Fréttatíminn - 14.10.2016, Síða 32

32 | FRÉTTATÍMINN | Föstudagur 14. október 2016
Vill rjúfa
þögnina
um sjóslys
„Það var ekkert
talað við okkur
börnin og önn-
ur börn tóku
lítið tillit til þess
sem hafði gerst,
því þeim var
ekki kennt það.“
Framleiðsla og
stjórn heim-
ildamyndar-
innar Brot er í
höndum þeirra
Hauks Sigvalda-
sonar, Maríu
Jónsdóttur
og Stefáns
Loftssonar,
kvikmynda-
gerðarmanns.
Myndin verður
frumsýnd í
Bíó Paradís 15.
október.
Mynd | Hari
Þann 9. apríl árið 1963 gekk óveð-
ur yfir Norðurland með þeim af-
leiðingum að sextán sjómenn fór-
ust, þeirra á meðal sjö frá Dalvík.
Haukur Sigvaldason ákvað að
gera heimildamyndina Brot um
atburðinn en faðir hans var einn
þeirra sem komu aldrei heim af
sjónum þennan dag.
„Dagana fyrir slysið var búið
að vera hið besta vorveður og
það reiknaði engin með þessu því
spáin gerði ekki ráð fyrir neinni
veðrabreytingu. Menn voru alveg
grandalausir þegar þetta veður
brast á. Hitinn fór úr 10 gráðum
niður í mínus ellefu gráður með
stórhríð og hávaðaroki. Ég missti
pabba en hann og Gunnar bróð-
ir hans voru á Val E 110 sem fórst
þennan dag. Þeir báðu Esjuna um
aðstoð og hún kom að bátnum og
fylgdi honum eftir, en þeir vildu
ekki fara um borð. Veðrið hélt
áfram að versna og það kom að því
að það kom brot á Valinn sem fórst
við hlið Esjunnar. Pabbi var á dekki
og lenti í sjónum þegar brotið skall
á en náðist um borð í Esjuna, þá
lífvana. Hann var ekki nema tvær
mínútur í sjónum en hefur bara
dauðrotast á að fá bátinn yfir sig.
Gunnar bróðir hans var inní stýr-
ishúsi og sást aldrei meir.“
Man sorgina vel
„Með þessari mynd langar okkur
að heiðra minningu þessara sjó-
manna því við Íslendingar höfum
gert allt of lítið af því. Okkur er
tamara að tala lítið um svona slys,“
segir Haukur. Hann var nýorðinn
fimm ára þegar hann missti föð-
ur sinn en man atburðina vel. „Ég
man þegar ég kom fram á gang með
móður minni þegar læknirinn kom
og tilkynnti henni að pabbi hefði
dáið. Ég man líka vel þann við við-
snúning og þær breytingar sem
urðu á öllu heimilishaldi í kjölfar-
ið. Slysið hafði líka mikil áhrif á
Dalvík, sjö sjómenn í blóma lífsins
hurfu snögglega en það var ekki
mikið verið að ræða það. Það var
ekkert talað við okkur börnin og
önnur börn tóku lítið tillit til þess
sem hafði gerst, því þeim var ekki
kennt það. Börn geta verið grimm
og óvægin en það var líka tíðar-
andinn á þessum tíma. Fullorðna
fólkið leið líka vítiskvalir vegna ást-
vinamissis en gat heldur ekki rætt
það við nokkurn einasta mann.“
Vill gera fortíðina upp
Haukur bendir á að gríðarlegur við-
snúningur hafi orðið á slysavörn-
um á sjó. Árið 2008 var það fyrsta
í sögunni sem enginn sjómaður
fórst en frá árinu 1900 til 1980 fór-
ust um 4000 íslenskir sjómenn.
„Fólk leit á þetta sem óhjákvæmi-
legan fórnarkostnað og fólk hafði
stillt líf sitt inn á það að sjómenn
kæmu kannski einn daginn ekki
aftur heim. En að sjálfsögðu hafði
það mótandi áhrif að missa frá sér
eina af fyrirmyndum sínum í lífinu,
föðurímyndina. Í þessu tilfelli fóru
tveir bræður í sama slysinu og það
hafði að sjálfsögðu mjög þung áhrif
á alla sem tengdust fjölskyldunni.
Við viljum rjúfa þessa þögn, horf-
ast í augu við hlutina og gera for-
tíðina upp.“
Annar hver maður í sjávar-
þorpum þekkir einhvern sem
hefur misst vin eða ættingja á
sjónum en samt er ekki talað um
harminn sem því fylgir. Haukur
Sigvaldason vill rjúfa þessa þögn
með heimildamyndinni Brot en
hann missti föður sinn þegar
hann var fimm ára.
Halla Harðardóttir
halla@frettatiminn.is
volundarhus.is · Sími 864-2400
VERÐTILBOÐ - GESTAHÚS 25 m²
með 9 m² yfirbyggðri verönd
kr. 1.699.900,- án fylgihluta.
kr. 1.999.900,- með fylgihlutum og
byggingarnefndar teiknisetti.
Grunnmynd og nánari
upplýsingar á heimasíðu
volundarhus.is
www.volundarhus.is
Vel valið fyrir húsið þitt
V
H
/1
6-
04
34 mm bjálki / Tvöföld nótun
TILBOÐ - GARÐHÚS 4,7m²
m/opnanlegum glugga
kr. 189.900,- án fylgihluta
kr. 219.900,- m/fylgihlutum
70 mm bjálki / Tvöföld nótun
TILBOÐ - GARÐHÚS 9,7m²
kr. 299.900,- án fylgihluta
kr. 359.900,- m/fylgihlutum
TILBOÐ - GARÐHÚS 4,4m²
kr. 169.900,- án fylgihluta
kr. 199.900,- m/fylgihlutum
34 mm bjálki / Tvöföld nótun
50% afsláttur
af flutningi á
GARÐHÚSUM og
GESTAHÚSUM
á allar þjónustu-
stöðvar Flytjanda.
GESTAHÚS og
GARÐHÚS
sérhönnuð fyrir
íslenskar aðstæður
Sjá fleiri
GESTAHÚS og
GARÐHÚS á tilboði
á heimasíðunni
volundarhus.is ATH! 34 mm bjálki / Tvöföld nótun
RISA HAUSTTILBOÐ
Á GESTAHÚSUM OG GARÐHÚSUM