Dagblaðið Vísir - DV - 29.01.2016, Blaðsíða 2

2 Fréttir Helgarblað 29. janúar–1. febrúar 2016
Kristinn búinn að
bóka flugið heim
Ameríkufarinn Kristinn Jón Guðmundsson ætlar að kveðja New York í febrúar
Þ
að er búið að kaupa flugmiða
heim í kringum 20. febrúar
og í þetta skiptið er ekki hægt
að hætta við því ég er búinn
að tilkynna þetta á ýmsum
stöðum,“ segir Kristinn Jón Guð­
mundsson, aðspurður hvort eitthvað
sé að frétta af áformum hans um að
flytja heim eftir sjálfskipaða útlegð í
New York sem hófst haustið 1986.
„Tilfinningarnar eru blendnar.
Annars vegar er mikil tilhlökkun en
einnig depurð að sumu leyti því ég er
að fara að skilja við marga sem ég mun
að öllum líkindum aldrei sjá aftur.“
Stendur við loforðið
Kristinn sagðist í viðtali í jólablaði DV
vera staðráðinn í að snúa aftur heim og
segja skilið við New York þar sem hann
hefur búið síðustu 29 ár sem ólögleg­
ur innflytjandi. Var þar stiklað á stóru
um það sem á daga Kristins í stór­
borginni hefur drifið. Hann starfar í
dag sem sendisveinn hjá efnalauginni
Perry Process Cleaners á Manhattan
en hélt upphaflega til borgarinnar í
þeim tilgangi að svala útþrá og leita að
ástinni. Fjölskylda hans og vinir hafa
áður keypt fyrir hann flugmiða heim
og þegar það viðtal var tekið stefndi
hann að heimför í lok þessa mánað­
ar. Kristinn er staðráðinn í að standa
við orð sín en stefnir nú að heimkomu
eftir rúmar þrjár vikur.
„Núna verður þetta að gerast enda
eru margir einstaklingar heima á Ís­
landi sem ég þarf að hitta áður en það
verður of seint. Ég geri ráð fyrir að ég
verði mjög ringlaður fyrstu dagana og
vikurnar en ég hef ekkert skipulagt
hvernig fyrstu dagarnir heima verða,“
segir Kristinn og bætir við að hann
eigi síður en svo erfitt með að skipta
um umhverfi.
„Ég er hins vegar svo fastur og van­
ur þessari vinnu sem ég er í en hún er
sú eina sem ég hef haft þar sem menn
kunna að meta það sem ég geri eða
þar sem er þörf fyrir mig.“
Kristinn hefur ekki sagt vinnuveit­
anda sínum, sem greiðir honum 20
Bandaríkjadali fyrir dagsvinnu, um
2.600 krónur, og borgar fyrir herbergi
sem hann leigir í New Jersey, að hann
hafi tryggt sér flugmiða heim.
„Hann gæti hugsanlega látið mig
flakka. Þá þarf ég að finna mér eitt­
hvað að gera í þrjár vikur og gæti þurft
lán. Því yrði ég ekki hrifinn af, því lán
þarf að borga aftur. Ég lifi einungis frá
degi til dags. Það var nú rafmagns­
laust hérna í gær og allir sendir heim
klukkan 14.02. Ég veit því ekkert hvað
ég fæ borgað fyrir þann dag.“
Heldur sínu striki
Sendisveinninn svarar aðspurður
að hann hlakki mikið til að fá aftur
hangikjöt, bjúgu og jafning. Kristni
þykir líklegt að hann þurfi að fá sér
síma í fyrsta skipti þar sem hann eigi
svo marga vini og kunningja sem
muni vilja hafa samband.
„Ætli ég fari svo ekki í Fossvogs­
kirkjugarð en ég ól nú manninn þar,“
segir Kristinn og rifjar upp að hann
hafi unnið í garðinum.
„Nú eru komnar þarna ýmsar
ömmur og afar, sem voru sprell­
lifandi, með leiði. Svo ætla ég að
heimsækja ákveðna menn sem eru
í slæmu ástandi og einnig Halldór
Carlsson, sem er einn af mínum
æskuvinum og sá sem hóf að vinna
að því að koma mér aftur heim. Það
hefur nú loksins borið árangur. Ég
kem með flestar bækurnar mínar
heim og ég ætla mér að halda mínu
striki í mínum rifnu fötum og vona
að ég verði ekki settur inn á Klepp,“
segir Kristinn og hlær. n
Ameríkufarinn Kristinn Jón Guðmundsson hefur ekki séð heimaland sitt í rúm 29 ár eða
síðan hann flúði stefnulaust hark hér heima, þá 24 ára að aldri.
