Dagblaðið Vísir - DV - 26.01.2016, Qupperneq 2

Vikublað 26.–28. janúar 20162 Fréttir
Fæst í öllum helstu apótekum og Heilsuhúsinu.www.provision.is
Viteyes AREDS2 er andoxunarvítamín með
sinki, lúteins og zeaxantíns og er ætlað
við aldursbundinni augnbotnahrörnun.
Nú er vítamínið með endurbættri formúlu
sem gerir það enn betra en áður.
Viteyes í nýju umbúðunum er komið í
dreifingu og er fáanlegt á sömu stöðum
og áður, um allt land.
NÝTT OG ENDURBÆTT
AUGNVÍTAMÍN
Í NÝJUM UMBÚÐUM!
Nýjar
umbúðir
Augnheilbrigði
Sneiðmynda-
tæki lagað
Tölvusneiðmyndatæki Landspít­
alans í Fossvogi, sem verið hefur
bilað, er komið í lag. Tækið var
búið að vera bilað síðan fyrir
helgina. Vegna bilunarinnar var
viðbragðsáætlun Landspítala
virkjuð föstudaginn 22. janúar
2016 og þurfti að flytja sjúklinga
á spítalann við Hringbraut.
Ástæða þess að svo langan tíma
tók að gera við tækið var bið eftir
varahlutum.
Dæmdir fyrir
fíkniefna-
innflutning
Tveir spænskir ríkisborgara voru
á mánudag sakfelldir í Héraðs­
dómi Reykjaness fyrir innflutn­
ing á kókaíni. Mennirnir, sem eru
báðir á þrítugsaldri, voru hand­
teknir sunnudaginn 25. október í
fyrra, en í sameiningu stóðu þeir
að innflutningi á samtals 483,31
grammi af kókaíni, sem hafði að
meðaltali 35% styrkleika.
Var efnið ætlað til sölu­
dreifingar hér á landi í ágóðaskyni.
Fíkniefnin fluttu mennirn­
ir til landsins sem farþegar með
flugi frá Brussel í Belgíu og voru
efnin falin í líkama þeirra. Báðir
mennirnir fengu eins árs, óskil­
orðsbundinn fangelsisdóm en
gæsluvarðhald, sem þeir hafa
sætt frá handtöku, dregst frá
refsingunni.
Skemmdarvargar gera Fjölskylduhjálp Íslands lífið leitt
É
g er alveg gáttuð á þessu,“ segir
Ásgerður Jóna Flosadóttir, for­
maður Fjölskylduhjálparinn­
ar, en rúða var brotin í húsnæði
Fjölskylduhjálpar Íslands í Iðufelli
í Breiðholti um helgina. Aðeins er
hálfur mánuður síðan þrjár rúður
voru brotnar í húsnæði Fjölskyldu­
hjálparinnar og segir Ásgerður að
aðeins sé rúm vika liðin síðan reynt
hafi verið að brjótast inn í húsnæðið.
Þá reyndu þjófarnir að spenna upp
hurð en höfðu ekki erindi sem erfiði.
Um helgina hafi enn ein rúðan ver­
ið brotin, sú fjórða á aðeins hálfum
mánuði.
„Okkur finnst þetta mjög leiðin­
legt og maður skilur ekki alveg hvað
gengur að fólki sem skemmir svona
fyrir öðrum,“ segir Ásgerður sem
hefur velt fyrir sér til hvaða bragðs
sé hægt að taka. Einn möguleiki sé
að setja girðingu í kringum húsið
sem yrði læst þegar húsnæði Fjöl­
skylduhjálparinnar er lokað.
„Við erum eiginlega komnar á
einhverja endastöð og við gætum
þurft að girða þarna í kring svo
engin umferð sé þarna á kvöldin.
Það safnast saman fólk, alls stað­
ar að af höfuðborgarsvæðinu,
þarna á kvöldin í misjöfnum
erindagjörðum,“ segir Ásgerður
sem tekur þó fram að leyfi þurfi frá
borginni fyrir slíkum aðgerðum. n
einar@dv.is
„Ég er alveg
gáttuð á þessu“
Þrjár rúður
brotnar Aðeins
er hálfur mánuður
síðan þrjár rúður
voru brotnar.
Brotin rúða
Rúðubrot hafa
verið algeng á
undanförnum
vikum í húsnæði
Fjölskylduhjálp-
arinnar.
Stjórnendahópur Borgunar
gerði ekki fyrirvara í sumar
n Bréf um milljarðagreiðslu barst á Þorláksmessu n „Erum ekki enn komin með
T
ólf æðstu stjórnendur Borg­
unar seldu í ágúst í fyrra 36%
af hlut sínum í greiðslumið­
lunarfyrirtækinu án þess
að gera fyrirvara um mögu­
legan hagnað af sölu Visa Europe.
Salan fór fram tveimur og hálfum
mánuði áður en tilkynnt var um kaup
Visa International Service (Visa Inc.)
á Visa Europe. Fyrstu bráðabirgða­
tölur um upphæð greiðslunnar sem
eigendur Borgunar eiga von á vegna
sölunnar komu fram í bréfi sem þeim
barst 23. desember síðastliðinn.
„Öll umræða um innherjaupplýs­
ingar og fyrirfram vitneskju stjórn­
enda Borgunar um væntan hagn­
að Borgunar vegna kaupa Visa Inc.
á Visa í Evrópu, um kaupverðið
sjálft, skiptingu þess og hugsanlegan
hagnað á því ekki við rök að styðj­
ast,“ segir í skriflegu svari Sigurðar
Guðmundssonar, forstöðumanns al­
þjóðasviðs Borgunar og stjórnarfor­
manns BPS ehf., við fyrirspurn DV.
