Fréttablaðið - 10.06.2017, Page 12

HÚSNÆÐISMÁL Ólíklegt er að skert
aðgengi að lánsfé geti slegið á
hækkun íbúðaverðs hér á landi.
Verðhækkanir á markaðinum
hafa enda ekki verið drifnar áfram
af skuldsetningu, heldur skorti á
íbúðum. Þetta er mat hagfræðinga
sem Fréttablaðið ræddi við.
Hagdeild Íbúðalánasjóðs benti í
lok síðasta mánaðar á að verulega
hefði dregið úr verðhækkunum
í Noregi eftir að þarlend stjórn­
völd lækkuðu lánshlutfall á íbúða­
lánum vegna kaupa á annarri íbúð.
Var vísað til „norsku leiðarinnar“ í
þessu sambandi. Telur hagdeildin
að reynsla Norðmanna sýni að
aukin eiginfjárkrafa til þeirra sem
eiga fleiri en eina fasteign geti borið
árangur á svæðum þar sem fram­
boðsskortur ríkir.
Ásdís Kristjánsdóttir, forstöðu­
maður efnahagssviðs Samtaka
atvinnulífsins, bendir á að staðan
á norskum fasteignamarkaði sé allt
önnur en hér á landi. „Skuldsetning
norskra heimila er mjög mikil og í
raun farin að ógna fjármálalegum
stöðugleika í landinu. Hér er staðan
önnur, þar sem verðhækkanir hafa
ekki verið drifnar áfram af aukinni
skuldsetningu. Fremur hafa heimili
verið að greiða niður skuldir.“
Ástæðan fyrir hækkandi fast­
eignaverði sé fyrst og fremst sú að
ekki hafi verið byggt nægilega mikið
til að mæta lýðfræðilegri þörf. „Það
er annar og mun alvarlegri vandi en
að Íslendingar séu að kaupa fleiri en
eina fasteign,“ segir Ásdís.
„Ef stjórnvöld ætla að grípa til
svona íþyngjandi aðgerða þarf að
liggja fyrir mjög góður rökstuðning­
ur. Hvað eru margir sem eiga tvær
eða fleiri eignir? Er það algengt?
Þessi tölfræði þyrfti að liggja fyrir.
Mér finnst það ekki alveg gefið.“
Magnús Árni Skúlason, hagfræð­
ingur hjá Reykjavík Economics,
segir erfitt fyrir stjórnvöld að beita
stýritækjum sem þessum þegar
eins mikill skortur er á íbúðum á
viðráðanlegu verði og raunin er
nú. Alls óvíst sé hvort þau virki sem
skyldi við slíkar aðstæður. Í nýlegri
skýrslu Reykjavík Economics um
íbúðamarkaðinn er bent á að Seðla­
banki Íslands geti vissulega haft
áhrif á verðþróun á markaðinum
með beitingu stýritækja. Stjórn­
völd verði að stíga varlega til jarðar
í þessum efnum. Æskilegra væri ef
lánastofnanir sýndu frumkvæði í að
sjálfregluvæða starfsemi sína.
Ari Skúlason, hagfræðingur hjá
hagfræðideild Landsbankans, segir
reyndina væntanlega þá að ekki
séu að jafnaði fleiri en eitt íbúðalán
á mann eða fjölskyldu, að minnsta
kosti hjá sömu fjármálastofnun. „Ef
menn eru að sanka að sér íbúðum
má ætla að þeir hafi félag um slíkt
og séu því komnir út í atvinnurekst­
ur. Venjuleg íbúðalán eru ekki í boði
fyrir félög. Án þess að ég þekki það
finnst mér því mjög líklegt að fjár­
magnskostnaður við öflun fleiri en
einnar íbúðar sé orðinn mun meiri
en við öflun fyrstu íbúðar.
kristinningi@frettabladid.is
Hafna norsku leiðinni
Hagfræðingar efast um að hömlur á lánshlutfalli geti slegið á hækkun íbúða-
verðs. Þeir segja verðhækkanir ekki hafa verið drifnar áfram af skuldsetningu.
