Dagblaðið Vísir - DV - 19.02.2016, Síða 8

Helgarblað 19.–22. febrúar 20168 Fréttir
s: 426 5000 - booking@bbkefairport.is - bbkeflavik.com
Vetrartilboð út apríl
9.900 kr. fyrir 2 með morgunmat
Við geymum bílinn frítt, keyrum þig á
flugvöllinn og sækjum þig við heimkomu
Láttu fara vel um þig nóttina fyrir eða eftir flug og gistu hjá okkur
Leitað álits á framboði
Höllu í Gallup-könnun
n Tilkynnir fjárfestirinn um forsetaframboð? n Sagðist ætla að íhuga málið
S
vo virðist sem stuðnings-
menn Höllu Tómasdóttur,
frumkvöðuls og fjárfestis, séu
komnir á fullt við að kanna
áhuga þjóðarinnar fyrir því
að hún bjóði sig fram til forseta. Spurt
var um álit Viðhorfshóps Gallup til
Höllu í könnun sem send var þátt-
takendum á fimmtudagsmorgun.
Viðhorfshópurinn samanstendur
af ríflega 24 þúsund einstaklingum
og var settur á laggirnar til þess að
einstaklingar, fyrirtæki og stofnanir
geti á skömmum tíma fengið greinar-
góðar upplýsingar um stöðu mála í
þjóðfélaginu.
Var spurt í könnuninni hvort þátt-
takendur væru jákvæðir eða nei-
kvæðir gagnvart því að „Halla Tóm-
asdóttir verði næsti forseti Íslands“.
Eftir því sem DV kemst næst er þetta
fyrsta spurning af þessu tagi nú sem
lögð er fyrir í Gallup-könnun og varð-
ar hugsanlega forsetaframbjóðend-
ur. DV hefur áður greint frá því að
hópur tengdur Framsóknarflokknum
sé að kanna áhuga manna fyrir því að
Guðni Ágústsson, fyrrverandi ráð-
herra, bjóði sig fram en sjálfur hefur
Guðni lýst því yfir að hann sé ekki á
leið í framboð.
Vilja Höllu á Bessastaði
Hinn 1. desember síðastliðinn var
stofnaður Facebook-hópurinn: Við
skorum á Höllu Tómasdóttur í for-
setaframboð 2016, og telja meðlimir
hans nú ríflega 1.500 manns. Hópur-
inn hefur síðan þá verið nokkuð virk-
ur og stuðningsmenn birt reglulega
stuðningsyfirlýsingar og ýmislegt
annað efni, Höllu til heiðurs. Þann
4. desember birti Halla síðan yfirlýs-
ingu á Facebook-síðu sinni þar sem
hún kvaðst djúpt snortin yfir þeim
skilaboðum sem henni höfðu borist.
Hún lýsti því enn fremur yfir að hún
myndi gefa sér tíma til að hugsa málin
og fara yfir þau með sínum nánustu
„áður en ég segi af eða á“.
Reynsla úr viðskiptalífinu
Halla er fyrrverandi fram-
kvæmdastjóri Viðskiptaráðs en lét
af störfum þar árið 2007 til að stofna
Auði Capital. Eftir hrun var hún ein
af stofnendum Mauraþúfunnar, sem
hrinti í framkvæmd Þjóðfundinum
árið 2009. Hún hefur að mestu starf-
að erlendis undanfarin misseri.
Halla hefur enn ekki gefið svar
um það hvort hún ætli sér í framboð
en telja verður líklegt að niðurstöður
Gallup-spurningarinnar muni jafnvel
hafa þar úrslitaáhrif á þá ákvörðun í
framhaldinu. DV náði ekki sambandi
við Höllu vegna málsins.
Margir farnir fram
Eins og DV hefur fjallað um eru sjö
framboð til forseta Íslands kom-
in fram en af þeim standa sex eftir.
