Fréttablaðið - 24.06.2017, Blaðsíða 10

Frábært
verð á glerjum
Einfókus gler
Verð frá kr. 16.900,-
Margskipt gler
Verð frá kr. 41.900,-
Grandagarði 13 og Glæsibæ, 5. hæð . sími 510 0110 . www.eyesland.is
Líflegir litir!
iGreen V5.05.09
umgjörð
kr. 11.900,-
Rússland Alexei Navalní, leiðtoga
stjórnarandstöðunnar í Rússlandi,
var í gær meinað að bjóða sig fram
til forseta en forsetakosningar
fara fram þar í landi á næsta ári.
Miðstjórn kosninga í Rússlandi
kvað upp úrskurð sinn þess efnis
í gær og byggist hann á því að
Navalny var dæmdur sekur fyrir
fjárdrátt. Hann er nú á skilorði.
Navalní hefur hins vegar sagt
að sá dómur hafi verið pólitísk­
ur. Sjálfur hefur fann farið fyrir
fjöldamótmælum gegn Vladimír
Pútín Rússlandsforseta og sakað
hann um spillingu.
Í ofanálag var Navalní dæmdur í
þrjátíu daga fangelsi fyrr í mánuð­
inum fyrir að brjóta endurtekið
lög gegn slíkum fjöldamótmælum.
Hafði Navalní kallað eftir því að
fólk mótmælti meintri spillingu
ríkisstjórnarinnar og voru hund­
ruð handtekin á þeim mótmælum.
Navalní hafnaði úrskurðinum í
gær. Sagðist hann ætla með málið
fyrir Mannréttindadómstól Evr­
ópu. Jafnframt sagði hann að í
stjórnarskrá Rússlands segði að
einungis fangar mættu ekki bjóða
sig fram til forseta.
Mótmæli Navalní hafa undan­
farið beinst gegn forsætisráðherr­
anum Dimitrí Medvedev. Sakar
Navalní forsætisráðherrann um
að sanka að sér fé í laumi í skjóli
embættis síns. Medvedev hafnar
þeim ásökunum.
Sjálfur hefur Pútín ekki staðfest
að hann muni gefa kost á sér á ný
í forsetakosningunum. Ef hann
sigrar í þeim kosningum yrði
næsta kjörtímabil hans fjórða.
– þea
Leiðtogi stjórnarandstöðu fær ekki að bjóða sig fram
Alexei Navalní í lögreglufylgd.
FréttAblAðið/EPA
BRetland Samningstilboð Bret­
lands er snýr að réttindum Evr­
ópusambandsborgara í Bretlandi
og breskra ríkisborgara í ríkjum
Evrópusambandsins vegna Brexit
er ófullnægjandi. Frá þessu greindi
Donald Tusk, forseti leiðtogaráðs
Evrópusambandsins, í gær. Sagði
Tusk að tilboð Breta fullnægði ekki
væntingum sambandsins og það
væri ekki nógu nákvæmt.
Þá sagði Tusk að markmið Evr­
ópusambandsins væri að tryggja
full réttindi allra borgara þess sem
og réttindi Breta á meginlandinu.
„Tilboðið felur í sér hættu á því að
staða umræddra borgara versni,“
sagði Tusk við blaðamenn.
Samningstilboðið var kynnt á
fundi í Brussel á fimmtudag. Í því
er meðal annars kveðið á um að
þær nærri þrjár milljónir borgara
Evrópusambandsins sem búa í
Bretlandi fái að vera þar áfram eftir
Brexit. Hafi þeir verið í Bretlandi
í fimm ár eða lengur muni þeir fá
jafnan aðgang að breska heilbrigðis­
og menntakerfinu og ýmissi annarri
þjónustu. Það ákvæði er hins vegar
háð því að hið sama muni gilda um
Breta á meginlandinu.
Angela Merkel, kanslari Þýska­
lands, sagði tilboðið „ágætis byrj­
unarreit“. Hins vegar væri mörgum
spurningum um Brexit enn ósvarað
og talsverða vinnu ætti enn eftir að
ráðast í.
