Fréttatíminn - 04.06.2016, Blaðsíða 58

Unnið í samstarfi við
knattspyrnudeild Vestra
Sameinað lið Ísafjarðar og Bolungarvíkur leikur í fyrsta sinn undir nafni Vestra í deildarkeppninni
í knattspyrnu ár. Liðið hét áður
BÍ/Bolungarvík og gekk iðulega
undir nafninu Skástrikið. Vestri
spilar í 2. deildinni í ár, eftir að
hafa fallið úr 1. deildinni á síðasta
tímabili. Samúel Sigurjón Samú-
elsson, formaður meistaraflokks-
ráðs, hefur verið viðloðandi stjórn
deildarinnar frá því að liðið var í 3.
deildinni sumarið 2008.
„Ég byrjaði að starfa fyrir fót-
boltann fyrir vestan árið 2008
en það ár fór BÍ/Bolungarvík upp
úr 3. deildinni. Liðið var skipað
ungum leikmönnum og þremur er-
lendum leikmönnum en það sem
skipti mestu máli var þjálfarinn,
Slobodan Milosic, betur þekktur
sem Míló. Hann gjörbreytti hugar-
fari manna hérna fyrir vestan og
á þeim tíma kom hann með öðru-
vísi áherslur en áður þekktust
hér í þjálfun. Hann var grjótharð-
ur, mikill leiðtogi sem fékk menn
til að trúa á það sem hann var
að gera. Það gekk svo sannar-
lega upp. Við tryggðum okkur
annað sætið í 3. deildinni og sæti
í 2. deildinni árið eftir. Því miður
þurfti Míló að hætta störfum og
flytja aftur til Akureyrar þar sem
hann hefur búið nær allan sinn
tíma á Íslandi,“ segir Samúel.
Í stað Míló var Svartfellingur-
inn Dragan Kazic ráðinn en hann
hafði þjálfað í Grindavík og varð
seinna aðstoðarþjálfari hjá Val
og ÍBV. „Við notuðum sama upp-
legg og árið á undan. Uppistað-
an var ungir heimamenn og þrír
erlendir leikmenn römmuðu inn
leikmannahópinn. Liðið stóð sig
þokkalega og endaði í 5. sæti á
sínu fyrsta ári í 2. deild,“ segir
Samúel.
Fjársterkir aðilar
mættu á svæðið
Árið 2010 fóru hlutirnir svo að ger-
ast, að sögn Samúels. Alfreð Elías
Jóhannsson var ráðinn þjálfari og
stefna var sett upp í 1. deild. „Leik-
mannahópurinn var sterkur fyrir 2.
deildarlið. Okkar heimamenn voru
árinu eldri og reynslunni ríkari og
meðal leikmanna sem léku það
ár má nefna Róbert Örn Óskars-
son, Emil Pálsson og Andra Rúnar
Bjarnason sem skoraði nítján mörk
í deildinni það ár. Jónmundur Grét-
arsson kom í félagsskiptagluggan-
um, skoraði tíu mörk í tíu leikjum
og hjálpaði okkur að enda í 2. sæti
og tryggja sæti í 1. deild.“
Þegar vel gengur þá vilja allir
vera með og leggja sitt af mörk-
um og segir Samúel að á þessum
tímapunkti hafi fjársterkir aðilar
komið að liðinu og markmiðið hafi
verið að festa litla liðið af Vest-
fjörðum í 1. deildinni.
„Við tókum ákvörðun um að
skipta um þjálfara, þrátt fyrir
góðan árangur, og fengum Guð-
jón Þórðarson vestur. Við fórum
mikinn á leikmannamarkaðnum
um veturinn, sterkir leikmenn
gengu til liðs við okkur og við
töldum þegar mótið hófst að við
gætum barist um að fara upp í
efstu deild. Það gekk þó ekki eft-
ir því liðið endaði í sjötta sæti í
deildinni. Árangurinn í bikarnum
var hins vegar frábær. Við slógum
út stjörnum prýtt lið Breiðabliks í
átta liða úrslitum og töpuðum síð-
an fyrir KR í undanúrslitum fyrir
framan tvö þúsund áhorfendur á
Torfnesvelli um verslunarmanna-
helgina,“ segir Samúel.
Um haustið var Jörundur Áki
Sveinsson ráðinn þjálfari og hann
stýrði liðinu í þrjú ár í 1. deildinni.
