Fréttablaðið - 18.05.2017, Blaðsíða 46

Handbolti Sigþór Árni Heimis-
son, leikstjórnandi Akureyrar
handboltafélags, varð í gær fyrsti
maðurinn sem endurstofnað lið
KA semur við en þessi uppaldi KA-
maður ákvað að spila frekar með
KA í 1.  deildinni heldur en Akur-
eyri sem er nú meistaraflokkur og
annar flokkur Þórs, erkifjendanna
úr Þorpinu.
Eftir slit KA og Þórs á fundi með
Handknattleikssambandi Íslands í
fyrradag varð ljóst að bæði KA og
Akureyri (Þór) senda lið til leiks í 1.
deildinni eftir að AHF féll en í stað-
inn fyrir að taka upp eigið nafn á ný
héldu Þórsarar Akureyrarnafninu
sem er búið að byggja upp undan-
farinn áratug.
„Það eru verðmæti í vörumerkinu
Akureyri handboltafélag eins og
samningar við styrktaraðila. Við
erum bara að yfirtaka félagið frá
a-ö. Félagið er áfram til þótt pabb-
inn eða mamman yfirgefi heimilið.
Við erum bara með forræði yfir
króganum núna,“ segir Árni Óðins-
son, formaður Íþróttafélagsins Þórs,
um slitin.
Svartir og flottir
Árni segir allt óbreytt hjá Þórsurum
fyrir utan það, að liðið rekur nú
Akureyri Handboltafélag. Þórsarar
verða áfram til, rauðir og hvítir, upp
í 3. flokk en eftir það tekur við 2.
flokkur og svo meistaraflokkur AHF.
„Við ætlum bara að vera svartir
og flottir. Unglingaflokkarnir okkar
hafa verið flottir undanfarin ár og
eru í mjög góðu umhverfi. Þeir
verða áfram Þór. Síðan Akureyri
var sett á laggirnar höfum við skil-
að einum átta strákum í atvinnu-
mennsku þannig að eitthvað erum
við að gera rétt í uppbyggingunni,“
segir Árni, en hvernig er staðan á
samningsmálum leikmanna, þjálf-
ara og styrktaraðila?
„Það standa allir samningar
sem hafa verið gerðir. Það verður
engum leikmanni haldið nauð-
ugum en Sverre Jakobsson er með
samning í ár til viðbótar og er
þjálfari Akureyrar handboltafélags
í dag. Styrktarsamningar halda sér
líka en við sjáum augljóslega verð-
mæti í þeim.“
Þórsarar, eins og KA-menn, hafa
verið á fullu að funda og vinna
í sínum málum. Hver framtíðin
verður hjá Akureyri til lengri tíma
er óráðin. Þórsarar sjá hag sinn í
að reka AHF áfram núna en það er
ekkert útilokað að endurvekja Þór
síðar meir þótt það sé ekki á stefnu-
skránni í dag.
„Það verður bara að reyna á það
hversu vel okkur tekst að halda
utan um þetta vörumerki. Núna er
það verðmætara fyrir okkur heldur
en ekki en svo er allt breytingum
háð,“ segir Árni.
Leikmenn fara frítt
KA gaf eftir nafnið, styrktarsamn-
ingana og þjálfarann til að snúa
aftur gulir og bláir á næsta ári. Nú
hefst kapphlaup félaganna um leik-
mennina sem geta farið frítt á milli
liða fyrir norðan en Akureyri (Þór)
fær hagnaðinn ef leikmenn eru
seldir annað.
„Samkvæmt þessum samningi
sem gerður var á milli HSÍ, Þórs og
KA eru leikmannasamningar í eign
Akureyrar en við megum ræða við
alla leikmennina og ef þeim líst
betur á okkar framtíðarsýn mega
þeir skipta um lið endurgjalds-
laust. Það eina sem flækir málin
er ef önnur lið vilja fá leikmenn-
ina. Kaupi eitthvert lið leikmann
í sumar sem er samningsbundinn
Akureyri fær það, eða Þór, allt
kaupverðið. Það skiptist ekki jafnt
eins og það gerðist áður. Þessu fórn-
uðum við,“ segir Sævar Pétursson,
framkvæmdastjóri KA.
Hann bætir við að bæði félög séu
nú í því að kynna leikmönnum sína
framtíðarsýn en aðspurður hvort
það þýði ekki á íslensku að KA-
menn fari í KA og Þórsarar verði
eftir í Akureyri svarar Sævar: „Jú,
það gæti verið einmitt þannig.“
Þarf að finna útgönguleið
Árni Óðinsson, formaður Þórs, segir
engan leikmann hafa gefið sig fram
enn þá sem vill fara yfir en fundað
var með leikmönnum í gær. „Þar
voru KA-menn á fundi. Það var bara
verið að gera leikmönnum og þjálf-
urum grein fyrir stöðunni. Ef ein-
hver vill fara verður það bara þannig
en það þarf að finna útgönguleið,“
segir hann.
Þórsarar hafa óskað eftir því að
spila áfram í Höllinni en KA spilar
í sínu húsi. Eins og staðan er núna
er Sigþór Árni Heimisson eini leik-
maður meistaraflokks KA fyrir utan
unga gutta í 3. flokki en Sævar segist
reikna með því að 2. flokks leik-
menn Akureyrar sem eru uppaldir
hjá þeim gulu komi nú yfir.
