Dagblaðið Vísir - DV - 04.04.2017, Blaðsíða 10

Vikublað 4.–6. apríl 201710 Fréttir
E
itt af því sem styrkir ónæmis­
kerfið er bænin. Það var samt
svo merkilegt að niðurstaðan
er sú að bænin hefur jákvæð
og góð áhrif á ónæmiskerfið
svo lengi sem þú trúir á kærleiksríkan
og fyrirgefandi guð,“ segir Guðni Már
Harðarson, prestur í Lindakirkju en í
nýlegum þætti á Útvarpi Sögu vitn­
aði hann í rannsóknir sem benda til
jákvæðra áhrifa bænaástundunar á
ónæmiskerfið.
Í viðtali við Morgunblaðið í árs­
lok 1997 ræddi dr. Sigríður Halldórs­
dóttir um rannsóknir sínar í vitundar­
ónæmisfræði, en það er rannsóknin
sem Guðni vitnar til, en Sigríður sagði
þá meðal annars: „Þeir sem hafa
sterkt bænalíf og trúa á kærleiksríkan
Guð og að Guð heyri bænir eru betur
settir en hinir sem trúa því fyrst og
fremst að Guð refsi eða að enginn
Guð sé til. Sem betur fer líta flestir Ís­
lendingar á Guð sem kærleiksríkan
Guð,“ segir Sigríður. Og hún bætir við:
„Það er líka svo skemmtilegt að sjá, og
það út frá beinum rannsóknum, hvað
það er ónæmisstyrkjandi að létta á sér
ef eitthvað hvílir á manni, hvort sem
það er við góðan vin, Guð eða skrif­
legt. Ef fólk verður fyrir áfalli og get­
ur ekki létt á sér verður þetta eins og
suðupottur og orkan fer öll í að halda
lokinu ofan á pottinum. Vitundin
reynir að bæla tilfinningarnar niður
en þeim skýtur upp í meðvitundinni
aftur og aftur og valda fólki vanlíðan.“
Guðni Már var gestur í Síðdegis­
útvarpinu á Útvarpi Sögu seinasta
föstudag þar sem meðal annars var
rætt um kristin gildi í nútímasam­
félagi, og hvernig andrými gagnvart
kirkjunni hefur breyst á undanförn­
um árum. Sjálfur kvaðst Guðni vera
alinn upp hjá foreldrum sem báðu
fyrir honum og sagði hann trúna á
æðri mátt hafa reynst honum stoð og
stytta í lífinu. Þá benti hann jafnframt
á rannsóknir dr. Sigríðar Halldórs­
dóttur, prófessors í hjúkrunarfræði,
frá því um miðbik tíunda áratugar­
ins og sagði þær sýna fram á ótvíræð
áhrif trúarinnar á andlega vellíðan.
Bænin gæti þannig haft sömu styrkj­
andi áhrif á ónæmiskerfið og köld
sturta og sjósund.
„Ef þú átt þá guðsmynd í huga þér
að guð sé refsari, sem við minnsta til­
efni refsi þér og þú munir þurfa að
lifa í nagandi ótta yfir, þá hefur það
þveröfug áhrif. Það eykur stress og
vinnur gegn ónæmiskerfinu. Þetta
er lítið dæmi um það að trú getur svo
sannarlega verið farvegur blessunar
og reynst vel,“ sagði Guðni og bætti
við að margar fallegar sögur væru til
af jákvæðum áhrifum trúarinnar á
andlega líðan.
Nefndi hann sem dæmi unga
stúlku sem hafði ekki fengið mikla
fræðslu um kristna trú fyrr en hún
sótti leikjanámskeið hjá KFUM og
KFUK. Móðir stúlkunnar hefði í kjöl­
farið hringt í félagið og þakkað þeim
fyrir að leyfa dóttur sinni að heyra
boðskap kristninnar. Hún hefði feng­
ið að heyra á námskeiðinu að enginn
væri eins mikilvægur og hún í aug­
um guðs. Það hefði haft í för með sér
miklar breytingar á lundarfari barns­
ins, sem væri nú sífellt glöð.