Á fundinum sagði May tilboð
ríkis síns sanngjarnt og sett fram af
alvöru. „Það miðar að því að tryggja
eftir fremsta megni stöðu þeirra sem
sest hafa að í Bretlandi og byggt þar
upp líf sitt,“ sagði May.
Ýmsir tóku þó í sama streng og
Tusk í gær. Þannig sagði Joseph
Muscat, forsætisráðherra Möltu,
að hætta væri á því að borgarar
Evrópusambandsins mættu ann­
ars konar meðferð en Bretar. „Allir
í Evrópu vilja sanngjarna meðferð
fyrir alla okkar ríkisborgara,“ sagði
Muscat.
Opinber afstaða Evrópusam­
bandsins í málinu er sú að borgarar
þess eigi að halda áfram að njóta
sömu réttinda og Bretar svo lengi
sem þeir lifa. Yrði það ekki virt
myndi Evrópudómstóllinn hafa
lögsögu í slíkum málum. Bretar vilja
hins vegar að breska dómskerfið sjái
um þau mál.
Í gær sagði May að einkar jákvæð
umræða hefði farið fram á milli
Breta og annarra Evrópusambands­
ríkja um tilboðið. Hins vegar viður­
kenndi hún að enginn einhugur
væri um hvernig væntanlegum
samningi yrði framfylgt. Ítrekaði
hún að „hinir háttvirtu dómstólar
Bretlands“ hefðu lögsögu í umrædd­
um málum.
„Til að vera alveg skýr þá munu
umræddir borgarar Evrópusam­
bandsins á Bretlandi fá að vera þar
áfram og við munum tryggja réttindi
þeirra. Mér finnst tilboð okkar afar
vandlega íhugað og málið mun nú
þróast áfram í samningaviðræðum,“
sagði forsætisráðherrann breski.
Anne­Laure Donskoy, stofnandi
samtakanna 3million sem hafa
þann yfirlýsta tilgang að vernda
réttindi þeirra þriggja milljóna
Evrópusambandsborgara sem búa
í Bretlandi, sagði við BBC að tilboð
Breta ylli vonbrigðum og væri langt
undir væntingum samtakanna. „Til­
boðið er hvorki sanngjarnt né vand­
lega íhugað,“ sagði Donskoy.
thorgnyr@frettabladid.is
Evrópusambandið óánægt
með samningstilboð Breta
Forseti leiðtogaráðs ESB segir tilboð Breta er varðar réttindi borgara Evrópusambandsins í Bretlandi ófull-
nægjandi. Forsætisráðherra Bretlands segir tilboðið sanngjarnt og sett fram af alvöru. Eitt helsta deilumálið
í viðræðum er hvort Evrópudómstóllinn eða breskir dómstólar muni hafa lögsögu í málum þeirra.
theresa May, forsætisráðherra bretlands, á fundi leiðtogaráðs Evrópusambandsins í gær. NordicPhotos/AFP
Tilboðið felur í sér
hættu á því að staða
umræddra
borgara versni.
Donald Tusk,
forseti leiðtogar-
áðs ESB
KataR Fjögur Arabaríki hafa sent
Katörum strangar kröfur, eigi þau
að aflétta þvingunum gegn katarska
ríkinu. Ríkin sem um ræðir eru Sádi­
Arabía, Egyptaland, Bahrein og Sam­
einuðu arabísku furstadæmin.
Katarar hafa nú þurft að sæta
þvingunum í tvær vikur og hafa
samskiptin við fyrrnefnd ríki sjaldan
verið verri. Eru Katarar meðal ann­
ars sakaðir um að fjármagna hryðju­
verkasamtök.
Nokkrar þeirra krafna sem um
ræðir eru að skera á tengsl við
Bræðralag múslima, neita að veita
ríkisborgurum ríkjanna fjögurra
ríkisborgararétt og senda þá til baka
til heimalandsins, framselja alla þá
menn sem eftirlýstir eru, grunaðir
um hryðjuverk, til landanna fjög­
urra, hætta að fjármagna hryðju­
verkasamtök, skera á fjárveitingar
til fjölmiðla á borð við Al Jazeera
og Arabi21 sem og að greiða ótil­
greindar skaðabætur.