Flest komu þau fram fljótlega eft-
ir að Ólafur Ragnar Grímsson til-
kynnti það í nýársávarpi sínu að
hann myndi ekki gefa kost á sér
á nýjan leik en síðan hefur lítið
gerst. Þau sem farin eru fram eru
Þorgrímur Þráinsson rithöfundur,
Ástþór Magnússon athafnamaður,
Elísabet Jökulsdóttir skáld, Sturla
Jónsson vörubílstjóri, sem lýsti því
yfir á Facebook, Hildur Þórðardótt-
ir, rithöfundur og þjóðfræðingur,
og Ari Jósepsson leikari. Margir
eru þó nefndir til sögunnar og hef-
ur verið skorað á marga sem enn
liggja undir feldi. Tilkynna þarf um
framboð fimm vikum fyrir kosn-
ingar, eða fyrir 21. maí næstkom-
andi. Þeir sem til þekkja búast við
að í mars og byrjun apríl gæti dreg-
ið til tíðinda í þeim efnum.
DV leitaði til þeirra frambjóð-
enda sem þegar hafa boðið sig
fram til að spyrja um stöðu mála og
forvitnast hvort þeir væru byrjað-
ir að safna einhverjum þeirra 1.500
meðmæla sem til þarf. Ljóst var af
svörum þeirra sem DV náði tali af
að málin eru á byrjunarstigi.
Ekki náðist í Þorgrím við vinnslu
fréttarinnar, Sturla vildi ekki tjá sig
að svo stöddu og þá barst ekki svar
frá Hildi við fyrirspurn DV áður en
blaðið fór í prentun. n
Sigurður Mikael Jónsson
mikael@dv.is
Kanna málin
Spurt var um álit á
Höllu Tómasdóttur
í spurningakönnun
Gallup sem ýtir enn
undir orðróm þess
efnis að hún íhugi
forsetaframboð.
Í startholunum
Meðmæli engin fyrirstaða
„Þetta er svona í
startholunum. Það er á
byrjunarreit að safna
meðmælendum en þar
sem byrjað hefur verið
að safna hefur gengið
mjög vel. Ég get ekki séð
að það verði mikil fyrirstaða,“ segir Ástþór
Magnússon, spurður um gang mála í
meðmælasöfnun hans.
Ástþór segir að hann sé nú byrjaður að
kynna stefnumál sín, meðal annars með
því að birta ávörp á Facebook og vefsíðu
sinni, forsetakosningar.is. Þar hefur hann
meðal annars kynnt metnaðarfullar
hugmyndir sínar um að flytja starfsemi
Sameinuðu þjóðanna til Íslands.
Sofa hjá og lesa Njálu
Elísabet Jökulsdóttir býst við að fara á kostum
„Ég er búin að fá tvo meðmælendur, en
ég er svona skorpumanneskja eins og
flestir Íslendingar en ég er að fara að ganga
í þetta,“ segir Elísabet Jökulsdóttir aðspurð
um hvernig gangi að safna meðmælend-
um fyrir komandi átök. Spurð um annan
undirbúning segir Elísabet að hún sé farin að
kynna sér stjórnarskrármálin af alvöru, en
bætir við glettin að hún ætli sér í andlits- og
tásnyrtingu og láta laga á sér augabrúnirnar
sem lið í undirbúningnum.
„Síðan þyrfti ég að
fara að sofa hjá, kannski
bráðum. Það væri voða
fínn undirbúningur. Svo er ég að
lesa Njálu, ég held að það sé alveg nauðsyn-
legur undirbúningur. Sofa hjá og lesa Njálu.“
Elísabet segir að hún hafi tekið þessu
rólega þar sem hún sé að fara inn á nýjar
slóðir en hún muni koma á óvart á næstunni.
„Ég hef farið varlega af stað en mun svo fara
á kostum, ef ég þekki mig rétt.“
Á fulla ferð
Ari Jósepsson hefst handa
„Það er allt komið í
gang og verið um
helgina að safna á
fullu,“ segir Ari Jós-
epsson léttur í bragði
þegar hann er spurður
út í meðmælasöfnun og
undirbúning framboðsins.