Fréttatíminn - 04.06.2016, Qupperneq 36

Kaldir víkingar
Glænýtt stuðningsmanna-
lag fyrir EM í fótbolta ætti
að koma íslenskum áhuga-
mönnum um tuðruspark
í stuð. Höfundur lagsins,
Bertel Ólafsson, er undir
áhrifum frá bresku sveitinni
New Order.
Hinn dagfarsprúði viðskipta-
fræðingur Bertel Ólafsson starfar
hjá Icelandair Cargo. Á kvöldin
og um helgar er hann hins vegar
tónlistarmaðurinn Ruddinn. Þegar
aðeins nokkrir dagar eru í EM í fót-
bolta hefur Bertel sent frá sér nýtt
lag til stuðnings íslenska lands-
liðinu.
„Lagið varð til í einhverju fikti
hjá mér,“ segir Bertel. „Ég var
bara að leika mér. Söng þetta fyrst
sjálfur með mínum takmörkuðu
sönghæfileikum eftir að hafa lamið
saman textann.“ Svo hófst leit að
söngkonu til að syngja lagið og
hana fann Bertel í Viðju Antons-
dóttur.
Lagið, sem heitir Kaldir víkingar,
er samið undir sterkum áhrifum
frá New Order. Sú sveit hefur lengi
verið uppáhalds hljómsveit Bertels
og samdi einmitt baráttulag enska
landsliðsins fyrir HM 1990, lagið
World in Motion. Í texta Bertels er
herhvöt um að þjóðin sameinist að
baki landsliðinu en samt segist Ber-
tel ekki vera grjótharður fótbolta-
áhugamaður. „Ég horfi samt alltaf
á stórmótin. Þau eru skylduáhorf,“
segir Bertel. „Mér fannst bara vanta
lag núna rétt fyrir mót, svo kemur
keppnin og ég horfi á hana, en yfir-
leitt finnst mér best að fylgjast með
boltanum með því að sjá endursýn-
ingar og kannski umræðuna eftir
leik.“ | gt
Við erum Íslendingar – kaldir víkingar
komnir á mót með þeim bestu.
Við ætlum að slá í gegn
annað er fáránlegt
undur og stórmerki
áður hafa gerst.
Stemningin var rosaleg
þegar Ísland komst á EM,
en nú þarf að girða sig í
brók og standa sig!
Bertel Ólafsson
er undir miklum
áhrifum frá New
Order og spyr:
„af hverju
ætti maður
að breyta
því sem
virkar?“
 Heyrðu lagið á
frettatiminn.is
 Myndband af söng
Sofiu er á vefsíðu
Fréttatímasn
Sækir innblástur
frá hljóðum í
kringum sig
Sofia Jernberg beitir rödd sinni á óhefðbundinn hátt
Sænsk-
-eþíópíska
söngkonan
Sofia Jern-
berg er með-
al flytjenda
í óperunni
UR_.
„Ég syng aðallega spunasöng sem
gerir hlutverk mitt í óperunni frá-
brugðið því sem ég er vön,“ segir
sænsk-eþíópíska söngkonan Sofia
Jernberg sem er meðal flytjenda óp-
erunnar UR_ eftir Önnu Þorvalds-
dóttur sem verður frumsýnd hér á
landi í Hörpu í kvöld.
Segja má að rödd Jernberg sé held-
ur óvenjuleg en hún fer tilrauna-
kenndar leiðir við beitingu hennar.
Aðspurð um hvernig hún beiti rödd
sinni og hvaðan hún fái innblástur
segir hún: „Venjulega spinn ég bara á
staðnum og breyti röddinni í augna-
blikinu, ég veit ekki hvernig ég beiti
röddinni tæknilega enda vekur
það ekki áhuga minn. Innblástur-
inn sæki ég til allra hljóða í kring-
um mig. Þegar ég vinn með hljóð-
færaleikurum, selló og píanistum,
spinn ég til dæmis hljóðið í kring-
um hljóðfæri þeirra og hermi eftir
þeim.“
Hún segir ekki síður skemmti-
legt að breyta hlutverki söngvar-
ans þannig hann sé ekki alltaf sól-
óisti heldur hluti af hljóðinu, skuggi
hljóðanna, þannig hafi Anna skrifað
óperuna UR_.
En af hverju er Sofia í UR_ óper-
unni?
