Fréttatíminn - 30.09.2016, Blaðsíða 44

44 | FRÉTTATÍMINN | Föstudagur 30. september 2016
Eggert deilir vinnustofu sinni með
Mist og Kústi, tveimur heimilis-
köttum sem eiga það til að hanga
nálægt Eggerti meðan hann vinn-
ur. Hann mætir á vinnustofuna
um leið og hann vaknar og er þar
fram að miðnætti og hlustar á
plötur úr safninu sínu til að halda
sér við efnið.
Eggert var að fara síðustu um-
ferð yfir verk sem hann var að
vinna að, fyrsta verkið sem hann
klárar á þessu ári. „Þetta eru
hæstu blóm, blóm sem vaxa á
fjallstoppum. Þarna er jöklasóley
í miðjunni og svo er vetrarblóm,
steinbrjótur og fjallaskarfakál.“
Stór hluti af degi Eggerts fer
fram niðri í kjallara á vinnustofu
hans: „Þess vegna er vinnustof-
an heima, annars væri ég aldrei
heima. Mér finnst vinnustofa vera
staður þar sem meður hefur bæk-
ur, mér leiðist svona verkstæðis-
tilfinning. Ég vil hafa bækur og
plötur og heimilislegt, þótt það sé
nú ekkert rosalega heimilislegt í
augnablikinu,“ segir blómamálar-
inn og hlær. | hdó
Eggert og flóran. Mynd | Rut.
Vinnustofan: Flóran og kötturinn Kústur
Á Melunum í Vesturbæ
Reykjavíkur stendur
fallegt hús eftir
arkitektinn Skúla H.
Norðdahl. Í þessu
fallega húsi býr
blómamálarinn Eggert
Pétursson og er með
vinnustofu.
Hamingjan er ekki
raunveruleg. Hún er
manngert fyrirbæri,
mælistika sem við
notum til að réttlæta
tilveru sem hefur
engan tilgang …
annan en að vera
hamingjusamur.
xoxo | Mystique
Hamingjumoli: Tilvera sem
hefur engan tilgang
Pauline McCarthy
hefur tileinkað líf
sitt því að koma
breytingaskeiðinu
út úr skápnum. Hún
hefur búið á Íslandi í
24 ár og segir Akranes
vera gimstein Íslands.
Halla Harðardóttir
halla@frettatiminn.is
Ég kom hingað fyrst þann 19. desember árið 1992 og það fyrsta sem ég lærði að segja var gleðileg jól,“ segir Pauline McCarthy og
skellihlær. Stuttu eftir að Pauline
kom hingað frá heimabæ sínum,
Glasgow, giftist hún íslenskum
manni sem hún skildi við stuttu
síðar. „Ég elska Íslendinga svo
mikið að ég er búin að giftast
tveimur,“ segir hún og hlær ennþá
meira. „Ég fann mér annan miklu
betri og við höfum verið gift í
12 ár.“
„Við fluttum hingað á Akranes
því sonur okkar, sem er einhverf-
ur, var lagður í svo mikið einelti í
Reykjavík. Við vorum orðin alveg
úrræðalaus þegar læknirinn hans
ráðlagði okkur að flytja í umhverfi
þar sem engin þekkti hann, og
hann mælti með Akranesi. Þremur
mánuðum síðar vorum við flutt
hingað og það bjargaði lífi sonar
míns. Þetta var ein besta ákvörðun
lífs míns og Akranes er yndislegur
bær, gimsteinn Íslands.“
„Ég byrjaði á breytingaskeiðinu
þegar ég var 45 ára og skildi ekk-
ert hvað var að gerast. Fyrstu ein-
kennin voru minnisleysi og ég var
skíthrædd um að ég væri komin
með alzheimer, ég skildi ekkert.
Ég fór í allskonar próf og fékk svo
þau svör að þetta væru afleiðingar
af stressi og hormónabreytingar.
Mér var svo létt því það þýddi að
þetta myndi batna þegar þessu
skeiði lyki. Ég fór á fullt í að leita
að upplýsingum á netinu en fann
ekkert nema hundleiðinlegar og
þurrar læknisfræðilegar grein-
ar. Ég komst að því að breytinga-
skeiðið var ennþá algjört tabú svo
ég ákvað að mitt markmið í lífinu
yrði að koma breytingaskeiðinu út
úr skápnum,“ segir Pauline sem
hefur síðastliðin tíu ár haldið úti
vefsíðu um breytingaskeiðið auk
þess að ferðast um Bretland og
Bandaríkin með sýningu þar sem
hún fjallar um breytingaskeiðið
á persónulegan hátt, alltaf með
húmorinn að leiðarljósi. „Ég er
líka með hlaðvarp á vefsíðunni þar
sem ég tala um allt sem viðkemur
þessu tímabili í lífi okkar kvenna
og ég er með hlustendur alla leið
til Ástralíu og Suður-Afríku.“
„Mitt breytingaskeið er ekki
ennþá búið. Meðaltíminn er fimm
ár en ég er ein af þessum heppnu
sem þarf að lifa með því lengur,“
segir Pauline og hlær. „Það eru
ekki bara konur sem hafa sam-
band við mig til að fá upplýsingar
heldur líka karlmenn. Þeir spyrja
mig hvað í ósköpunum hafi eig-
inlega komið fyrir eiginkonur
þeirra, þær hafi breyst í bandbrjál-
aðar nornir og þeir vita ekkert
hvernig þeir eiga að bregðast við.
Og þá útskýri ég að þetta séu bara
hormón. Og að besta leiðin sé að
minnka sykurát og stress og byrja
að stunda jóga. Ég reyni að gera
þetta allt sjálf þó ég eigi reyndar
erfiðast með að sleppa sykrinum.“
Missti minnið
og skildi ekki af hverju
„Ég byrjaði á breytingaskeiðinu þegar ég var 45 ára og skildi ekkert hvað var að gerast,“ segir Pauline McCarthy. Mynd | Rut
Innflytjandinn: Pauline McCarthy
Ég komst að því að
breytingaskeiðið var
ennþá algjört tabú svo
ég ákvað að mitt mark-
mið í lífinu yrði að koma
breytingaskeiðinu út
úr skápnum
TVÆR SÝNINGAR
ÍSLENSKA
DANSFLOKKSINS
Á AÐEINS
6.900 KR.
SPARAÐU ALLT AÐ 42%
AF ALMENNU MIÐAVERÐI
KORTASALA
WWW.ID.IS
568 8000
Da d
A Da
NS