Fréttatíminn - 15.12.2016, Síða 15

| 15FRÉTTATÍMINN | Fimmtudagur 15. desember 2016
Herinn í gírinn fyrir jólin
Herinn á Íslandi
Hjálpræðisherinn á sér langa
sögu hér á landi. Hann kom
til Íslands í byrjun maí 1895.
Frumherjar starfsins voru
Christian Erichsen, yfirforingi
og adjutant frá Danmörku,
og Þorsteinn Davíðsson, ís-
lenskur kapteinn, ættaður frá
Vatnsdal í Húnavatnssýslu.
Þeir tóku sér gistingu á því
sem þá hét Hótel Reykjavík
og festu síðan kaup á húsinu
í október sama ár. Frá þeim
tíma hefur þessi bygging í
Kirkjustræti 2 gengið undir
heitinu Herkastalinn og geng-
ur enn þó að Herinn sé farinn.
og gerðist foringi í Hernum. „Trú-
in er auðvitað ástæðan fyrir því að
maður er í þessu og hún er drifkraft-
urinn í öllu því sem við gerum.“
Ný salarkynni
Sigurður segir að þrátt fyrir milli-
bilsástand í starfi Hjálpræðishersins
þá líti meðlimir hans björtum aug-
um á framtíðina. „Þetta eru sérstök
jól fyrir okkur. Auðvitað er eftirsjá
að gamla og fallega húsinu okkar í
miðbænum, en það var hins vegar
farið að henta illa fyrir starfsem-
ina. Við rákum líka gistiheimili
sem var farið að skjóta skökku við
og gerði það erfitt fyrir okkur að
sinna því sem við eigum að vera að
sinna, sem er aðstoð við náungann.
Viðhald á þessu gamla og virðulega
húsi var líka orðinn þungur baggi.
Það kom því ekkert til greina annað
en að fara annað hvort í kostnaðar-
samar endurbætur eða selja húsið.“
Sigurður segir að Jón Gnarr, fyrr-
verandi borgarstjóri, hafi verið dug-
legur að rækta sambandið við Hjálp-
ræðisherinn á sínum tíma og að þau
góðu tengsl hafi haldist áfram. „Jón
bar hag heimilislausra og þeirra sem
minna mega sín fyrir brjósti og það
styrkti tengsl okkar við borgarkerf-
ið. Þegar við seldum húsið færðum
við í mál við borgina að við fengj-
um salinn í Ráðhúsinu undir jóla-
veisluna okkar á aðfangadag og þar
á bæ var vel tekið í hugmyndina.
Hjálpræðisherinn heldur því sín jól
í Ráðhúsinu að þessu sinni. Hús-
næðið var alveg sprungið hjá okkur
á gamla staðnum og því frábært að
við fáum inni í Ráðhúsinu. Þetta er
bara gleði,“ segir Sigurður.
Í kringum jólahaldið hjá Hjálp-
ræðishernum er heilmikið stúss,
enda voru vel á þriðja hundrað gest-
ir í veislunni í fyrra og nú hafa um
fimmtíu sjálfboðaliðar skráð sig til
að starfa við hana. Baunadósirnar
og rauðkálskrukkurnar eru því ansi
margar. Dagskráin á aðfangadag
verður hefðbundin. Klukkan 16
verður dansað í kringum jólatréð
og svo hefst veislan klukkan 18. Það
verður þríréttað: Súpa, lamb og
súkkulaðikaka.