Dagblaðið Vísir - DV - 04.04.2017, Blaðsíða 28

Vikublað 4.–6. apríl 201724 Lífsstíll Bleikt
P
étur er vinsæll snappari, en
hann snappar undir nafninu
Grameðlan (gramedlan), og
birtir þar eitt og annað sem
á daga hans drífur. Snapchat
er miðill í sókn, en Pétur er líklega
eini snapparinn á landinu sem hefur
tekið fylgjendur sína með í ófrjó-
semisaðgerð, eða herraklippingu
eins og aðgerðin er oft kölluð.
Við Pétur hittumst á kaffihúsi í
Kringlunni og ég byrjaði vitaskuld
á því að spyrja hvernig honum liði í
sáðrásunum. „Ljómandi vel þakka
þér fyrir. Það er langt síðan einhver
hefur spurt mig að þessu. Kannski
síðast í læknisskoðun í Laugarnes-
skóla, en það getur verið að mig mis-
minni,“ svaraði Pétur.
Hvernig skyldi annars standa á
því að hann tók ákvörðun um að
hleypa þjóðinni með sér í aðgerð á
sínu allra heilagasta – aðgerð sem
margir líta á sem einkamál og jafnvel
mikið feimnismál.
„Ég hugsaði með mér að þetta
væri nú ekkert mál, því ég sýni á mér
beran rassinn í þriðja hverju mynd-
skeiði sem ég set á Snapchat.“
Þarna vísar Pétur í tiltekna hefð
sem hófst þegar hann var staddur í
Stokkhólmi með Grétu Salóme og
fríðu Eurovision-föruneyti og birti
myndskeið af afturenda sínum við
góðan róm fylgjenda. Þetta gerði
hann vitaskuld til að lýsa yfir stuðn-
ingi við Grétu eftir að mynd af henni
á einni æfingunni birtist á forsíðu
Fréttablaðsins og sumum þótti sjást
ansi mikið í hennar vel þjálfaða rass.
Rassagrínið hefur svo undið upp
á sig og nú fer Pétur reglulega fá-
klæddur út á svalir sínar að morgni
dags og stígur lítinn en þokkafullan
dans við Morgunstemningu eftir
Edward Grieg. Að sögn hans snýst
gjörningurinn um að sýna fólki að
það sé ekkert að því að vera með rass!
Þarf ekki að vera feimnismál
„Ég ræddi málið við eldri systur
mína, og auðvitað lækninn. Systur
minni þótti þetta hið besta mál, því
það er til svo margt fólk sem veigrar
sér við því að ræða mál sem þessu
tengjast. Mér fannst fínt að sýna fram
á að þetta þyrfti alls ekki að vera neitt
tabú. Vinur minn Benedikt Nikulás
Anes Ketilsson, eða BNAK eins og
hann er kallaður, kom með mér í að-
gerðina en hann fór einmitt í eins að-
gerð fyrir nokkru síðan og er að auki
kvikmyndatökumaður.“
Pétur sýndi frá öllu ferlinu á
Snapchat og síðar á Facebook. „Allt
sem ég sýndi þarna var ekta. Til
dæmis þegar ég vaknaði eftir að-
gerðina, kolruglaður og eldrauður
í framan. Ég var sko ekkert að ýkja.
Viðbrögðin sem ég fékk voru miklu
meiri en ég bjóst við. Bæði konur og
karlar höfðu samband og þökkuðu
mér fyrir og spurðu mig um ýmis-
legt sem tengdist aðgerðinni. Nokkr-
ir karlmenn sendu mér skilaboð um
að nú skyldu þeir láta af þessu verða
eftir margra ára umhugsun.“
Þetta var einmitt það sem Pétur
vonaðist eftir.
„Þetta sýnir okkur bara að það er
miklu betra að opna umræðuna um
alls konar hluti en að gera það ekki.
Það er ekki eins og ég hafi verið að
játa á mig einhvern stórglæp – ég
var bara í ófrjósemisaðgerð og sagði
frá því. Það virðist svo mikil lækna-
feimni í gangi hjá fólki.“
Ekki vísitölumaður
Pétur á 12 ára dóttur sem býr í
Noregi hjá móður sinni og fóstur-
föður, en kemur þó reglulega til Ís-
lands í heimsókn. „Ég ætlaði aldrei
að eignast börn, þó að auðvitað sé
ég himinlifandi með dóttur mína og
elski hana heitt. Ég vissi það mjög
snemma að ég yrði ekki fjölskyldu-
maður og mundi alls ekki fara hina
dæmigerðu vísitöluleið í lífinu. Það
merkilega er að fjölskylda mín sætt-
ir sig alveg við mitt val og ég hef
aldrei þurft að hlusta á kvabb um
hvort ég ætli nú ekki að fara að finna
mér konu og fjölga mér.“
Athyglissýki?
