Fréttatíminn - 07.01.2017, Blaðsíða 2
2 | FRÉTTATÍMINN | Laugardagur 7. janúar 2017
Lægra verð
í Lyfju
lyfja.is
Verð: 720 kr
Hjarta-Aspirín á 20% afslætti út janúar.
Verð áður: 899 kr
afslátt
ur
20%
„Fólk á Vesturlöndum,
þar sem neyslan er mest,
álítur sig vera svo um-
hverfisvænt, en það er
bara ekki nóg að hjóla í
vinnuna og flokka sorp.“
Meinuðu eftirlitsmönnum
að skoða sláturhúsið
Eftirlitsmönnum var meinað að skoða húsakynnin.
Neytendamál Forsvarsmenn slát-
urhúss neituðu að leyfa eftirlits-
mönnum Matvælastofnunar að
skoða húsakynnin.
Matvælastofnun var meinað að
skoða sláturhúsið Seglbúðir á Suð-
austurlandi í byrjun janúar, en
forsvarsmenn sláturhússins litu svo
á að þeim væri skylt að gera boð á
undan sér.
Þá héldu þeir því enn fremur
fram að engin vinnsla væri í gangi í
sláturhúsinu.
Matvælastofnun boðaði bréflega
í kjölfarið að til stæði að stöðva
markaðssetningu afurða frá slátur-
húsinu og tilkynnt var um stöðvun
markaðssetningarinnar í febrúar.
Daginn eftir tilkynnti sláturhúsið
að dyr þess stæðu eftirlitsmönn-
um opnar. Eftirlitið fór síðan fram í
byrjun mars og sama dag var stöðv-
un dreifingar aflétt.
Forsvarsmenn Seglbúða voru
ósáttir og vildu þeir láta á það
reyna hvort ákvörðun stofnunar-
innar hefði verið réttmæt. Kærðu
þeir málið því til úrskurðarnefndar
atvinnuvega- og nýsköpunarráðu-
neytis.
Ráðuneytið komst að þeirri
niðurstöðu að Matvælastofnun
mátti stöðva markaðssetninguna.
Samkvæmt lögum og reglugerð-
um væri stofnuninni ekki einungis
heimilt heldur skylt að framkvæma
eftirlit hjá matvælafyrirtækjum án
fyrirvara. | vg
Íþróttir Það er tvískinnungur að
vilja bæta ímynd Crossfit-íþróttar-
innar og vekja athygli á henni sem
lyfjalausri íþrótt, en blanda svo
greininni við aflraunir. Þetta segir
formaður þjálfararáðs Kraftlyft-
ingasambandsins og verkefnisstjóri
hjá Íþróttasambandi Íslands. Þeir
eru gagnrýnir á WOW Stronger
mótið sem haldið er í Crossfit í dag.
Þóra Tómasdóttir
thora@frettatiminn.is
Óvenjuleg kraftakeppni, WOW Stron-
ger, verður haldin í Crossfit Reykja-
vík í dag, þar sem tilgangurinn er að
sameina Crossfit og aflraunir. Annie
Mist keppir með „Fjallinu“, Hafþóri
Júlíusi Björnssyni í liði, en hann er
atvinnumaður í aflraunum. Keppn-
isgreinarnar verða blanda af aflraun-
um, kraftlyftingum og Crossfit. Wow
air kostar mótið.
Evert Víglundsson sagði í Frétta-
blaðinu í vikunni að þau Annie
Mist hafi gengið með hugmyndina í
nokkurn tíma. „Tímasetningin hent-
ar einstaklega vel því fram undan er
þétt dagskrá hjá öllum af okkar helstu
aflraunastjörnum,“ sagði Evert.
„Það er algjör tvískinnungur, að
vilja bæta ímynd Crossfit en blanda
íþróttinni um leið saman við afl-
raunir sem eru ekki undir neinu eft-
irliti,“ segir Birgir Sverrisson, ver-
kefnisstjóri lyfjaeftirlitsnefndar
Íþróttasambands Íslands.
„Hvernig getur það
verið í lagi að vilja
vera innan Íþrótta-
sambands Íslands
og halda því fram í
fjölmiðlum í þú vilj-
ir bæta almennings-
álitið á Crossfit-í-
þróttinni, en á sama
tíma blanda saman
aflraunum og Crossfit?
Allir iðkendur hjá Kraft-
lyftingasambandi Íslands
yrðu settir í keppnis-
bann ef þeir kepptu við afl-
raunamenn sem standa
utan Íþróttasambands-
ins. Ef markmiðið hjá
Crossfit er raunveru-
lega að etja kappi
við sterkasta fólk
landsins, þá hefðu
þeir kannski á átt
að bjóða Júlían J.
K. Jóhannssyni,
heimsmeistar-
anum í réttstöð-
ulyftu, til leiks,“
segir Ingimundur
Björgvinsson, formað-
ur þjálfararáðs Kraft-
lyftingasambands Íslands.
Crossfit hreyfingin lá undir ámæli
fyrir að horfa í gegnum fingur sér
með lyfjanotkun eftir að upp úr sauð
á Íslandsmótinu í greininni í Digra-
nesi í nóvember. Þá neitaði sigur-
vegarinn að gangast undir lyfjapróf.
„Ef þú hefur keppt í kraftlyfting-
um á Íslandi utan ÍSÍ, þá finnst mér
það benda til þess að þú hafir verið
að nota lyf til að koma þér áfram. Að
mæta aldrei á mót með lyfjaeftirliti,
hlýtur að bjóða upp á aðstæður til
að misnota lyf. Það er ekki hægt að
keppa í aflraunum á þessum mæli-
kvarða nema nota lyf,“ segir Ingi-
mundur.
