Dagblaðið Vísir - DV - 04.04.2017, Blaðsíða 26

Vikublað 4.–6. apríl 201722 Sport
Paul Pogba verður líklega ekki lengur dýrasti leikmaður heims í sumar
S
tórliðin í heimsfótboltanum
hafa sífellt meira fjármagn
milli handanna til að kaupa
leikmenn og greiða ofur-
laun. Það er því aðeins tíma-
spursmál hvenær metið í dýrasta
knattspyrnumanni heims verður
slegið, met sem Manchester United
setti í fyrrasumar þegar liðið keypti
Frakkann Paul Pogba frá Juventus
fyrir 89,3 milljónir punda.
FourFourTwo-tímaritið tók saman
þá tíu leikmenn sem eru líklegastir til
að slá metið áður en langt um líður.
Þetta eru leikmenn sem hafa slegið í
gegn hjá félagsliðum sínum undan-
farin misseri og hafa verið orðaðir við
önnur félög að undanförnu. n
Harry Kane
Uppgangur Harry Kane hjá Tottenham hefur verið ótrúlegur á undanförnum árum.
Kane er ekki besti fótboltamaðurinn á þessum lista en öflugri markaskorari er
vandfundinn í heimsfótboltanum. Kane skrifaði undir nýjan samning við Tottenham
í desember sem gildir til ársins 2022. Kane er Tottenham-maður í húð og hár og
ólíklegt þykir að hann yfirgefi félagið nema Tottenham vilji selja sem aftur þykir
ólíklegt.
Romelu Lukaku
Romelu Lukaku er markahæsti leikmaður ensku úrvalsdeildarinnar í vetur. Og þar sem
hann er aðeins 23 ára er ljóst að þar fer leikmaður sem mun láta mikið að sér kveða í
framtíðinni. Ólíklegt verður að teljast að Everton geti haldið þessum öfluga leikmanni
sem vill spila í Meistaradeildinni og berjast um titla. Góðir framherjar kosta peninga
eins og sást glögglega í fyrrasumar þegar Juventus borgaði 76 milljónir punda fyrir hinn
28 ára gamla Gonzalo Higuain. Vandamálið er að Lukaku á aðeins rúmt ár eftir af
samningi sínum við Everton sem gæti gert að verkum að liðið þurfi að
selja hann tiltölulega ódýrt í sumar, ella eiga á hættu að missa hann á
frjálsri sölu næsta sumar.
Paulo Dybala
Þessi 23 ára Argentínumaður er af mörgum
talinn í hópi efnilegustu leikmanna heims.
Hann hefur skorað tæplega 40 mörk á
tveimur tímabilum með Juventus og hefur
honum verið líkt við leikmenn á borð við
Lionel Messi, Sergio Aguero og Diego
Maradona. Vitað er að
Real Madrid og
Barcelona renna
hýru auga til
Dybala sem gæti
vel orðið dýrasti
leikmaður
heims í sumar.
Juventus mun
allavega ekki
selja ódýrt.
Ousmane
Dembele
Þessi 19 ára Frakki
hefur slegið í
gegn í þýska
boltanum
í vetur.
Dembele er
enn ungur
að árum og
enn að bæta
sig, en ólíklegt
þykir að hann
yfirgefi Dortmund
í sumar nema stjarnfræðilegt tilboð, eða
allt að því, komi. Dortmund hefur þó oftar
en ekki þurfti að horfa á eftir sínum bestu
leikmönnum og nægir í því samhengi að
nefna Robert Lewandowski, Mats Hummels
og Henrikh Mkhitaryan. Dembele hefur
látið hafa eftir sér að hann vilji spila fyrir
Barcelona einn daginn.
Pierre-Emerick
Aubameyang
Gaboninn getur ekki hætt að skora og er á hátindi ferils síns
akkúrat núna. Aubameyang hefur ekki farið leynt með aðdáun sína
á Real Madrid og gæti vel farið svo að hann gangi í raðir spænska stórveldisins í sumar.
