Tímarit hjúkrunarfræðinga - 01.03.1994, Blaðsíða 3
Tímarit hj úkrunarfræðinga 1. tbl. 70. árg. 1994
ISSN 1022 - 2278
Tímarit hjúkrunarfræðinga
Suðurlandsbraut 22
108 Reykjavík
Sími: 687575 Fax: 680727
Útgefandi:
Félag íslenskra hjúkrunarfræðinga
Ritstjóri og ábyrgðarmadur:
l'orgerður Ragnarsdóttir
Ritnefnd:
Christel Beck
Guðrún Jónasdóttir
I lerdís Sveinsdóttir
Hólmfríður Gunnarsdóttir
Varamenn:
Anna Gyða Gunnlaugsdóttir
Oltna Torfadóttir
fe
Utlitshonnun:
Hildigunnur Gunnarsdóttir
Prófarkalesari:
Ragnar Hauksson
Setning og prentun:
Steindórsprent - Gutenberg hf.
Pökkun:
Iðjuþjálfun Kleppsspítala
Upplag:
3000 eintök
Forsíða:
jj- Árið 1994 eru 50 ár frá stofnun
lyðveldisins íslands.
Árið 1994 eru 75 ár frá stofnun Fjelags
íslcnzkra hjúkrunarkvenna.
Arið 1994 er stofnár Félags íslenskra
hjúkrunarfræðinga.
Árið 1994 er gott ár.
fe
Blindu mennirnir og fíllinn
Einu sinni voru sex blindir menn beðnir um að lýsa fíl. Þeir þreifuðu
fílinn vandlega þar sem þeir komu að honum og lýstu svo hver og einn
niðurstöðum sínum. Sá fyrsti sagði að fíll væri eins og veggur, annar lýsti
honum sem tré, sá þriðji sagði að fíll væri líkastur slöngu, sá fjórði
skynjaði hann sem reipi, sá fimmti sem blævæng og þeim sjötta og síðasta
fannst að um nokkurs konar spjót væri að ræða. Þeir höfðu allir að vissu
leyti rétt fyrir sér en enginn þeirra hafði þó gert sér grein fyrir stærð
skepnunnar (the elephantness of the animal).
Þessa sögu, rakst ég einu sinni á í grein. Söguna hef ég geymt í minni
þó að greininni sé ég búin að glata. Mér finnst hún eiga víða við, m.a. í
hjúkrun.
/ hjúkrunarfræði er áhersla lögð á það að skoða einstaklinginn í heild
sinni og í samhengi við umhverfi sitt. Líkamleg einkenni og umkvörtunar-
efni eru hugsanlega einungis hluti af heildinni á borð við eyrað á fílnum
sem blindi maðurinn þreifaði og skynjaði sem blævæng.
Til að komast að niðurstöðu er gott að margir skoði viðfangsefnið frá
ýmsum hliðum. Athugun margra kemur þó fyrst að gagni þegar þeir bera
niðurstöður sínar saman svo að hægt sé að fá heildarmynd. Blindu
mennirnir sex þreifuðu fílinn aðeins þar sem þeir komu að honum. Ef þeir
hefðu haldist í hendur við athugunina og unnið saman, þá hefðu þeir
kannski orðið færari um að lýsa fílnum.
Hjúkrunarfræðingar stunda rannsóknir í auknum mæli. Sumir stunda
gæðabundnar ratmsóknir með litlu úrtaki en aðrir gera magnbundnar
kannanir með stóru úrtaki. Aðferðirnar bæta hver aðra upp og séu mis-
munandi leiðir notaðar til að nálgast sama viðfangsefnið aukast líkurnar á
að sjá heildarmynd og samhengi. Hjúkrunarfræðingar eru tilbúnir til að
skoða viðfangsefni sín frá ýmsum hliðum. Þjónusta við skjólstæðinga er
oftast þungamiðja rannsókna þeirra og þeir hafa náð þeim þroska í fag-
mennsku að geta gagnrýnt frammistöðu sína í starfi. Hvoru tveggja er mik-
ilvægt til að ná árangri.
Til að ná árangri er þó mikilvægast að hjúkrunarfræðingar hjálpist að.
Án samvinnu við að greina vandamál, lýsa þeim og finna leiðir til úrbóta
verður lítið um framfarir. Því hefðu blindu mennirnir sex mátt gera sér
grein fyrir. Stofnun Félags íslenskra hjúkrunarfræðinga var í raun yfirlýsing
um það að hjúkrunarfræðingar vilja vinna saman. En samvinna skiptir
ekki aðeins máli í samfélagi íslenskra hjúkrunarfræðinga, heLdur einnig á
alheimsvísu og þverfaglega. Á ráðstefnu um klíníska hjúkrun komu tveir
gestir utan úr heimi. Slíkar heimsóknir gefa íslenskum hjúkrunarfræðingum
tækifæri til að hugsa stærra og skoða stöðu sína í víðara samhengi.
Sagan um blindu mennina sex á víða við. Sama gildir um hjúkrun og
til að vegur hennar verði sem mestur og bestur skulum við hjálpast að og
vera tilbúin til að skoða viðfangsefni okkar út frá mismunandi forsendum.
Það gerir okkur hæfari til að greina samhengi þeirra og umfang, allt í því
skyni að bæta þá þjónustu sem við látum í té. Tímarit hjúkrunarfræðinga
er síðan upplagður vettvangur fyrir þá sem vilja taka þátt í slíkri sam-
vinnu.