Alveg eins hægt að
halda dagbók
„Þessi fullyrðing að bæn bæti
ónæmis kerfið hjá fólki er mjög
vafasöm,“ segir Hjalti Rúnar Ómars­
son, formaður Vantrúar, í samtali við
DV. „Það sem gerist þegar fólk biður
er að það kemur reglu á hugsanir sín­
ar og fer kannski að pæla í aðstæðum
sínum. Þetta er fyrst og fremst eitt­
hvað sem á sér stað inni í hausnum
á fólki. Þetta sannar alls ekki að Guð
sé til. Það er alveg eins hægt að halda
bara dagbók. Þú þarft ekki að biðja til
Guðs til að láta þér líða betur.
Þetta er alveg eins og að það er
ekki hægt að segja að fólk lækn­
ist af því að biðja bænir. Ef bænir
eru alvöru af hverju gerist þá ekki
eitthvað meira þegar fólk biður? Af
hverju er árangur bæna þá svona lít­
ill?“ n
Hvað segja
læknarnir?
Vilhjálmur Ari Arason læknir segir í
samtali við DV að fullyrðing prestsins
sé afar hæpin og bænin styrki ekki
ónæmiskerfið. Það geti þó hjálpað hin-
um trúuðu að biðja til Guðs ef það veiti
þeim frið og ró og þau nái að hvílast.
„Bænin styrkir ekki ónæmiskerfið en
lifnaðarhættir okkar gera það. Ef hinn
trúaði fær ró af því að biðja þá getur
það gagnast ónæmiskerfinu. Það sem
virkar hins vegar best fyrir ónæmiskerf-
ið er hollur matur, hvíld, hreyfing og
vítamín.“
Það sama hentar ekki öllum
Í samtali við DV segir Teitur Guðmunds-
son læknir að vissulega eigi fullyrðing
Guðna við rök að ryðjast. Hana megi þó
ekki taka of bókstaflega.
„Það blasir við að öll slökun og öll sú iðkun
sem miðar að því að róa hugann sé jákvæð og
styrkjandi fyrir ónæmiskerfið á meðan stress og
streita veikir það. Ef þú ert trúaður, hvort sem
þú ert kristinnar trúar, búddatrúar eða eitthvað
annað, og biður og nærð þannig að slaka á þá
ertu mögulega í betra jafnvægi. En að sjálfsögðu
hentar það sama ekki öllum og á meðan bænin
hentar sumum geta aðrir fundið það sama
í til dæmis hugleiðslu eða djúpslökun. Við
vitum í dag í læknisfræðinni að streita og álag
veikir ónæmiskerfið með þeim hætti að dempa
svörun og þannig sinnir það ekki sínu skilgreinda
hlutverki sem er að verjast til dæmis sýkingum
og drepa niður frumur sem hafa villst af leið eins
og gerist í krabbameini svo eitthvað sé nefnt.
Því má vel til sanns vegar færa að bænin styrki
ónæmiskerfið líkt og svo margt annað.“
n Íslenskur prestur segir það auka stress og bæla ónæmskerfið að lifa í
stöðugum guðsótta n „Vafasöm fullyrðing“ segir formaður Vantrúar
Segir bænaiðkun
styrkja ónæmiskerfið
Guðni Már Harðarson Hjalti Rúnar Ómarsson
Teitur
Guðmundsson
Vilhjálmur
Ari Arason
IP Dreifing | www.hrefna.is | hrefna@hrefna.is | sími: 577-3408
Farðu nýjar leiðir og prófaðu gómsætar
hrefnulundir á grillið eða á pönnuna
snöggsteiktar að hætti meistarakokka
Frosið hrefnukjöt
fæst í næstu verslun
Marinerað
& ÓMarinerað
hreFnukjöt