Hvað er málið með Snapchat – er
þetta athyglissýki, leið út úr ein-
manaleika eða hvað? Pétur segist
hafa áttað sig á því fyrir réttu ári að
Snapchat gæti verið mikilvægur
miðill fyrir hann til að eiga fyrir salti
í grautinn, já og fyrir kattamat.
„Kannski að þetta sé einhver
tegund af athyglissýki, en mér
finnst mjög skemmtilegt að deila
jákvæðum hlutum. Inni við beinið
er ég mikill einfari og ekki endilega
mikið að ota mínum tota hvert sem
ég fer. Þegar ég tek upp myndskeið
fyrir snappið er ég einn og finnst
mjög óraunverulegt að vita til þess
að svona margir horfi á mig.“
Í skemmtanabransanum skiptir
máli að vera sýnilegur.
„Ég og kettirnir eigum allt okkar
undir því að síminn hringi þegar
einhver er að halda veislu, eða vant-
ar skemmtikraft. Mér finnst þetta
skemmtilegur miðill til að vera sýni-
legur.“
Dansar á línunni
Þeir sem fylgjast með Pétri hafa ekki
aðeins fengið að kynnast rassinum
hans og kisunum, heldur snapp-
ar hann gjarnan um þau verkefni
sem hann starfar að hverju sinni,
til dæmis Eurovision, en þar hefur
Pétur verið fastagestur í bakröddum
lengi vel.
„Fólk fær innsýn í það sem ger-
ist baksviðs og það hefur virkað vel.
Þó að það sé um 2.500 manna kjarni
sem virðist fylgjast með öllu sem ég
geri er ég alltaf hræddur um að vera
ekki nógu fyndinn eða fræðandi.
Stundum held ég að fólk sé búið að
fá nóg af kattasnöppum og segi það
við fylgjendur mína – en þá bregst
ekki að ég fæ holskeflu af skilaboð-
um á móti um að fólk elski kettina
mína og vilji endilega sjá meira af
þeim. Ég man ekki til þess að hafa
fengið annað en jákvæð viðbrögð,
enda er ég bara með fimmaura-
brandara, kisusnöpp og hlaupandi
allsber úti á svölum – svona fyrir
utan það sem tengist vinnunni. Ég
dansa á grófri línu og kem yfirleitt út
eins og bjáni. Það skiptir mestu máli
að gera grín að sjálfum sér, með því
held ég mig réttum megin línunn-
ar.“ n
Sýnir á sér
beran rassinn
á Snapchat
Hann er kenndur við frelsaran sjálfan, Jesúm, en viðurnefnið er tilkomið vegna
hlutverks hans í söngleiknum Jesus Christ Superstar, sem sýndur var í Borgar-
leikhúsinu árið 1995. Svo sannarlega örlagaríkt, því Pétur Örn Guðmundsson
verður líklega þekktur sem Pétur Jesú meðan hann dregur andann.
Undarlegur dagur
Að morgni fór ég í eftirskoðun hjá lækninum sem gelti mig, til að kanna hvort allt væri í lagi
og hvort pínulitlu götin, sem aðgerðin var gerð í gegnum, væru að gróa rétt. Ég lá á bakinu á
bekk á meðan hann gruflaði í mínu allra heilagasta. Síðar um daginn fór ég með Eurovision-
hópnum í spreybrúnku og stóð þar allsber fyrir framan bláókunnuga stúlku sem sprautaði
mig brúnan. Þar sem ég stóð þarna nakinn með handleggina út frá síðunum hugsaði ég
með mér að þetta væri dálítið fyndið – ég var búinn að bera mig fyrir framan tvo ókunnuga
einstaklinga sama daginn, og það var bara allt í lagi. Af hverju er það svona mikið mál að
vera nakinn fyrir framan annað fólk? Mér finnst við gera aðeins of mikið mál úr nekt. Það eru
allir einhvern veginn og við þurfum ekki að skammast okkar.
Ekkert feimnis-
mál Pétri fannst
nú lítið mál að
hleypa Snapchat-
fylgjendum með í
herraklippinguna.
MynD SiGtryGGur Ari
ragnheiður Eiríksdóttir
ragga@dv.is
Ekki vísitölu-
maður Pétur
vissi ungur að
hann yrði aldrei
fjölskyldumaður.
MynD SiGtryGGur Ari