Ljóst er að Real Madrid þarf að punga út verulegum fjárhæðum til að það gangi eftir. Ef
Real Madrid er ekki tilbúið að borga uppsett verð eru önnur félög inni í myndinni, þar á
meðal Manchester City, PSG og milljarðaliðin í Kína.
Antoine
Griezmann
Franski sóknarmaðurinn hefur verið
lykilmaður í velgengni Atletico Madrid
á undanförnum árum og er eftirsóttur
af liðum á borð við Manchester
United og Chelsea.
Griezmann hefur
látið hafa eftir sér
að líkurnar á að
hann skrifi undir
nýjan samning
við Atletico
Madrid séu
ekki ýkja mikl-
ar sem þýðir
að Atletico þarf
að selja. Talið er
að í samningi hans
sé klásúla þess efnis
að hann megi fara komi
tilboð upp á 85,5 milljónir punda. Ef
launakostnaður og annar kostnaður er
tekinn inn í myndina gæti Griezmann
vel orðið dýrasti leikmaður sögunnar
í sumar.
Neymar
Brasilíumaðurinn Neymar er af mörgum talinn
besti knattspyrnumaður heims í dag. Hann er enn
ungur að árum og ef einhver af þeim leikmönnum,
sem hér eru nefndir, verða seldir í sumar mun
Neymar verða dýrastur. Talað hefur verið um að
173 milljónir punda þurfi til að kaupa Brassann frá
Barcelona og þótt mörg fjársterk félög séu til eru ekki
mörg sem geta pungað slíkri fjárhæð út. Manchester United er þó eitt
þeirra liða sem nefnd hafa verið sem og PSG í Frakklandi og lið í Kína.
Kylian Mbappe
Það vissu ekki margir hver þessi ungi Frakki
var áður en tímabilið hófst í fyrrahaust.
Mbappe er aðeins rúmlega 18 ára en hann
hefur samt skorað 19 mörk fyrir Monaco
í vetur. Ljóst er að hörð barátta bíður
stærstu liða Evrópu í sumar um þennan
öfluga leikmann. Forráðamenn Monaco
þykja harðir í horn að taka þegar kemur að
samningum eins og kom í ljós þegar Manchester
United pungaði út 57 milljónum punda fyrir Anthony
Martial. Ljóst er að Mbappe verður talsvert dýrari og
gæti hann vel orðið sá dýrasti í sögunni í sumar.
Eden Hazard
Hazard hefur verið einn besti leikmaður
ensku úrvalsdeildarinnar á undanförnum
árum. Hann er þegar orðinn reynslumikill
leikmaður sem myndi varla eiga í vand-
ræðum með að aðlagast nýju liði. Samkvæmt
nýlegri frétt í spænska blaðinu Marca er Hazard eftstur á
óskalista Real Madrid í sumar. Ef spænska liðið vill kaupa
er ljóst að það þarf að punga út 100 milljónum punda,
eða þar um bil, fyrir leikmanninn.
Dele Alli
Þessi frábæri miðjumaður hefur skorað
17 mörk á tímabilinu. Það er frábær
árangur fyrir aðeins tvítugan leikmann
sem spilar ekki einu sinni sem fremsti
maður. Alli er samningsbundinn
Tottenham til ársins 2022 en það segir
ekki alla söguna. Gareth Bale var með
langtímasamning við liðið þegar
Real Madrid keypti hann
sumarið 2013. Alli hefur
verið orðaður við mörg
af stærstu félagslið-
um heims að undan-
förnu, Barcelona
og Real Madrid
þar á meðal, og
gæti vel farið svo
að Alli yfirgefi
Tottenham einn
góðan veðurdag.
Hvort það gerist
í sumar skal þó
ósagt látið en
þegar þar að
kemur mun
engin skipti-
mynt duga til.
Hver hirðir
krúnuna af
Pogba?
Paul Pogba Varð
dýrasti knattspyrnu-
maður sögunnar í
fyrrasumar. Mynd EPA
Einar Þór Sigurðsson
einar@dv.is