Hagdeild Íbúðalánasjóðs telur að takmörkun á lánshlutfalli af hálfu stjórnvalda
geti komið í veg fyrir frekari ofhitnun íbúðamarkaðarins. Fréttablaðið/anton
Skuldsetning
norskra heimila er
mjög mikil og í raun farin að
ógna fjármálalegum stöðug-
leika í landinu.
Ásdís Kristjánsdótt-
ir, forstöðumaður
efnahagssviðs
Samtaka atvinnu-
lífsins
Málverk eftir Kristínu Jónsdóttur
og Jón Stefánsson
Studio Stafn, Hátúni 6B, Sími 552 4700.
Leitum eftir góðum málverkum, helst blómauppstillingum eftir
Kristínu Jónsdóttur og Jón Stefánsson til kaups fyrir viðskiptavin.
Ný verk í sölu á:
studiostafn.is/listaverkasala
Slökkvilið höfuðborgarsvæðisins er með opið hús
fyrir almenning á slökkvistöðinni í Hafnarfirði í dag,
laugardaginn 10. júní, milli kl. 15 og 17
ALLIR
VELKOMNIR
Mikilvægt að
börn séu í fylgd
fullorðinna
Opna húsið er á slökkvistöðinni við
Skútahraun 6 í Hafnarfirði
OPIÐ HÚS HJÁ
www.shs.is
SLÖKKVILIÐINU
sjúkrabílar, kranabíll
slökkvibílar, körfubíll
og hoppukastalar
Sími 412 2500 - sala@murbudin.is - www.murbudin.is
MOWER sláttuvélar
með Briggs&Stratton bensínmótor
Kletthálsi Reykjavík
Reykjanesbæ
MOWER CJ18
BS 3,5hp Briggs&Stratton
mótor, rúmtak 125 CC,
skurðarvídd 46cm/18”.
Safnpoki að aftan 60 L,
skurðhæð og staða
25-85mm/8
31.990
Áður kr. 39.990
MOWER bensín
sláttuorf
Vél 0,7KW 31CC
Skurðarbreidd
255 > 480mm
MOWER CJ20
Sláttuvél m/drifi, BS 6,0 hp
Briggs&Stratton mótor. Rúmtak
150 CC, skurðarvídd 51cm/20”,
sjálfknúin 3,6 km/h, safnpoki
að aftan 65 L, hliðar
útskilun, skurðhæð og
staða 25-75mm/8
50.390
Áður kr. 62.990
20%
AFSLÁTTUR
20%
AFSLÁTTUR
CE/GS
VOTTUN
20%
AFSLÁTTUR
17.590
Áður kr. 21.990
VIÐSKIPTI Greiningardeild Arion
banka og hagfræðideild Landsbank­
ans eru ekki á einu máli um hvort
Seðlabanki Íslands lækki stýrivexti
sína eða haldi þeim óbreyttum í
næstu viku.
Greiningardeild Arion banka
spáir því að vextir verði lækk­
aðir um 0,25 prósentustig og segir
litlar líkur á óbreyttum vöxtum,
þá einkum og sér í lagi vegna veru­
legrar gengisstyrkingar krónunnar
á undan förnum vikum. Gengi krón­
unnar hefur styrkst um 2,3 prósent
frá síðasta fundi peningastefnu­
nefndar Seðlabankans.
Hagfræðideild Landsbankans
telur hins vegar að nefndin ákveði
að halda vöxtunum óbreyttum.
Greiningardeildir ósammála um
vaxtaákvörðun Seðlabankans
Már Guðmundsson seðlabanka-
stjóri. Fréttablaðið/GVa
Telur hún að styrking krónunnar
sé ekki af þeirri stærðargráðu að
hún, ein og sér, nægi til að sann­
færa meirihluta nefndarinnar um
að lækka vextina. Nefndin bíði enn
eftir sterkari kjölfestu verðbólgu­
væntinga.
