Ráðunautafundur - 11.02.1980, Qupperneq 15

7
Svíþjóð og fyrir örfáum árum voru fyrstu turnarnir reistir í
Noregi.
Harvestore-turnarnir eru gerðir úr glerhúðuðum málmplötum,
sem eru skrúfaðar saman með galvanhúðuðum boltum. Á plötusam-
skeitum er sérstakt þéttiefni. Turnarnir eru reistir á stein-
steyptum grunni, og virðist festing þeirra öflug.
I miðju þakinu er innblástursop. Neðan í þakinu hangir
öndunarpoki eða „lunga" sem gegnir því hlutverki að jafna loft-
þrýsting í turninum. Lungað er tengt við ventil á þakinu.
Þegar loftið inni £ turninum hitnar og þenst úr, opnast vent-
illinn og loft streymir út úr lunganu. Það gagnstæða gerist
þegar loftið inni í turninum kólnar aftur.
1 botni turnsins er losunartæki, keðja með hnífum á armi,
sem gengur í hring undir heystæðunni og færir heyið inn að
miðju að færibandi, sem flytur það út úr turninum. Jafnóðum og
tekið er af heystæðunni á hún að síga jafnt niður. Forsenda
þess er að heyið, sem sett er £ turninn, innihaldi a.m.k. 40 og
helst 50% þurrefni og sé smátt saxað. Losunartækið er drifið
með 7,5 hö rafmótor. Hægt er að útbúa á það tengingu fyrir
drifskaft frá dráttarvél.
Kostir og ókostir botnlosara
Erlendis er kostur turna með botnlosunartæki einkum talinn
sá, að hægt er að fóðra stöðugt úr turninum, einnig meðan á
hirðingu £ hann stendur, ef skepnum er gefið inni allt árið.
Hins vegar er botnlosunartæki yfirleitt afkastaminna heldur en
losunartæki, sem vinnur ofan á heystæðunni, það gerir kröfur
til hærra þurrefnisinnihalds £ heyinu og erfiðara er að fást
við bilanir, þar sem tafsamt getur verið að ná tækinu út ef það
bilar £ vinnslu.
Til eru ýmsar gerðir losunartækja, sem taka ofan af hey-
stæðunni og færa heyið að blásara, sem blæs þv£ út úr turninum.
Tæki þessi eru misjafnlega sterkbyggð og gera mismiklar kröfur
til þurrefnisinnihalds heysins og söxunar. Vegna blásarans eru
þau orkufrekari heldur en botnlosunartæki.