Dagblaðið Vísir - DV - 02.12.2016, Blaðsíða 44

Helgarblað 2.–5. desember 201632 Heilsa
Okkar kjarnastarfssemi er
greiðslumiðlun og innheimta.
Hver er þín?
515 7900 | alskil@alskil.is | alskil.is
Síðan 2006
Aðventan, jólin og stressið
Mikilvægt að vera þakklátur og njóta þess sem maður hefur hverju sinni
Þ
essi tími þykir mér einn
sá skemmtilegasti á ár-
inu, enda er ég svo hepp-
inn að eiga nær eingöngu
góðar minningar um hann.
Ég á afmæli í lok nóvember, og svo
tekur við aðventan, undirbúningur
fyrir jólin almennt, skreytingar með
jólaljósum, jólalög, jólahlaðborð og
samvera með vinum, samstarfsfé-
lögum og fjölskyldu. Jólin sjálf með
öllu sem þeim tilheyrir, góðum mat,
spilamennsku og gjöfum að sjálf-
sögðu sem búið er að hafa ánægju af
að velja, gefa og svo auðvitað þiggja.
Tími gleði og fögnuðar
Þá á dóttir mín afmæli þann 27. des-
ember svo við erum alltaf með þriðja
í jólum í okkar fjölskyldu, stutt er svo
í áramótin sem aftur er tími gleði og
fögnuðar í hópi vina og fjölskyldu
með tilheyrandi sprengingum og
litagleði á himni. Þetta er frábær
skemmtun og vildi maður stundum
óska þess að þessi tími væri lengri og
kæmi oftar. Ég þekki marga sem eru
miklu meiri jólabörn en ég og gang-
ast upp í því að bæta um betur ár frá
ári, bæði hvað varðar skreytingar og
svo margt annað.
Sælla er að gefa en þiggja
Ég þekki líka þá sem gefa mikið af sér
og hugsa um náungann, lifa í raun
samkvæmt orðatiltækinu „sælla er
að gefa en þiggja“. Þetta fólk er ekk-
ert sérstaklega að segja frá slíku, en
maður heyrir af því og þakkar í hug-
anum fyrir slíkar hetjur sem þurfa
ekki að hreykja sér af því sem vel er
gert, þær vita að þetta skiptir máli og
nægir að það skuli kæta náungann
og gleðja hans hjarta.
Kvíði og vanlíðan
Öll getum við gefið af okkur og skipt-
ir ekki máli hversu mikið, hugurinn
er það sem telur, enda er ekki mark-
miðið að það séu peningar eða verð-
mæti heldur að það komi að gagni
og hafi einhverja þýðingu, bæði fyrir
þann sem gefur og eins fyrir þann
sem þiggur. Það er ekki markmiðið
hér að vera með einhverja predik-
un, ég held bara að þú sem lest þessa
grein vitir nákvæmlega um hvað ég
er að tala og því þarfnist það lítill-
ar útskýringar. Það merkilega er þó
hversu erfiðlega okkur gengur að fara
eftir þessum einföldu viðmiðum, þá
myndast kvíði og vanlíðan.
Litlu hlutirnir
Hver þekkir ekki orðið „jólastress“?
Öll höfum við fundið fyrir slíku á
einhverjum tímapunkti, líklega má
skýra það með þeim miklu vænting-
um sem fylgja jólunum og því að
þau eiga að vera hátíð ljóss og friðar.
Jólunum fylgja hefðir sem helst má
ekki breyta, dæmi um það er matur-
inn, hvar þau eru haldin, hver leikur
jólasveininn og deilir út pökkunum
og þannig mætti lengi telja. Það eru
þessir litlu hlutir sem skipta okkur
alveg ótrúlega miklu máli og verða
að smellpassa svo við séum sátt og
okkur líði vel, eða hvað?
Við höfum valið
Það liggur í hlutarins eðli að ekki
eiga allir sömu möguleika á að
njóta jóla, því miður. Þar kem-
ur margt til og of langt mál að telja
upp öll þau atriði sem geta haft
áhrif hér á, hvort sem þau eru fjár-
hagslegs eða félagslegs eðlis, vegna
veikinda eða vinnu. Eitt er þó víst
að öll ráðum við tilfinningum okk-
ar og getum ákveðið hvernig okkur
líður, hvernig við högum okkur og
hvernig við horfum á hlutina. Það
er því gríðarlega mikilvægt að vera
þakklátur og njóta þess sem maður
hefur hverju sinni, gleðjast yfir
jólunum og láta sér líða vel og ýta
undir vellíðan annarra, það er hinn
sanni jólaandi! n
„Eitt er þó víst að
öll ráðum við til­
finningum okkar og
getum ákveðið hvernig
okkur líður, hvernig við
högum okkur og hvernig
við horfum á hlutina.
Teitur Guðmundsson
læknir