Peningastefnunefndin tilkynnir
um ákvörðun sína 14. júní. – kij
Gengi krónunnar hefur
styrkst um 2,3 prósent frá
síðasta fundi peningastefnu-
nefndar Seðlabankans.
BANDARÍKIN Donald Trump, for­
seti Bandaríkjanna, rauf þögnina
um mál James Comey, fyrrverandi
stjórnanda FBI, með því segja að
hann hefði logið er hann bar vitni
fyrir þingnefnd í fyrradag. Þá bætti
hann um betur og sagði að Comey
væri ekki treystandi og að hann læki
upplýsingum.
BBC greinir frá því að í gær hafi
Trump lýst því yfir í Hvíta húsinu
að hann væri 100 prósent viljugur til
að sverja eið og ræða um samræður
sínar við Comey.
Fyrr um daginn hafði Trump tjáð
sig á Twitter um málið. Áður höfðu
minni spámenn úr teymi hans riðið
fram og sett út á vitnisburð Comey. Í
hópi þeirra var Marc Kasowitz, lög­
maður Donalds Trump, en að hans
mati gerðist Comey brotlegur við
lög með því að vitna til einkasam­
tala sinna við forsetans. Háskóla­
kennarar í lagaskólum þar ytra
voru hins vegar fljótir að hrekja þá
fullyrðingu.
Rússarannsóknin hefur reynst
Trump erfið síðustu daga og viku.
Ekki bætti úr skák í fyrradag þegar
Comey sagði svo frá að í einkasam­
tölum sín og forsetans hefði Trump
sagst „vona“ að Comey myndi
sleppa því að rannsaka tengsl
Michaels Flynn, þáverandi þjóðar­
öryggisráðgjafa Trumps, við Rússa.
Teymi Trumps hefur ekki svarað
þeim ásökunum heldur aðeins sagt
að Comey hafi þar sagt ósatt. – jóe
Bandaríkjaforseti segir Comey ljúga
VIÐSKIPTI Snyrtivörurisinn L’Oréal
tilkynnti í gær að félagið ætti í einka­
viðræðum við brasilíska félagið Nat­
ura Cosmeticos um sölu á keðjunni
The Body Shop. Samkvæmt tilboði
Natura Cosmeticos er keðjan metin á
um einn milljarð evra, sem jafngildir
um 110 milljörðum íslenskra króna.
Í frétt The Financial Times segir
að greinendur séu efins um að The
Body Shop sé svo mikils virði. Keðjan
hefur átt undir högg að sækja vegna
aukinnar samkeppni og erfiðra
markaðsaðstæðna.
L’Oreal keypti The Body Shop fyrir
um 652 milljónir dala árið 2006.
Keðjan rekur um þrjú þúsund versl­
anir í 66 löndum og starfa þar um 22
þúsund manns. Stjórnendur L’Oreal
tilkynntu fyrr á árinu að til stæði að
selja keðjuna. – kij
Vilja selja The Body Shop
the body Shop er metin á 110
milljarða króna. nordicpHotoS/Getty
donald trump á
ekki sjö dagana
sæla um þessar
mundir.
Fréttablaðið/epa
1 0 . j Ú N Í 2 0 1 7 L A U G A R D A G U R10 f R é T T I R ∙ f R é T T A B L A Ð I Ð
1
1
-0
6
-2
0
1
7

1
7
:3
9
F
B
1
2
8
s
_
P
1
2
4
K
.p
1
.p
d
f
F
B
1
2
8
s
_
P
1
1
7
K
.p
1
.p
d
f
F
B
1
2
8
s
_
P
0
0
5
K
.p
1
.p
d
f
F
B
1
2
8
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
D
0
D
-5
2
5
0
1
D
0
D
-5
1
1
4
1
D
0
D
-4
F
D
8
1
D
0
D
-4
E
9
C
2
7
5
X
4
0
0
.0
0
1
5
A

F
B
1
2
8
s
_
9
_
6
_
2
0
1
7
C
M
Y
K