Fréttatíminn - 07.01.2017, Blaðsíða 34

34 | FRÉTTATÍMINN | Laugardagur 7. janúar 2017
Helga Dögg Ólafsdóttir
helgadogg@frettatiminn.is
Fólk er að hrósa vin-um mínum fyrir að vera vinir mínir en það lítur enginn á það þannig að ég get ver-
ið til staðar fyrir vini mína og
gert þeim greiða. Það er ekki
verið að hrósa vinum mínum
fyrir eitthvað sem þau gerðu
fyrir mig það er verið að hrósa
þeim fyrir eitt að vilja vera
vinir mínir þrátt fyrir að ég sé
svona,“ segir Inga Björk Bjarna-
dóttir sem deildi nýlega á sam-
félagsmiðlinum Twitter hversu
margslungnir fötlunarfordóm-
ar geta verið.
„Ég fæ mikil viðbrögð og
mjög jákvæð viðbrögð þó það
séu líka alltaf einhver neikvæð.
Oftast þegar koma upp fordóm-
ar þá áttar fólk sig ekki á því
að það sé fordómafullt. Ég vil
fræða fólk því þannig uppræt-
um við fordóma.“ Að sögn Ingu
er ekki lausn á vandamálinu að
gagnrýna einstaklinga, frekar
að ræða vandamálið almennt.
„Við gerum öll mistök og ég hef
alveg gerst sek um fötlunarfor-
dóma sjálf. Þetta snýst bara um
það að fólk sé tilbúið til að taka
eitt skref aftur á bak og átta sig
á sínum forréttindum sínum og
viðurkenna mistök sín og vera
tilbúið til að gera betur næst.
Það er betra að viðurkenna og
læra heldur en að hlaupa strax
í vörn.“
Twitterfærsla Ingu hef-
ur vakið athygli og beinist
gagnrýnin að þeim sem hrósa
aðstoðarkonum Ingu fyrir
það eitt að vinna með henni.
„Fólki er oft hrósað fyrir að
vinna með fötluðu fólki og
aðstoðarkonum mínum hefur
oft verið hrósað fyrir framan
mig hversu góðar þær séu því
þær eru að vinna fyrir mig.
Aðstoðarkonurnar mínar eru
frábærar allar sem ein en þetta
er samt bara vinnan þeirra og
þær eru á launum. Þetta er
ekkert öðruvísi en að vinna á
leikskóla eða á skrifstofu, þú
ert bara að þjónusta og þú færð
greitt fyrir það. Sumum hentar
að vinna með mannleg sam-
skipti og sumum hentar bara
að vera í bókhaldi en það gerir
þig ekkert að betri eða verri
manneskju.“
Fordómar geta einnig birst
í hrósi fyrir daglegar athafnir
í lífi Ingu. „Það getur stund-
um verið erfitt að lesa í hrós.
Er verið að hrósa mér fyrir
eitthvað sem ég gerði raun-
verulega eða er verið að hrósa
mér fyrir að vera í hjólastól og
lifa lífinu. Eins og þegar fólk
er að hrósa mér fyrir að fara á
djammið þá eru það alveg aug-
ljóslega fordómar þó þeim sé
pakkað inn í jákvæðan búning.
Réttindabarátta fatlaðs fólk er
falin fyrir mörgum og er þá
mikilvægt að skoða alla litlu
hlutina. Ég held að við náum
ekki neinum árangri í mann-
réttindabaráttu ef við skiptum
okkur alltaf niður í fylkingar.
En allir aðilar þurfa að vera til-
búnir að skoða sína afstöðu og
sína sýn á heiminn.“
Hrósað fyrir það eitt
að vera vinir mínir
Ég vil fræða fólk því þannig upprætum við fordóma, segir Inga Björk Bjarnadóttir. Mynd | Hari
Inga berst gegn fötlunarfordómum á samfélagsmiðlum með
fræðslu í stað skamma.
Refurinn Rasmus er ekkert
að flýta sér að heiman
Refurinn Rasmus býr á Mjóeyri innan um fólk. Hann er ekkert að flýta
sér að heiman.
