Tíðindi um stjórnarmálefni Íslands - 01.01.1875, Page 345
OM BÆJARSTJÓRN í REYKJAVÍK.
337
bæjarins frá næsta ári áður en kosning fer fram. Kjörskráin
skal vera til sýnis á opinberum stað um 14 daga á undan
kjördegi. Kærur um, að nokkur se oftalinn eða vantalinn á kjör-
skránni, á, ef þær eiga að verða teknar til greina, að leggja fyrir
kjörstjórnina, að minnsta kosti þremur dögum á undan kjördegi,
svo að kjörstjórnin geti rannsakað málið og iagt úrskurð sinn á
það, áður kosning fer fram.
8. grein.
Formaður kjörstjórnarinnar skal boða dag, stað og stundu,
er kosningar slculu fram fara, að minnsta kosti átta dögum á undan,
og á þann hátt, sem almennur er í kaupstaðnum um opinberar
auglýsingar. Skal kjörfundurinn haldinn fyrir opnum dyrum;
skulu þá kjósendur allir, er neyta vilja kosningarréttar síns, koma
sjálfir á kjörfund, og lýsa því yfir annaðhvort munnlega fyrir
kjörstjórninni eða á opnum seðli, hvern þeir vilja kjósa. Atkvæði
skulu greidd í eiuu um svo marga, sem kjósa skal.
pegar þeir hafa greidt atkvæði, sem við eru staddir, og allir
kjósendur kallaðir fram, skal kjörstjórnin bíða hálfa stundu, áður
en hún slítur kosningarfundinum, til þess að þeir, sem þá eru
eigi enn komnir, með þessu móti fái tækifæri til að neyta kosn-
ingarréttar síns. þegar öll atlcvæði eru bókuð, les formaður
kjörstjórnarinnar þau upp, en hinir tveir kjörstjórarnir rita þau
upp og telja saman; þar eptir skal nefna kosna sem fulltrúa þá,
er flest hafa fengið atkvæði. Nú hafa tveir eða fleiri jafnmörg
at.kvæði, og skal þá hlutkesti ráða.
jþá er í sama mund skal kjósa bæjarfulltrúa úr flokki allra
kjósanda og úr flokki þeirra, er mest gjalda, skulu hinar almennu
kosningar fram fara fyrst, og þar á eptir skal kjósa hinn hlutann
í fyrsta lagi á fjórða degi og í seinasta lagi innan átta daga.
9- grein.
Sérhver sá, sem er kjörgengur, er skyldur að taka á móti
kosningu, nema hann sé sextugur að aldri, eða hann vegna heilsu-
brests, anna eða annars því um líks heflr sennilega ástæðu til
þess, að skorast undan kosningu; kjörstjórnin skal skeraúr þessu,
og láti hann sér ekki lynda úrskurð hennar, skal skjóta málinu
til bæjarstjórnarinnar. Sá, sem í minnst þrjú ár í samfellu hefir
23*
1872.
20. apríl.