Þá greinir heimildarmaður Reut­
ers frá því að Katörum sé líka gert að
skera á meint tengsl við ISIS, al­Kaída
og Hezbollah.
AP greinir frá því að Katörum
sé í þokkabót gert að kalla dipló­
mata sína heim frá Íran og einungis
stunda viðskipti við Íran sem stand­
ast kröfur þvingana Bandaríkjanna
gegn ríkinu.
Í vikunni sagði utanríkisráðherra
Katars að ríki sitt myndi ekki sam­
þykkja nein afskipti annarra ríkja
af Al Jazeera enda teldu Katarar slíkt
heyra alfarið undir innanríkismál.
– þea
Katörum sett ströng skilyrði
Katörum er gert að skera á fjárveitingar til Al Jazeera. NordicPhotos/AFP
BRetland Eldsvoðinn sem varð 79
að bana í Grenfell­turni í London,
Bretlandi, kviknaði út frá frysti. Frá
þessu greindi lögregla borgarinnar
í gær. Jafnframt sagði lögreglan að
klæðning byggingarinnar sem og
einangrun hennar hafi ekki staðist
öryggiskröfur og því boðið hættunni
heim.
Rannsakað verður hvort einhver
hafi gerst sekur um manndráp og að
hundsa vísvitandi eldvarnarkröfur.
Fjölmiðlar í Bretlandi hafa mikið
fjallað um klæðningu turnsins sem
talin er hafa spilað veigamikið hlut­
verk í slysinu. Hundruð turna í Bret­
landi eru klædd með sams konar efni.
Greindi Paul Dennett, borgarstjóri
Salford, frá því að nú þegar hefði
sams konar klæðning verið fjarlægð
af níu turnum í borginni. „Við ætlum
ekkert að bíða og sjá á meðan ein­
hver vafi leikur á um öryggi borgara.“
Whirlpool, framleiðandi umrædds
frystis, vottaði fórnarlömbum brun­
ans virðingu sína í gær. – þea
Upptök eldsins
í Grenfell-turni
voru í frysti
BandaRíKin Milljarðamæringurinn
Woody Johnson verður nýr sendi­
herra Bandaríkjanna í Bretlandi.
Um þetta tilkynnti Donald Trump,
forseti Bandaríkjanna í gær. Skip­
anin er þó háð samþykki öldunga­
deildar bandaríska þingsins.
Johnson þessi hefur lengi verið
traustur bakhjarl Repúblikana en
hann studdi Jeb Bush í stað Donalds
Trump í forkosningum Repúblikana
í fyrra. Þá er Johnson einnig erfingi
lyfjarisans Johnson & Johnson, eins
og nafnið gæti gefið til kynna. Hann
er þó þekktari fyrir að vera eigandi
NFL­liðsins New York Jets í banda­
ríska fótboltanum.
Theresa May, forsætisráðherra
Breta, tók tíðindunum fagnandi. – þea
NFL-fursti
verður nýr
sendiherra
2 4 . j ú n í 2 0 1 7 l a U G a R d a G U R10 f R é t t i R ∙ f R é t t a B l a ð i ð
2
4
-0
6
-2
0
1
7

0
4
:1
9
F
B
0
8
8
s
_
P
0
8
2
K
.p
1
.p
d
f
F
B
0
8
8
s
_
P
0
7
9
K
.p
1
.p
d
f
F
B
0
8
8
s
_
P
0
0
7
K
.p
1
.p
d
f
F
B
0
8
8
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
D
2
C
-9
F
E
0
1
D
2
C
-9
E
A
4
1
D
2
C
-9
D
6
8
1
D
2
C
-9
C
2
C
2
7
5
X
4
0
0
.0
0
1
7
A

F
B
0
8
8
s
_
2
3
_
6
_
2
0
1
7
C
M
Y
K