FLE blaðið - 01.01.2016, Blaðsíða 8

Starfsemi FLE
Byggt á skýrslu frá aðalfundi 2015
Sigurður B. Arnþórsson er framkvæmdastjóri FLE
Á starfsárinu 2014-15 stóð félagið fyrir samtals 26 atburðum
sem veittu um 52 endurmenntunareiningar sem er sambæri-
legt og árið áður. Heildarmæting á þessa atburði var tæplega
1.400 manns sem er örlítil fækkun frá fyrra starfsári. í ár lýkur
þriggja ára endurmenntunartímabili fyrir marga endurskoð-
endur þar sem lágmarkskrafan er 120 einingar yfir 3 ár. Á
þessu þriggja ára tímabili hefur félagið staðið fyrir fjölbreyttum
atburðum sem hafa veitt rúmlega 160 einingar og má því segja
að félagið hafi staðið sína plikt og rúmlega það samkvæmt
lögum með því að hlutast til um að fullnægja kröfum um end-
urmenntun. Þó breyting á mætingu milli ára hafi verið óveruleg
þá er áhugavert að rýna örlítið betur á tölurnar. Má í því sam-
bandi nefna hvað ráðstefnurnar halda sínu og gott betur í fjölda
og á það sérstaklega við um Skattadag FLE eftir hæga og síg-
andi fækkun undanfarin ár. Það er skemmst frá því að segja að
í ár mættu þar rétt um 200 manns sem er sögulegt met borið
saman við Skattadag undanfarin ár. Það er alla vega Ijóst að af
áðurnefndum 26 atburðum eru ráðstefnurnar fjórar kjölfestan
með um tæplega helming af heildarfjölda mætinga.
Á þessum ráðstefnum voru margir góðir og áhugaverðir
fyrirlestrar haldnir en af öðrum ólöstuðum vil ég sérstaklega
nefna Arnold Schilder formann IAASB sem var með okkur á
Endurskoðunardeginum. Jens Röder framkvæmdastjóri NRF
opnaði Haustráðstefnuna með afar fróðlegu erindi um stöðu
mála hvað varðar SASE- Norræna endurskoðunarstaðalinn.
Eins og fram kom hjá honum er mikil vinna fram undan á þeim
vettvangi og mun FLE leggja sitt að mörkum. Staðladrögin
hafa nýlega verið þýdd á íslensku en það er nokkuð Ijóst að
einhverjar breytingar munu verða á honum á næstunni. Þetta
hefur verið mikið og metnaðarfullt starf sem vonandi mun skila
okkur þeirri niðurstöðu sem við getum öll sætt okkur við. Þá
má sérstaklega nefna Gleðistundina sem við héldum núna f
haust sem einhvers konar upphafs vetrarstarfsins. Sérstaklega
var ánægjulegt að geta tengt þann atburð við meistaramót FLE
í golfi sem var haldið sama dag og tilnefningu Golfmeistara
FLE árið 2015. Vonandi er þetta fyrirkomulag komið til að vera.
Nefndarstarf
Að venju eru fastanefndir félagsins mikilvægur hlekkur í starf-
semi þess og bera oft hitann og þungann af ákveðnum mál-
efnum. Á það ekki síst við Reikningsskilanefnd félagsins sem
hefur lagt á sig ómælda vinnu á liðnu starfsári með aðkomu
sinni að vinnuhóp á vegum Atvinnuvegaráðuneytisins vegna
innleiðingar Ársreikningatilskipunar EU, en drög að frumvarpi
hefur nú litið dagsins Ijós. Er von á að formlegt frumvarp muni
birtast mjög fljótlega. Samtals hefur vinnuhópurinn haldið um
50 fundi frá því í fyrravor og er mér satt að segja ekki kunn-
ugt um aðra eins aðkomu félagsins undanfarin ár að einstöku
málefni. Það er því alveg Ijóst í mínum huga að starfsemi
félagsins og mikilvægi fagnefnda þess skiptir hagsmunaaðila
og viðskiptaumhverfið miklu máli. Reikningsskilanefndinni eru
færðar sérstakar þakkir fyrir fórnfúst starf á liðnu ári.
Hvað varðar Endurskoðunarnefndina þá er athygli félagsmanna
vakin á einblöðungi um þjónustuafurðir endurskoðenda sem
nefndin vann að á liðnu ári og má finna á vefsíðu félagsins.
Nefndin hefur jafnframt rætt um væntanlega innleiðingu tilskip-
unar EU varðandi endurskoðun, en það má gera ráð fyrir að sú
innleiðing mun verða helsta verkefni nefndarinnar á komandi
starfsári.
Að venju hefur Skattanefndin staðið vaktina gagnvart
Ríkisskattstjóra og framundan eru fundir hjá RSK varðandi
frestmál fyrir komandi ár. Jafnframt hefur RSK boðað ákveðn-
ar hugsanlegar breytingar á lögaðilaskilum á árinu 2017 sem
tengist því að stórir lögaðilar hafi skemmri frest, væntanlega
Frá aðalfundi 2015.
Frá Skattadegi 2015.
6 • FLE blaðid janúar 2016