Kapphlaupið er í það minnsta
hafið. tomas@365.is
Leikmenn mega velja sér lið
Kapphlaupið um leikmenn Akureyrar handboltafélags á milli KA og Þórs er hafið. Þór sér verðmæti í Akur-
eyrarnafninu og heldur styrktarsamningum og þjálfaranum. Ekki útilokað að Þór verði aftur til seinna.
Leikstjórnandinn Sigþór Árni Heimisson valdi frekar að spila fyrir uppeldisfélagið sitt KA og fór frítt frá Akureyri (Þór). FréttAbLAðið/Anton brinK
Það verður bara að
reyna á það hversu
vel okkur tekst að halda utan
um þetta vörumerki.
Árni Óðinsson, formaður Þórs
Körfubolti Craig Pedersen, lands-
liðsþjálfari karla í körfubolta, stýrir
liðinu ekki á Smáþjóðaleikunum
sem fram fara í San Marínó í lok
maí og byrjun júní og aðstoðar-
maður hans, Arnar Guðjónsson,
fylgir heldur ekki liðinu.
Margir lykilmenn landsliðsins
verða heldur ekki með en níu nýlið-
ar eru í tólf manna hópi íslenska
liðsins. Þarna fá yngri menn tæki-
færi til að vinna sér inn síðustu
lausu sætin í EM-hópnum sem fer
til Helsinki í lok ágúst.
Hópurinn er byggður upp á U20
ára landsliðinu en þjálfari þess,
Finnur Freyr Stefánsson, stýrir
íslenska liðinu í San Marinó. Hann
er einnig aðstoðarþjálfari lands-
liðsins og auðvitað þjálfari Íslands-
meistara KR.
Kristófer Acox er reynslumesti
leikmaður íslenska hópsins sem var
kynntur í gær en hann á samt aðeins
tólf landsleiki að baki.
Landslið kvenna er skipað öllum
þeim bestu leikmönnum sem leik-
færir eru. Gunnhildur Gunnars-
dóttir er barnshafandi og í fríi að
þessu sinni. Keflvíkingurinn Birna
Valgerður Benónýsdóttir er eini
nýliðinn í liðinu. Helena Sverris-
dóttir er komin aftur inn í landsliðið
eftir barnsburðarleyfi.
Kvennaliðið: Berglind Gunnars-
dóttir, Snæfelli, Birna Valgerður
Benónýsdóttir, Keflavík, Emelía Ósk
Gunnarsdóttir, Keflavík, Hallveig
Jónsdóttir, Val, Helena Sverrisdóttir,
Haukum, Hildur Björg Kjartansdótt-
ir UTPA, Ingunn Embla Kristínar-
dóttir, Grindavík, Ragna Margrét
Brynjarsdóttir, Stjörnunni, Sandra
Lind Þrastardóttir, Horsholms, Sara
Rún Hinriksdóttir, Canisius, Sigrún
Sjöfn Ámundadóttir, Skallagrími,
Thelma Dís Ágústsdóttir, Keflavík.
Karlaliðið: Emil Karel Einarsson,
Þór Þ., Gunnar Ólafsson, St. Francis,
Jón Axel Guðmundsson, Davidson,
Kári Jónsson, Drexler, Kristinn
Pálsson, Marist, Kristófer Acox, KR,
Maciek Baginski, Njarðvík, Matthí-
as Orri Sigurðarson, ÍR, Ólafur
Ólafsson, Grindavík, Pétur Rúnar
Birgisson, Tindastóli, Tryggvi Snær
Hlinason, Þór Ak., Þórir Guðmund-
ur Þorbjarnarson, KR. tomas@365.is
Pedersen fer
ekki með
Craig Pedersen fylgir liðinu ekki til
San Marínó. FréttAbLAðið/Ernir
NICOTINELL LYFJATYGGIGÚMMÍ
Ertu að hætta að reykja?
Veistu hvaða bragðtegund hentar þér?
Nicotinell Classic/Mint/Fruit/Lakrids/IceMint/Spearmint lyfjatyggigúmmí, Nicotinell Mint munnsogstöflur, Nicotinell forðaplástur. Inniheldur nikótín. Til meðferðar á tóbaksfíkn. Lesið vandlega upplýsingar á umbúðum og fylgiseðli fyrir notkun lyfsins. Leitið til læknis
eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á www.serlyfjaskra.is.
Nicotinell-6-bragdtegundir-5x10 copy.pdf 1 11.5.2017 09:54
1 8 . m a í 2 0 1 7 f i m m t u d a G u r34 S p o r t ∙ f r É t t a b l a ð i ð
1
8
-0
5
-2
0
1
7
0
5
:0
0
F
B
0
7
2
s
_
P
0
4
6
K
.p
1
.p
d
f
F
B
0
7
2
s
_
P
0
4
3
K
.p
1
.p
d
f
F
B
0
7
2
s
_
P
0
2
7
K
.p
1
.p
d
f
F
B
0
7
2
s
_
P
0
3
0
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
C
E
2
-5
C
0
8
1
C
E
2
-5
A
C
C
1
C
E
2
-5
9
9
0
1
C
E
2
-5
8
5
4
2
7
5
X
4
0
0
.0
0
1
1
A

F
B
0
7
2
s
_
1
7
_
5
_
2
0
1
7
C
M
Y
K