Samúel segir að með ráðningu
Jörundar Áka hafi ætlunin verið
að fá að stöðugleika en það hafi
ekki alveg gengið eftir vegna
breyttra aðstæðna. „Árið 2013
vorum við með besta fótboltaliðið
sem spilaði undir merkjum BÍ/
Bolungarvíkur. Liðið var aðeins
tveimur stigum frá því að komast
í Pepsi-deildina en næstu tvö ár
voru basl sem endaði með falli
í 2. deild á síðasta tímabili enda
þurftum við að draga saman
seglin í rekstrinum.“
Samúel segir að deildin núna
hafi ekki farið nógu vel af stað
hjá Vestra. „Við unnum tvo fyrstu
leikina en síðan höfum við tapað
tveimur leikjum, gegn ÍR og KV.
Stefnan var og er að fara upp og
ég hef enga trú á öðru en við rétt-
um úr kútnum og komumst aftur
á skrið,“ segir Samúel.
Mjög gott unglingastarf
Samúel er gríðarlega stoltur
þegar talið berst að unglinga-
starfinu. „Unglingastarfið hefur
verið mjög gott miðað við þá að-
stöðu og fjölda iðkenda sem við
höfum úr að spila. Við höfum til
að mynda átt tvo til þrjá stráka
sem hafa komist í svokallaða úr-
tökuhópa fyrir yngri landsliðin
nánast ár hvert. Við áttum til
að mynda þrjá stráka sem hafa
verið á landsliðsæfingum í vetur
með U16. Viktor Júlíusson og
Daði Freyr Arnarsson voru í U17
ára landsliði Íslands á síðasta ári
og Elmar Atli Garðarsson var á
úrtökuæfingum fyrir U19. Þeir
þekktustu sem hafa komið hér
upp eru þó þeir Emil Pálsson og
kóngurinn, Matthías Vilhjálms-
son. Matti er klárlega besti leik-
maðurinn sem hefur komið frá
okkar svæði og erum við Vestra
menn gríðarlega stoltir af Matta,“
segir Samúel en Matthías spilar
með Noregsmeisturum Rosen-
borg.
Aðstaðan ekki boðleg
Samúel segir að aðstaðan til
knattspyrnuiðkunar á Ísafirði
og Bolungarvík sé engan veg-
in boðleg. „Við æfum á parketi
fyrir vetrartímann og á ónýtu
gervigrasi fram á sumar. Svo sér
Skeiðisvöllur í Bolungarvík um
okkar yfir sumartímann þar sem
Torfnesvöllur er aðeins nýttur
undir leiki. Ég ætla að vona það
að bæjarfélögin sjái nú sóma
sinn í því að byggja fyrir okkur
knattspyrnuhús og leggi gervi-
gras yfir Torfnesvöll því að hann
nýtist ekkert eins og er nema
undir leiki yfir sumartímann.“
Eigum markmið
og drauma en langt í land
„Markmið félagsins eru að til búa
til flott félag sem getur vonandi
spilað í deild þeirra bestu í fram-
tíðinni. Við eigum gríðarlega langt
í land en við verðum að hafa mark-
mið og drauma. Við viljum búa til
okkar knattspyrnumenn og ég
held að félaginu hafi tekist það
þokkalega gegnum tíðina. Það eru
ákveðin kynslóðaskipti hjá okkur
og margir ungir efnilegir leikmenn
eru að fá tækifæri eins og kemur
fram í úttekt á fotbolta.net í dag.
Við erum það félag í þremur efstu
deildunum sem gefur ungum leik-
mönnum hvað flest tækifæri en
níu leikmenn undir 19 ára aldri hafa
leikið fyrir Vestra það sem af er
sumri. Ef okkur tekst að halda okk-
ar uppöldu leikmönnum hjá okkur,
og jafnvel að fá nokkra heim aftur,
þá verða okkur allir vegir færir. En
á meðan aðstaðan sem við búum
við er ekki betri en hún er þá verð-
um við að setja okkur markmið í
samræmi við það,“ segir Samúel.
Markmið að búa til flott félag sem
getur spilað á meðal þeirra bestu
…ferðir
kynningar
18 | amk… LAUGARDAGUR 4. JÚNÍ 2016
Bolungarvík Vestramenn æfa á þessum velli yfir sumartímann.
Ónýtt gervigras Vestra-
menn æfa á þessum úr
sér gengna gervigrasvelli
þegar snjóa leysir og þar
til þeir komast á gras.