„Arnbjörg Þorvaldsdóttir, fram-
leiðandi sýningarinnar, blés til ferð-
ar til Grænlands með Önnu þar sem
ég hitti hana í fyrsta skipti og við
náðum vel saman. Þannig hófst okk-
ar samstarf.“ Hún segir hlutverk sitt í
UR_ ekki hefðbundið heldur eru þrír
söngvarar sem leiki eina og sömu
persónuna. „Við erum þrír söngv-
arar sem erum ein persóna, en ég
veit ekki hvort ég er karl eða kona,
persónan hefur ekkert nafn. Þetta
er frekar abstrakt hlutverk en ég veit
að ég er næst fæðingunni. Þar sem
ég syng ekki óperusönginn, eins og
hinir tveir söngvararnir, er ég meira
að herma eftir hljóðunum, jörðinni
og vindinum í kringum mig. Það er
ekki svo auðvelt að útskýra.“
Hvort hlutverk Jernberg í UR_ sé
ólíkt hinni hefðbundnu óperurullu
segir hún: „Já, ég myndi segja það
en ég er enginn hefðbundinn óp-
erusöngvari og get því ekki svarað
spurningunni réttilega.“
Það verði áhorfendur að dæma.
- bg
Byltingarkennd
netverslun
Barkode er ný
vefverslun sem
einblínir á
nýja hugsun,
byltingu og nýtt
form samstöðu
þegar kemur að
fatakaupum. Vörur Barkode
eru keyptar af vottuðum fram-
leiðendum og engar vörur inni-
halda dýr eða dýraafurðir. Pró-
senta af öllum sölum Barkode
rennur þá einnig til styrktar
UN WOMEN á Íslandi. „Saman
stöndum við hærra og hugs-
um hærra,“ segir á vefsíðunni
www.barkode.is
Skemmtilegasti verslun-
arstjóri landsins „Fólk er
stöðugt að koma til mín og
biðja mig um að taka versl-
unardansinn“
„Tölurnar sýna aukna traffík í
verslunina. Ég er bara ég, hress
og kátur og finnst gaman að vera
til,“ segir Ívar Þórður Ívarsson,
verslunarstjóri Rúmfatalagersins á
Korputorgi. Ívar hefur slegið í gegn
í kynningarmyndböndum Rúm-
fatalagersins þar sem hann kynnir
vörur af mikilli innlifun, einlægni
og ástríðu. Myndskeiðin fá allt að
70.000 áhorf.
Fyrsta myndskeiðið birtist á
Facebook um jólin og síðan hefur
heimsóknum fjölgað í verslunina
á Korputorgi. Fólk er æst í að hitta
Ívar. „Fólk er stöðugt að koma til
mín og biðja mig um að taka versl-
unardansinn,“ segir Ívar hlæjandi
og vísar þá í dansspor sitt í nýjasta
myndbandinu. „Ég kalla þetta dans-
spor „Shopping carter“ og hef not-
ast við það í tugi ára. Ég hendi í
sporið þegar ég er orðinn þreyttur
á dansgólfinu, þá stend ég kyrr og
einfaldlega set í körfuna. Ég bjóst
ekki við því að myndbrotið færi á
slíkt flug.“
Ívar hefur starfað hjá Rúm-
fatalagernum í 11 ár, byrjaði á kass-
anum og vann sig upp. Hann segist
njóta hvers dags í starfinu. „Ég er
99% tímans á gólfinu að sinna kúnn-
um. Ég vil að fólk hafi gaman af því
að koma á Korputorg og smita frá
mér ánægju og gleði. Nú er að koma
sumar, sólin skín og það er svaka-
lega gaman í vinnunni. Ég hlakka
sérstaklega til helgarinnar í búð-
inni.“ | sgk
Ívar hefur unnið hug og hjarta þjóðar-
innar í kynningarmyndböndum Rúm-
fatalagersins. Í því nýjasta tók hann
„the shopping carter“ danssporið sem
gerði allt vitlaust á netheimum.
Mynd/skjáskot úr myndbandi Hringtorgs
Fólk sækir í Ívar í Rúmfatalagernum
36 | FRÉTTATÍMINN | Helgin 4. júní – 5. júní 2016
108 Reykjavík Sími: 595 0500 www.egillarnason.isSuðurlandsbraut 20 Opnunartímar: mán - fös kl. 9–18 og lau kl. 11–15
VIÐ GETUM TENGT ÞIG VIÐ BESTU
PARKETSLÍPARA LANDSINS
HAFÐU SAMBAND OG VIÐ
RÁÐLEGGJUM ÞÉR MEÐ
SLÍPUN, LÖKKUN, OLÍUBURÐ
OG ALMENT VIÐHALD