Tvískinnungur í Crossfit Ingimundur Björgvinsson er gagnrýninn á WOW Stronger. Mynd | Hari
Máttu ekki útiloka kennara
vegna stjórnmálaþátttöku
Dómsmál Kennarinn Björn
Vilhelmsson fær hálfa milljón í
miskabætur fyrir að hafa verið
útilokaður í umsagnarferli sem
skólastjóri í Gerðaskóla í sveitar-
félaginu Garði vegna pólitískr-
ar starfa. Þetta kemur fram í
úrskurði Héraðsdóms Reykjaness
sem tekur undir sjónarmið
kennarans.
Þannig er mál með vexti að starf
skólastjóra var auglýst árið 2012
og fól mennta- og menningarmála-
ráðuneytið fyrirtækinu Attentus
að gera úttekt á skólanum. Í út-
tektinni kom fram að undanfar-
in ár hefði pólitískur styr staðið
um skólann og að mikilvægt væri
að stjórnendateymið tengdist
ekki pólitískum fylkingum inn-
an sveitarfélagsins. Björn var þá
varabæjarfulltrúi fyrir Lista allra
Garðbúa, L-listann. Með hliðsjón
af þessu var Björn ekki boðaður í
viðtal, þrátt fyrir að hafa starfað
um langt skeið sem kennari í skól-
anum.
Í niðurstöðu héraðsdóms kom
fram að almenn skírskotun um
pólitískar deilur um skólastarf-
ið gæti ekki réttlætt slíkt. Þannig
hafi falist ólögmæt meingerð gegn
Birni. Því var skólanum gert að
greiða honum miskabætur upp á
hálfa milljón. Áður hafði Umboðs-
maður Alþingis komist að sömu
niðurstöðu. | vg
Kennarinn hafði starfað hjá skólanum um langt skeið, en hann var útilokaður
vegna stjórnmálaþátttöku.
Kínverjar fordæma Einar
Loftslagsmál Einar Sveinbjörnsson
veðurfræðingur vakti athygli í
vikunni þegar hann hvatti Ís-
lendinga til að sniðganga vörur frá
Kína í veðurfréttum. Hann segir
nauðsynlegt að ræða þessi mál sem
víðast. Kínversk yfirvöld mótmæla
fullyrðingum Einars harðlega.
Halla Harðardóttir
halla@frettatiminn.is
Hjálmar Friðriksson
hjalmar@frettatiminn.is
Í yfirlýsingu sem kínverska sendi-
ráðið á Íslandi sendi á Fréttatímann
harðneita kínversk yfirvöld að rekja
megi loftslagsbreytingar til kínversks
iðnaðar. Kínverjar segja að skoðun
Einars sé öfugsnúin og hlutdræg
í langa yfirlýsingu. Yfirlýsingin er
ekki undirrituð en tölvupósturinn
er undirritaður af Le Shuang, fyrsta
sendiráðsritara í kínverska sendi-
ráðinu. Hún þakkar blaðamanni sér-
staklega fyrir að vekja athygli sína á
veður fræðingnum.
„Mig langaði til að skapa umræðu,
til þess var leikurinn gerður,“ segir
Einar Sveinbjörnsson veðurfræðing-
ur en hann vakti athygli í vikunni
þegar hann hvatti Íslendinga til að
sniðganga vörur frá Kína, vildu þeir
leggja sitt af mörkum til loftslags-
mála. Tilefnið var birting hans á grafi
frá bresku veðurstofunni sem sýndi
að hitastig hefur aldrei verið hærra
en nú, frá upphafi mælinga. Hingað
til höfum við ekki vanist gagnrýni á
loftslagsmál í veðurfréttum en Einar
segir að sér hafi alltaf fundist gaman
að krydda veðurfréttirnar með ýms-
um fróðleik og að veðurtengd mál-
efni, eins og loftslagsmál, séu tilvalin
í þennan miðil. En fékk hann tiltal
vegna ummælanna um Kína?
„Margir hafa spurt mig að þessu
og ég skil ekki af hverju menn halda
það,“ segir Einar. „Þetta er fréttamál
tengt veðrinu og það hefur verið fjall-
að um kolanotkun á víðum grund-
velli síðan. Umræðan um loftslags-
mál er ekki næg og snýst því miður
oft um upphrópanir og skyndilausn-
ir, og það verður að ræða þessi mál
sem víðast, líka í veðurfréttunum þó
það sé mjög knappt form,“ segir Ein-
ar sem sá umrætt graf á nýársdag og
var brugðið.
„Kolanotkun í Kína er með því
mesta sem gerist í heiminum. Öll
framleiðsla Kínverja á gróðurhúsa-
lofttegundum fer á þeirra reikning
en það erum samt við sem kaupum
vöruna. Þetta er allt tengt. Fólk á
Vesturlöndum, þar sem neyslan er
mest, álítur sig vera svo umhverfi-
svænt, en það er bara ekki nóg að
hjóla í vinnuna og flokka sorp og
hugsa svo ekki meira um þessi mál.
Það er fyrst og fremst hvaða vara þú
neytir hér sem skapar losun á gróð-
urhúsalofttegundum annarsstaðar
í heiminum. Við verðum að hugsa
um þetta sem hnattrænan vanda og
hætta hugsa um losun inn í einhverju
lokuðu mengi. Ég hef samt mikla trú
á unga fólkinu, það er mjög meðvitað
um þessa hluti og tilbúið að horfa á
stóra samhengið.“
Sendiherra Kína á Íslandi, Zhang Wei
Dong, er óhress með orð Einars Svein-
björnssonar veðurfræðings sem hvatti
til sniðgöngu á vörum frá Kína þegar
hann flutti sjónvarpsveðurfréttir.