Dagblaðið Vísir - DV - 26.02.2016, Blaðsíða 48

Helgarblað 26.–29. febrúar 201640 Menning
Fiskur er okkar fag
- Staður með alvöru útsýni
Opið allt árið, virka daga,
um helgar og á hátíðisdögum
Kaffi Duus • Duusgata 10 • 230 Keflavík • Sími: 421 7080 • duus@duus.is • Opið frá k l. 10:30 - 23:00 alla daga
Allt það besta í íslenskri og indverskri matargerð
dans
Dómnefnd: Karen María Jónsdóttir (formaður),
Ólöf Ingólfsdóttir, Margrét Áskelsdóttir.
hönnun
Dómnefnd: Tinni Sveinsson (formaður),
Guðmundur Jörundsson, Sigga Heimis.
Erna Ómarsdóttir og Íslenski dansflokkurinn
Dansflokkurinn hefur undir stjórn
Ernu fetað inn á ótroðnar slóðir á
árinu með spennandi verkefnum
sem gera miklar og ólíkar kröfur
til dansara flokksins og áhorf-
enda hans. Samstarfsmöguleikar
flokksins voru þandir út með
verkinu Stjörnustríð, en þar
mættust Íslenski dansflokkurinn,
fjölfötluð börn í Klettaskóla og
List án landamæra. Samruni
listgreina var færður upp á nýtt
stig í samstarfi flokksins og
Leikfélags Reykjavíkur í verkinu
Njála þar sem dansinn og leiklistin haldast þéttingsfast í hendur í hatrömmum átökum
þessa sögufræga og alblóðuga verks. Í dansverkinu Liminal var líkamlegum mörkum
dansarans ögrað til hins ítrasta og í hinu hápólitíska verki Black Marrow var stórum og
áleitnum spurningum varpað til áhorfenda í mögnuðu sviðsverki.
Walk+talk Austurríski
danshöfundurinn Philipp Gehmacher er
upphafsmaður Walk+talk en allt frá 2008
hafa fjölmargir danslistamenn tekið þátt í
viðburðinum víða um heim, nú einnig Erna
Ómarsdóttir og Margrét Bjarnadóttir ásamt
Gehmacher sjálfum í Reykjavík. Frásagnar-
tækni Walk+talk er sótt í kvikmyndaformið
og yfirfærð yfir á danslistina. Hér er boðið
upp á blöndu hreyfinga í rými og samtal
við áhorfendur, þar sem hreyfing og orð
danshöfundar birtast á sviðinu á sama tíma
svo úr verður eins konar dansfyrirlestur.
Umfjöllunarefnið er hugmynd og skilningur
listamannsins á líkama sínum á hreyfingu
og þeim hugmyndum sem þar má finna.
Tæknin gerir þá kröfu til danslistamanns-
ins að hann útskýri vinnuaðferðir sínar,
sköpunarferli, skilning og skynjun á eigin
hreyfitungumáli. Walk+talk er tilnefnt fyrir
þá innsýn sem viðburðurinn gefur í listrænt
ferli danshöfundar og þróun starfsferils.
Melkorka Sigríður
Magnúsdóttir
fyrir Milkywhale
Milkywhale er söngsjálf Melkorku þar
sem hún stígur fram sem einmana hvalur
sem á erfitt með að feta sig í gegnum
lífið. Í verkinu fær hún til liðs við sig Árna
Rúnar Hlöðversson sem semur tónlistina
við texta Auðar Övu Ólafsdóttur en
Magnús Leifsson og Jóhann Ágústsson
sjá um vídeó- og ljósahönnun. Mil-
kywhale var upphaflega sett upp sem
dansverk fyrir Reykjavík Dance Festival,
sem tónleikaskotin kóreógrafía þar sem
aðferðir danssmíðanna voru nýttar til að
binda saman þemabundinn lagalista.
Seinna meir var sviðsverkið flutt upp á
tónleikasvið Airwaves og verkinu snúið
yfir í kóreógraferaða tónleika sem studdir
voru af kraftmikilli sviðsumgjörð ljósa og
vídeós. Í báðum tilvikum nær Melkorka að
fanga athygli áhorfenda með óvæntum
uppákomum og skotheldri sviðsframkomu.
Katrín Gunnarsdóttir fyrir Macho man Katrín Gunnarsdóttir
samdi sólóverkið Macho Man fyrir dansarann Sögu Sigurðardóttur. Í verkinu er birtingarmynd
karllíkamans í nútíma samfélagi dregin fram. Dansarinn er einn í auðu hvítu rými, ber að ofan,
án hljóðmyndar annarrar en þeirrar sem hann sjálfur gefur frá sér. Tilbúinn til að mála upp
hreyfimynd af svitastorknum heimi mexíkóskrar glímu, rokkstjarna og líkamsræktarkappa
eins og hún birtist okkur á Youtube. Sérstaklega áhugavert er að sjá kvenkyns dansara fram-
kvæma þann karllæga hreyfiorðaforða sem settur er fram en sá tvíræði heimur sem við það
skapast kallar fram sérstæð hugrenningatengsl sem lifa lengi með áhorfandanum.