Haraldur Guðmundsson
haraldur@dv.is
„Núna verður
þetta að gerast
enda eru margir heima
á Íslandi sem ég þarf
að hitta áður en það
verður of seint
K
aj Anton Larsen, 23 ára Ís­
lendingur búsettur í Noregi,
hefur verið metinn sakhæfur
af norskum yfirvöldum. Kaj
Anton situr nú í gæsluvarðhaldi en
hann er grunaður um að hafa beitt
tveggja ára íslenskan dreng, sem
einnig er búsettur í Noregi, alvarlegu
ofbeldi í október í fyrra. Morgun­
blaðið greinir frá.
Líkt og DV greindi frá á sínum
tíma átti meint árás sér stað á heimili
móður barnsins, í bænum Lye, í lok
október. Drengurinn var þá í umsjá
Kajs Antons á meðan móðir drengs­
ins var í vinnu.
Móðir barnsins fór með það á
spítalann og kom Kaj þangað stuttu
síðar. Þær skýringar sem Kaj Anton
gaf læknum á áverkum barnsins
þóttu ótrúverðugar og langt frá því
að koma heim og saman við áverk­
ana. Því var hringt á lögreglu sem
handtók Kaj Anton og situr hann enn
í gæsluvarðhaldi.
Geðmat hefur nú borist
yfirvöldum og samkvæmt því er Kaj
Anton sakhæfur.
Saksóknaraembættið óskaði
einnig eftir skýrslu barnasálfræðings,
en sérfræðingar voru fengnir til þess
að taka skýrslu af drengnum. Kaj
Anton segist saklaus og fullyrðir að
barnið hafi dottið tvisvar.
„Hann er saklaus og hann hefur
það skítt í fangelsinu. Hann má
ganga frjáls um ganga fangelsisins en
fær ekki að senda bréf eða fá heim­
sóknir,“ sagði Frode J. Folkestad, lög­
fræðingur Kaj.
Kaj Anton hefur á síðustu fjór­
um árum verið dæmdur hér á landi
í samanlagt 40 mánaða fangelsi, í
þremur aðskildum dómsmálum. n
johannskuli@dv.is
Kaj Anton Larsen
metinn sakhæfur
Grunaður um að hafa misþyrmt tveggja ára dreng
Kaj Anton Larsen Hefur verið metin
sakhæfur og situr enn í gæsluvarðhaldi
grunaður um að hafa veitt tveggja ára barni
alvarlega áverka. Mynd FAcebooK
Mistök að
munnhöggvast
Kári Stefánsson segir það hafa
verið mistök að munnhöggvast
við Sigmund Davíð Gunnlaugs­
son forsætisráðherra. Hann segir
það draga athyglina frá því sem
máli skiptir,
að endurreisa
heilbrigðis­
kerfið. Þeir
Sigmundur
hafa átt í
nokkurri rit­
deilu vegna
kröfu Kára og
undirskrifta­
lista þar sem farið er fram á að
11 prósent af vergri þjóðarfram­
leiðslu renni til heilbrigðismála.
„Til þess að geta brugðist við því á
mynd ar leg an hátt þarftu stuðning
fólks ins í land inu,“ segir Kári sem
bætir því við að það vanti margt
til þess að gera bragarbót á, með­
al annars lyf, ný tæki og fleira fag­
fólk. „Það er fá rán legt að sjúk ling­
ar sem koma meidd ir eða sjúk ir
inn á slysa varðstofu þurfi að byrja
á því að draga upp kred it kort,“
segir hann og hvetur Sigmund til
að verða sá forsætisráðherra sem
endurreisir heilbrigðiskerfið.
Vill ekki verða
forsætisráðherra
Birgitta Jónsdóttir, þingmaður
Pírata, sækist ekki eftir því að
verða ráðherra á næsta kjör­
tímabili, fái
Píratar um­
boð til að sitja
í ríkisstjórn.
Þetta sagði
hún í Síð­
degisútvarp­
inu á Rás 2 í
gær, fimmtu­
dag. Píratar
hafa aldrei mælst með meira fylgi
en samkvæmt skoðanakönnun
Stöðvar 2 og Fréttablaðsins njóta
þeir fylgis 42 prósenta kjósenda.
Hún sagðist enn fremur aðeins
hafa áhuga á að sitja áfram á þingi
ef kjörtímabilið verður stutt. „Ég
vil bara ítreka það að ég er ekki að
sækjast eftir að verða forsætisráð­
herra.“ Hún vill að á stuttu þingi
verði ný stjórnarskrá lögfest, sem
feli í sér miklar breytingar.
www.sportvik.com
Skíðahjálmar
gleraugu
áburður
sköfur
brynjur ofl
Sigti
þrengingar
heyrnarhlífar
gleraugu
töskur ofl