Fréttatíminn - 06.01.2017, Qupperneq 57

NÁM OG NÁMSKEIÐ
Föstudagur
6. janúar
2017
K
2 er ný námsbraut til
stúdentsprófs í Tækni-
skólanum, en um er að
ræða þriggja ára nám í
bekkjarkerfi sem kennt
er í lotum. Námsbrautin er ætluð
framúrskarandi nemendum sem
eru tilbúnir að stíga út fyrir boxið
og takast á við krefjandi nám. Mark-
miðið námsbrautarinnar er að efla
tækni- og vísindanám á Íslandi í
nánu samstarfi framhaldsskóla,
háskóla og atvinnulífs. En atvinnu-
lífið spilar stóran sess í náminu því
nemendur munu vinna lokaverkefni
í samstarfi við fyrirtæki í lok hverr-
ar annar.
„Þetta er splunkuný braut og
mjög óhefðbundin. Í raun öðruvísi
en allt annað nám sem er í boði í
menntakerfinu. Núna er ein önn
búin og við höfum rýnt svolítið í
hvernig þetta hefur gengið, en við
höfum haft reglulega matsfundi
með nemendum þar sem við höfum
skoðað þetta á ýmsa vegu,“ segir
Nanna Traustadóttir, verkefnastjóri
K2. „Það hefur verið gríðarlega mik-
il nemendaánægja. Þau eru bæði
ánægð með námið í heild sinni og
vinnuaðstöðuna. Maður heyrir líka
á þeim að það er mikil eftirvænting
fyrir framhaldinu,“ bætir hún við.
Í samstarfi við HR
Nafn brautarinnar, K2, er skírskot-
un í næsthæsta fjallstind heims og
vísar þannig í einstaka áskorun í
námi og sex annir brautarinnar
hafa nöfn búða, líkt og í fjallgöngu.
Nemendur hefja þannig nám í
grunnbúðum, taka síðan forritun-
arbúðir, vísindabúðir og fleira og
enda á toppnum við útskrift.
Námið er skipulagt í samstarfi við
Háskólann í Reykjavík og leiðandi
tæknifyrirtæki og er sniðið að að-
gangskröfum HR í tækni- verkfræði-
og tölvunarfræðideild. „Við erum í
samstarfi við HR að því leytinu að
við erum með aðstöðu hjá þeim og
nemendur fara eina lotu á hverri
önn upp í HR og vinna þar. Á sama
tíma kynnast þau háskólaumhverf-
inu. Samstarfið mun svo aukast síð-
ar meir.“
Vilja meiri áskoranir
Nanna segir nemendur upplifa það
vel hve námið er frábrugðið öðru
námi á framhaldsskólastigi og það
er mikil ánægja með það. Reynt
er að hafa alla þætti námsins með
óhefðbundnu sniði, sem og vinnu-
rýmin og skólastofurnar. „Það eru
til dæmis engin próf hjá okkur og
þar sem þetta er mjög sterkur hóp-
ur námsmanna þá eru þau vön að
klára sig vel á þeim, en þau vilja efla
sig á aðra og fjölbreyttari vegu. Þau
eru meðvituð um að það eru ekki
endilega niðurstöður úr prófum
sem segja allt. Þetta eru nemendur
sem eru að skora hátt í hefðbundna
kerfinu í grunnskóla og eru mjög
efnileg. Þau vilja sjálf fá meiri áskor-
anir. Þau hafa mikið frelsi í þessu
námi til að fara lengra með verkefn-
in ef þau telja sig geta. Þau læra að
stýra sínum verkefnum sjálf.“
Spennandi nám
Nanna segir að vissulega hafi ein-
hverjir vankantar komið upp,
enda námið í þróun. En þau
hlusta mikið á raddir nemenda og
fagna ábendingum þeirra um það
sem betur mætti fara. „Þau hafa
væntingar um að námið sé að mestu
leyti rafrænt og óhefðbundið á sem
flesta vegu, fyrir utan að vera krefj-
andi. Þetta er líka áskorun fyrir
kennarana sem eru að kenna við
brautina, en á jákvæðan hátt. Þetta
er því spennandi bæði fyrir nem-
endur og kennara.“
Krefjandi nám fyrir
afburðanemendur
Tækniskólinn býður nú upp á nýja námsbraut
sem nefnist K2, en um er að ræða þriggja
ára nám til stúdentsprófs þar sem farnar eru
óhefðbundnar leiðir.
Lögð er áhersla á að námið sé frá-
brugðið námi í öðrum framhalds-
skólum, hvort sem um er að ræða
námsefnið eða vinnuaðstöðuna.
„Þetta er
splunku-
ný braut og mjög
óhefðbundin. Í raun
öðruvísi en allt ann-
að nám sem er í boði
í menntakerfinu.
Fjölbreytt framboð námskeiða fyrir sérfræðinga
og stjórnendur í atvinnulífinu.
STYRKTU STÖÐU ÞÍNA
Á NÝJU ÁRI
Nánari upplýsingar og skráning á opnihaskolinn.is