Ráðunautafundur - 13.02.1978, Side 30

2 24
ákveðið að láta fara fram tilraunasútun á gráum gærum í
Þýzkalandi. Sendar voru 50 gærur til Hilchenbacher
Pelzveredlung, og voru þær pelssútaðar þar. Ekki er enn
ákveðið hvert verður næsta skref, en hugmyndin var að kanna
möguleikann á að koma pelssútuðum gráum gærum á uppboð
eins og Svíar gera með sínar gráu gotlensku, gærur.
Verkefni þetta er í samvinnu við Framleiðsluráð landbún-
aðarins og Búvörudeild Sambandsins.
4. Gærusöltunartilraun
í framhaldi af ráðleggingum Ivarssons og bráðabirgðaniður-
stöðum af tilraunasúturinni í Danmörku, var ákveðið að láta
fara fram tilraunir með söltun og geymslu gæra. Þessar
tilraunir eru að hefjast við allar sútunarverksmiðjurnar.
Tilgangur þessara tilrauna er:
1) að bera saman verkun gæra sem saltaðar eru með misgrófu
salti,
2) að sannreyna hvort um er að ræða eðlisgalla íslenzkra
gæra eða geymslugalla, með því að súta ferskar gærur,
3) að kanna hvort „blóðsöltun" minnkar líkur fyrir geymslu-
göllum í gærum.
Tilraunalegt eftirlit er í höndum Rannsóknarstofnunar land-
búnaðarins og mun hún einnig sjá um uppgjör og mat á niður-
stöðum.
5. Námskeið í fyrirristu og söltun gæra.
í samráði við Framleiðsluráð landbúnaðarins voru haldin tvö
námskeið s.l. haust fyrir starfsfólk sláturhúsa, þar sem
kenndar voru réttar aðferðir við fyrirristu og hæklun. Þessi
atriði ráða lögun gærunnar og þar með nýtingu á skinninu
þegar farið er að sauma úr því. Námskeiðin sóttu um 90 fyrir-
ristu- hæklunar- og gærusöltunarmenn. í tengslum við þetta
námskeið var gefinn út fjölritaður bæklingur um meðferð og
verkun gæra.