Kom fyrst á Mjóeyri
þegar hann var hálf­
blindur yrðlingur
„Refir eru veiddir á grenjum á vor-
in og ein grenjaskyttan kom með
þennan til okkar,“ segir Sævar
Guðjónsson eigandi gistihúsanna á
Mjóeyri á Eskifirði um lítinn rebba
sem nefnist Rasmus og hefur gert
sig heimakominn þar á bæ.
„Hann var hálfblindur greyið
þegar hann kom hingað, lítill yrð-
lingur.“
Refurinn hefur verið hjá Sævari
og fjölskyldu frá því í maí og er því
rúmlega hálfs árs gamall.
„Hann er góður og gæfur. Venju-
lega er refirnir farnir í september
eða október en þessi er ekkert
að flýta sér. Ástæðan kannski sú
að hann var svo lítill þegar hann
kom hingað. Man ekki eftir neinu
öðru.“
Á Mjóeyri rekur Sævar
fyrrnefnd gistihús og segir hann
ferðamenn hafa sérlega gaman af
rebba litla. „Það er náttúrulega
mjög sérstakt að komast svona
nálægt ref og vera í tæri við hann.
Við erum með hund líka. Refurinn
og hundurinn leika sér saman.“
„Síðan er hann uppátækja-
samur. Stundar alls konar leikfimi
og dregur stundum dót úr fjör-
unni. Hann hefur nú ekki ver-
ið að veiða mikið. Aðallega hræ
sem hann finnur úti í fjöru, eða
kannski mýs. En ekkert of mikið.“
Sævar segir heimilisfólki þykja
vænt um refinn. „Við höfum voða
gaman af honum en gerum okk-
ur grein fyrir því að þeir hverfa
yfirleitt þó Rasmus sé enn ekki
farinn.“ | bg
Purusteik fyrir þá sem hafa fallið á veganúar
Ertu alveg að gefast upp á veganfæði og endalausri skammarferð í janúarræktina? Láttu það eftir þér að falla og fáðu þér
purusteik. Fréttatíminn mælir með nokkrum stöðum fyrir purusteikarelskandann.
Purusteik í Nettó
Í matvöruversluninni Nettó er
hægt að fá eldaðan purusteikar-
bita fyrir um það bil 500 krónur.
Fullkomið heima í sófanum með
uppáhalds sjónvarpsþættinum
þínum eða hvað sem er sem inni-
heldur sama sem enga
hreyfingu.
Namm!
Jómfrúin
Purusteikin á Jómfrúnni er alger
klassík, dönsk og „dejlig“! Með
steikinni færðu kartöflur, sósu og
sýrt grænmeti sem svíkur engann.
Veisluþjónustan í
Rúgbrauðsgerðinni
Veistu ekki hvert þú átt að fara í há-
deginu á föstudögum? Farðu í Rúg-
brauðsgerðina í Borgartúni og fáðu
þér eins mikið af purusteik og þú
vilt á hlaðborðinu alveg þangað til
að þú ert að springa úr seddu.
Múlakaffi
Hinn ástsæli veitingastaður í
Hallarmúlanum er þekktur fyrir
strangheiðarlegan mat. Skelltu þér
í mömmu purusteik í múlanum
sem getur ekki klikkað og fáðu þér
frítt kaffi eftir máltíðina.
Kjötkompaníið
Ef þú ætlar að fá þér almenni-
lega purusteik þá er best að elda
hana bara heima. Brunaðu í
Kjötkompaníið í Hafnarfirði og
nældu þér í eitt sveitt stykki. Það
er ekkert betra en purusteikar-
lykt úr ofninum sem ilmar um alla
íbúðina í heilan dag.
Síðumúla 30 - Reykjavík
Hofsbót 4 - Akureyri
ÚTSALA
20-80%
AFSLÁTUR
VERÐ 78.680
VERÐ ÁÐUR 112.400
AMAZING
HVÍLDARSTÓLL