Reykjavík Dance Festival Reykjavík Dance Festival
hefur starfað frá árinu 2002. Alexander Roberts og Ásgerður Gunnarsdóttir, listrænir stjórn-
endur hátíðarinnar, hafa hrist ærlega upp í fyrirkomulagi hennar. Hátíðin starfar nú árið um
kring. Hátíðin í ágúst er vettvangur fjölbreytni og stærri sýninga, en viðburðir í nóvember
og febrúar eru sértækari og gefa áhorfendum tækifæri til að fara á dýptina. Námskeið sem
haldin eru í tengslum við RDF næra danssamfélagið og opna efni hátíðarinnar enn betur
fyrir þátttakendum. Hátíðin hefur einnig náð að efla starfsemi sína með víðtæku og gefandi
samstarfi við aðrar hátíðir og stofnanir, svo sem Lókal, Íslenska dansflokkinn og Sónar.
Þannig teygir hátíðin sig inn á ný svið og opnar danshátíðarformið í allar áttir. Með listrænt
hugrekki og samvinnu að leiðarljósi halda listrænir stjórnendur RDF stöðugt áfram að þróa
möguleika hátíðarinnar sem skapandi vettvangs í sviðslistum.
Brynjar Sigurðsson
Brynjar hefur vakið heimsathygli fyrir
hönnun sína: húsgögn skreytt með há-
karlahnútum frá Vopnafirði, hjálpartæki
fyrir ímyndaðan veiðimann og prik með
engan augljósan tilgang. Hann heldur til á
mörkum list- og hönnunarheimsins en hefur
fyrst og fremst áhuga á því að segja sögur.
Hönnun hans hefur prýtt forsíðu Wallpaper,
hlotið Svissnesku hönnunarverðlaunin og
einnig kom út bók og vínylplata byggð á
verkum hans. Brynjar setti upp í fyrra flotta
sýningu í höfuðstöðvum Crymogeu við
Barónsstíg með kærustu sinni, þýska innan-
hússhönnuðinum Veroniku Seidlmair, en
saman reka þau hönnunarfyrirtæki í Berlín.
Float Unnur Valdís Kristjánsdóttir
hannaði Flothettuna fyrir fólk til að upplifa
vellíðan í vatni, losa um streitu og stuðla að
heilbrigði. Vörulínan samanstendur af Flot-
hettu og Fótafloti, og er hún hönnuð til að
veita líkamanum fullkominn flotstuðning í
vatni. Síðustu misseri hefur orðið til hreyfing
í kringum svokallað Samflot, þegar margir
setja á sig Flothettur Unnar og fljóta saman.
Þetta er skemmtilegur slökunarkúltur og
góð viðbót við baðmenningu þjóðarinnar.
OR Type OR Type er fyrsta og eina sérhæfða leturútgáfa Íslands. Hana reka
félagarnir Guðmundur Úlfarsson og Mads Freund Brunse. Þeir hanna leturgerðir og selja og
síðustu misseri hafa þeir selt letur til blaðanna New York Times og The Wire. Þá var opinbert
letur Sundance-kvikmyndahátíðarinnar úr þeirra smiðju. Guðmundur og Mads leggja áherslu
á að skapa lifandi letur sem ögrar fyrirfram gefnum hugmyndum um hvernig letur skuli vera.
Aníta Hirlekar Aníta er
meðal helstu vonarstjarna íslenskrar
fatahönnunar. Síðustu ár hefur hún
unnið fyrir mörg þekkt fyrirtæki á borð
við Dior, Diane Von Furstenberg, Diesel
og Bvlgari. Aníta sýndi á Hönnunarmars
í fyrra glæsilega útskriftarlínu sína frá
Central Saint Martins í London. Þaðan
útskrifaðist hún með mastergráðu í
fatahönnun og textíl. Í fyrrahaust var
Aníta síðan valin til að sýna línuna sína
á tískuvikunni í London þar sem hún var
sögð „one to watch“ af aðstandendum.
Knot-púðinn Ragnheiður Ösp
Sigurðardóttir rekur hönnunarstofuna Umemi
og framleiðir púðann Knot, sem áður hét
Notknot. Púðinn hefur slegið í gegn hérlendis
síðustu ár og fer nú sigurför um heiminn. Á
dögunum tilkynnti virta hönnunarfyrirtækið
Design House Stockholm að það ætli að fram-
leiða púðann. Í kjölfarið var hann pantaður af
búðum á borð við MoMA í New York.
Jungle Bar Orkustykkið Jungle
Bar, sem meðal annars er búið til úr krybbum,
er hugarfóstur þeirra Búa Bjarmar Aðalsteins-
sonar og Stefáns Atla Thoroddsen. Jungle Bar
er meðal annars ætlað að vekja fólk á Vestur-
löndum til umhugsunar um þá ókönnuðu
möguleika sem felast í því að rækta skordýr
til matvælagerðar. Með verkefninu vilja þeir
víkka út hugmyndir um starf hönnuðarins.
Öll þróunarvinna fyrir Jungle Bar var unnin
á Íslandi, meðal annars með styrkjum frá
Nýsköpunarmiðstöð Íslands og Rannís.