Dagblaðið Vísir - DV - 04.04.2017, Blaðsíða 40

Vikublað 4.–6. apríl 2017
26. tölublað 107. árgangur Leiðbeinandi verð 554 kr. dv.is/frettaskot askrift@dv.is Sími 512 7000
Gylfaflöt 3 - Sími 567 4468 - www.gummisteypa.is
Látum hann
ganga
plankann!
Í fangelsi fyrir að
sækja ekki barnið í
leikskóla?
n Mikið ofsalega er þetta dapurlegt
frumvarp, hvernig í fjáranum á það
að vera barni fyrir bestu að setja
annað foreldri þess í fangelsi?“
Þetta segir Halla Gunnars dóttir,
blaðamaður og fyrrverandi að-
stoðarmaður ráðherra um frum-
varp sem Brynj ar Ní els son, Nichole
Leigh Mosty, Elsa Lára Arn ar dótt ir,
Bryn dís Har alds dótt ir, Val gerður
Gunn ars dótt ir og Óli Björn Kára son
hafa lagt fram á Alþingi. Tálmi for-
eldri, sem barn býr hjá hitt foreldrið
getur það átt yfir höfði sér allt að
fimm ára fangelsisdóm. Sumir
fagna frumvarpinu og tjá sig á sam-
skiptamiðlum og segja að eðlilegt
sé að viðurlög við ofbeldi geti verið
fangelsi. Halla segir að setja þurfi
hag barnsins í fyrsta sæti.
„Og ef við gerum það þá er mjög
tæpt að fangelsa annað foreldrið.
Við fangelsum ekki foreldri sem
sinna ekki börnunum sínum.“
Þá spyr ein móðir hvað séu
mörg ár í fangelsi fyrir að
hundsa barn.
„Nákvæmlega,“
segir Halla og bæt-
ir við: „Og fyrir að
sækja barnið sitt ekki
á leikskóla? Mæta
ekki á tónleika hjá
skóla-hljóm-
sveitinni?“
Björguðu Ísaki
Loga úr sjónum
V
ið erum mjög þakklát fyrir
hvernig fór og þá sérstak-
lega að þessir starfsmenn
hafi verið þarna einmitt
á þessum tíma enda er
bryggjan mjög oft mannlaus,“ seg-
ir Eysteinn Már Guðvarðsson, faðir
hins 8 ára gamla Ísaks Loga en litlu
mátti muna að illa færi þegar Ísak féll
í höfnina í Garði síðastliðinn föstu-
dag.
Í samtali við blaðamann segir
Eysteinn að Ísak hafi farið niður að
höfn ásamt vini sínum seinnipart
föstudags, en foreldrar hans höfðu
þó enga hugmynd um þær fyrirætl-
anir og gerðu ráð fyrir að drengirnir
væru að leika sér í hverfinu.
Algjör tilviljun
„Höfnin hérna í Garðinum er frá-
brugðin öðrum höfnum að því leyti
að skipin leggja ekki upp að bryggj-
unni. Þannig að það eru engir bátar
sem koma hérna upp að og þannig
séð er aldrei nein starfsemi fyrir báta
á bryggjunni.“
Fyrir tilviljun voru tveir starfs-
menn fiskvinnslufyrirtækisins Nes-
fisks við vinnu þegar slysið varð.
„Annar þeirra var búinn að taka eft-
ir að strákarnir voru tveir saman
og svo tók hann skyndilega eftir að
það var bara einn eftir. Hann fór þá
strax að svipast um, heyrði hróp-
in og sá síðan Ísak ofan í sjónum,“
segir Eysteinn og tekur undir að
þarna hafi svo sannarlega verið réttir
menn á réttum tíma. „Á leiðinni
á bryggjuendann tekur hann
með sér langt prik og læt-
ur Ísak grípa í það. Hann
er síðan dreginn upp að
fjörunni.“
Mjög hræddur
Starfsmennirnir tveir
fóru því næst með Ísak
á nærliggjandi verkstæði
þar sem hann var færður
úr rennblautum fötum og
vafinn inn í handklæði.
„Hann var skiljanlega
mjög kaldur og hrakinn
þannig að þeir létu hann
setjast við hliðina á hita-
blásara. Ég rauk svo þang-
að niður eftir um leið og hringt var
í mig, mjög brugðið að sjálfsögðu.
Fötin hans voru auð-
vitað rennandi blaut
og hann sjálfur ís-
kaldur. Hann var
fyrst og fremst mjög hrædd-
ur, og afskaplega brugðið.“
Vallý Einarsdóttir, móð-
ir Ísaks, deildi á dögun-
um frásögn af atvikinu
inni á lokuðum hóp fyr-
ir íbúa í Garði og voru
viðbrögðin að sögn
Eysteins mikil og góð.
„Við vonum að þetta
verði líka áminning
fyrir foreldra um
að hleypa krökk-
unum ekki einum
á bryggjuna, og láta
þau þá vera í björg-
unarvesti,“ segir
hann og bætir við að
augljóst sé að björg-
unarvesti hefði verið
nauðsynlegt í þessu tilviki. Á hafnar-
svæðinu í Garði sé þó engin aðstaða
til að fá lánuð björgunarvesti, enda
enginn hafnarvörður þar starfandi.
„Ég var þó að heyra af því að kven-
félagshreyfingin í björgunarsveitinni
væri að bíða eftir tilboði í vesti. Þá
verður vonandi komið upp aðstöðu
á svæðinu þar sem fólk getur nálgast
þau og gengið almennilega um þau.
Þessi frásögn virðist allavega hafa
snert eitthvað við fólki.“ n
„Hann var fyrst og fremst mjög hræddur, og afskaplega brugðið“
kom jóni Þór
til varnar
n Andri Snær Magnason, rithöf-
undur og fyrrverandi forsetafram-
bjóðandi, kom Jóni Þór Ólafs-
syni, þingmanni Pírata, til varnar á
Facebook í gær, mánudag. Tilefnið
var frétt þess efnis að Jón Þór búi á
stúdentagörðunum með 1,3 millj-
ónir króna á mánuði.
Margir gagnrýndu
Jón Þór fyrir vik-
ið. Andri Snær
kom honum þó
til varnar og sagði
að verið væri að
skapa vantraust
á fólk sem
ekki hefði
unnið til
þess.
Auður Ösp Guðmundsdóttir
audur@dv.is
„Ég rauk svo þangað
niður eftir um leið
og hringt var í mig, mjög
brugðið að sjálfsögðu.