfið stækkað um
30%.
Bryggjuhverfið mun svo
stækka enn til vesturs þegar
Björgun hefur flutt og landfyll-
ingarnar verða tilbúnar.
„Hverfið hefur að ýmsu leyti
liðið fyrir nálægð sína við Björg-
un,“ segir á heimasíðu fyrir-
tækisins. Íbúar í hverfinu kvört-
uðu yfir því að sandur fyki af
athafnasvæði fyrirtækisins í
vestanáttum. Árið 2008 var ráð-
ist í viðamiklar framkvæmdir til
að afmarka betur starfsemi fé-
lagsins og íbúðarhverfisins, með
það að markmiði að draga sem
mest úr óþægindum íbúanna.
Vandamálið verður úr sögunni
þegar Björgun flytur 2019.
Átta ný fjöl-
býlishús
verða byggð
BRYGGJUHVERFIÐ
Framkvæmdir Unnið hefur verið
á fullu í hverfinu á þessu ári.
Morgunblaðið/Júlíus
Gjörgæsludeildir Landspítala
við Hringbraut og í Fossvogi
hafa fengið að gjöf tvö rúm-
hjól. Hjólin eru gefin í minn-
ingu Kristins Björnssonar og
eru gefendur ekkja hans, Sól-
veig Pétursdóttir, ásamt fjöl-
skyldu og vinum.
Samkvæmt upplýsingum frá
Landspítala eru rúmhjólin við-
bót við hefðbundna sjúkra-
þjálfun mikið veikra sjúklinga.
Hægt er að nota hjólin þótt
sjúklingurinn liggi í öndunar-
vél og hægt er að hjóla hvort
heldur er með höndum eða
fótum.
Mikilvægt er talið að leita
allra leiða til að viðhalda
virkni vöðva mikið veikra
sjúklinga, en slíkt styttir sjúk-
dóms- og endurhæfingarferlið.
Þjálfun sem þessi getur einnig
stytt sjúklingum stundir og
verið þeim andleg upplyfting.
Afhentu Landspítala rúmhjól
Gjöf afhent Fjölskylda og vinir Kristins Björnssonar færðu gjörgæsludeildum á
Landspítala að gjöf tvö rúmhjól sem notuð eru við endurhæfingu sjúklinga.