Seldu 2,9%
Borgun á líkt og komið hefur fram
von á greiðslu vegna yfirtöku Visa
Inc. á Visa Europe. Fullyrt er að við­
skiptin geti fært samkeppnisaðilun­
um Borgun og Valitor alls vel á ann­
an tug milljarða króna. Stjórnendur
Landsbankans hafa verið gagnrýnd­
ir fyrir að hafa selt 31,2% hlut sinn
í Borgun í nóvember 2014 til hóps
fjárfesta og stjórnenda fyrirtækisins,
án þess að bjóða eignina út í opnu
söluferli eða gera fyrirvara um við­
bótargreiðslu vegna sölunnar á Visa
Europe.
Eignarhaldsfélagið Borgun slf.
keypti 24,96% í greiðslumiðlunar­
fyrirtækinu af Landsbankanum. Fé­
lagið er meðal annars í eigu Stál­
skipa, Einars Sveinssonar, fjárfestis
og föðurbróður Bjarna Benediktsson­
ar fjármálaráðherra, og Óskars Vet­
urliða Sigurðssonar, fjárfestis og nú­
verandi stjórnarformanns Borgunar.
Hin 6,24% fóru til BPS ehf. sem er í
eigu tólf æðstu stjórnenda Borgunar.
DV greindi í maí síðastliðnum frá því
að eigendur félagsins hefðu greitt 437
milljónir króna fyrir hlutinn og í kjöl­
farið boðið öllu starfsfólki Borgunar
að kaupa hluti í því. Á endanum tóku
33 boðinu og síðastliðið vor áttu alls
45 starfsmenn samtals 10,6% í fyrir­
tækinu. BPS átti þá 7,7% í Borgun en
hluturinn nemur nú tæpum 5%.
Í svari Sigurðar við fyrirspurn DV
er því ekki svarað hver hafi keypt
2,9% hlut af stjórnendahópnum.
Aftur á móti er ljóst að kaupandinn
var Eignarhaldsfélagið Borgun.
Kom með jólapóstinum
Haukur Oddsson, forstjóri Borgunar,
segir í samtali við DV að stjórnendur
fyrirtækisins hafi ekki heyrt af frá­
gangi sölunnar á Visa Europe fyrr en í
nóvember í fyrra.
„Við fengum svo bréf 23. des­
ember þar sem því var lýst og vís­
bendingar gefnar um hversu háa
upphæð Borgun gæti komið til með
að fá. Við erum ekki enn komin með
tölurnar og þú verður að gá að því að
þessi sala er ekki frágengin og það er
til að mynda ekki enn búið að ákveða
hvort þetta verði fært til bókar sem
tekjur á árinu 2015,“ segir Haukur og
heldur áfram:
„Árið 2013 var Visa Europe metið
á þrjá milljarða Bandaríkjadala en
það er selt árið 2015 á 25 milljarða
dala. Okkar hlutur í þessu ræðst
af viðskiptum 2013, 2014 og 2015
og þær tölur eru að auki hlutfall af
heildarviðskiptum Visa í Evrópu
sem við höfðum ekki hugmynd um.
Meginatriðið í þessari umræðu er því
að ég eða aðrir tengdir fyrirtækinu
höfðum aldrei neinar innherjaupp­
lýsingar úr Visa Inc. eða Visa Europe
varðandi söluna. Enginn Íslendingur
hafði þær,“ segir Haukur.
Svarað fyrir söluna
Landsbankinn sendi frá sér til­
kynningu í gær þar sem kom fram
að fyrir tækið, sem er að 98% hluta
í eigu ríkisins, ætli að afhenda Al­
þingi samantekt um sölu bankans
á hlut hans í Borgun. Voru þar fyrri
orð um að bankinn hefði engar upp­
lýsingar haft um að Borgun myndi fá
greiðslur vegna yfirtöku Visa Inc. á
Visa Europe. Því hafi ekki verið gerð
krafa um viðbótargreiðslu vegna
hlutdeildar Borgunar í söluandvirði
Visa Europe sem er áætlað að nemi
alls jafnvirði um þrjú þúsund millj­
arða króna. Landsbankinn opnaði þá
einnig upplýsingasíðu þar sem ýms­
um spurningum um söluna á hlutn­
um í Borgum er svarað.
„Samkvæmt upplýsingum Lands­
bankans margfölduðust erlend Visa­
umsvif Borgunar á árinu 2015 miðað
við það sem áður var. Langstærstur
hluti fjárhæðarinnar sem Borgun á
von á mun vera vegna viðskipta sem
urðu eftir að Landsbankinn seldi hlut
sinn í félaginu,“ sagði í tilkynningu
Landsbankans. n
„Ég eða aðrir
tengdir fyrirtæk-
inu höfðum aldrei nein-
ar innherjaupplýsingar úr
Visa Inc. eða Visa Europe
varðandi söluna. Enginn
Íslendingur hafði þær.
Haukur Oddsson, forstjóri Borgunar
Haraldur Guðmundsson
haraldur@dv.is Eiga enn 5%
BPS ehf. á nú 5% í Borgun en félagið er
í eigu ellefu af tólf æðstu stjórnendum
fyrirtækisins og Vetragils ehf. Haukur
Oddsson, forstjóri Borgunar, er ekki
skráður fyrir eignarhlut í fyrirtækinu en
Vetragil er aftur á móti í eigu Margrétar
Gunnarsdóttur, hjúkrunarfræðings og
eiginkonu hans.
Íslandsbanki er stærsti hluthafi
Borgunar með 63,47%. Eignarhalds-
félagið Borgun slf. á 29,38%. Aðrir
hluthafar eiga minna en 1%.