Dagblaðið Vísir - DV - 04.04.2017, Blaðsíða 14

Vikublað 4.–6. apríl 201714 Fréttir
Skipti
þrisvar um
nærbuxur
á 108 dögum
Ben Saunders og Tarka L‘Herpiniere gengu tæpa þrjú þúsund kílómetra í skelfilegum aðstæðum
B
reski ævintýramaðurinn
Ben Saunders skráði nafn
sitt á spjöld sögunnar árið
2013 þegar hann varð fyrstur
manna til að ganga frá Ross-
eyju, undan ströndum Suðurskauts-
landsins, á suðurpólinn og aftur til
baka. Með Ben í för var landi hans,
Tarka L‘Herpiniere, en leiðin sem þeir
gengu var 2.888 kílómetrar. Til saman-
burðar er Þjóðvegur 1, eða Hringveg-
urinn, 1.332 kílómetrar.
Hreinn fatnaður mætti afgangi
Ben sagði frá þessari miklu svaðilför í
London nýlega á góðgerðasamkom-
unni Walking With The Wounded sem
breskir fjölmiðlar fjölluðu um. Margt
athyglisvert kom fram í fyrirlestri
Bens, meðal annars það að hann skipti
þrisvar um nærbuxur á þeim 108 dög-
um sem ferðin tók. Þeir félagar þurftu
að huga vandlega að farangri sínum og
var hreinn fatnaður til skiptanna lát-
inn mæta afgangi á meðan matur og
aðrar nauðsynjar höfðu forgang.
Frost, vindur, þreyta og hungur
Það var þann 26. október 2013 að Ben
og Tarka lögðu af stað frá Ross-eyju
og gengu sem leið lá að suðurpóln-
um. Þeir komust þangað þann 26.
desember 2013 áður en þeir lögðu af
stað aftur til baka og luku ferðalaginu
á Ross-eyju þann 7. febrúar 2014.
Eins og við er að búast voru aðstæð-
ur erfiðar í göngunni; frost gat farið
niður í 50 gráður, vindur var oft tals-
verður og þá gátu þeir ekki borðað
þegar þeim hentaði. Hungur, þreyta
og mikill kuldi gerði þeim lífið leitt á
þeim mánuðum sem gangan tók.
Tíu ára undirbúningur
Ben, sem er 39 ára, er mikill ævin-
týramaður og hefur hann áður
gengið og skíðað á norðurpólnum.
Hann varð til að mynda sá yngsti í
sögunni til að ganga einn og óstudd-
ur á norður pólinn. Þessi áskorun var
þó sú erfiðasta á hans ferli og má í
raun segja að hann hafi verið tíu ár
að undirbúa sig. Áður en þeir Ben
og Tarka lögðu af stað komu þeir sér
saman um að hvorugur mætti kvarta
eða kveina yfir nokkru á ferðalaginu.
Þetta ákváðu þeir að gera til að halda
í jákvæðnina og hámarka líkurnar á
að þeir næðu markmiðinu.
Maturinn kláraðist
Ben segir að suðurpóllinn sé engum
öðrum stað á jörðinni líkur. Í þrjá
mánuði hafi þeir félagar nánast ekki
séð neitt, nema þá helst hvor annan.
„Þú ert í tjaldi í miðjum óbyggð-
um. Það er ekkert þarna, engin dýr,
ekkert. Bara hvítt. Ég var ekki með
spegil með mér til að sjá í hvaða
ástandi ég var,“ sagði hann og bætti
við að stærstu áskoranirnar hefðu
komið undir lok ferðalagsins. Þá var
maturinn nánast á þrotum. Þegar
þeir lögðu af stað voru þeir með rúm
200 kíló af mat og öðrum nauðsynj-
um í eftirdragi. „Við vorum eins og
tveir feitir karlar með baðkör í eft-
irdragi,“ sagði hann. Þeir þurftu að
stunda lyftingar af kappi til að byggja
upp líkamlegan styrk áður en þeir
lögðu af stað. Ben þyngdist um rúm
10 kíló en þegar hann steig á vigtina
við komuna heim til Bretlands hafði
hann lést um 25 kíló.
Þegar þeir áttu enn tvo daga eftir
af ferðalaginu, eftir rúma 100 daga,
var maturinn búinn. „Við vorum í
miklum vandræðum og þurftum að
kalla á aðstoð,“ segir hann en þeir
voru með gervihnattarsíma með sér
ef illa færi. Hann kom að góðum not-
um og fengu þeir sendar birgðir af
mat til að klára lokakaflann.
Allt hægt ef viljinn er fyrir hendi
Ben segir að engar sérstakar til-
finningar hafi bærst í honum þegar
hann lauk ferðalaginu. „Ég fann ekki
fyrir neinu. Ég hafði varið tíu árum í
undirbúning og eftirvæntingin var
svo mikil. Ég hélt að þetta yrði besti
dagur lífs míns,“ segir hann. Ben
segist ekki vera hættur að ganga þótt
hann muni seint toppa þennan til-
tekna leiðangur. Hann lét draum
sinn rætast fyrir skemmstu og stofn-
aði tímaritið Auvant sem einblín-
ir á ævin týramennsku í óbyggðum
um víða veröld. Hann lauk fyrirlestri
sínum á þessum hvatningarorðum:
„Með nógu mikilli þrjósku og ákveðni
þá er allt hægt. Svo sannarlega.“ n
Mikið afrek
Leiðin sem þeir Ben
og Tarka gengu var
2.888 kílómetrar.
Auðnin ein Ben sagði að á löng-
um köflum hefðu þeir ekki séð
neitt, nema helst hvor annan.
„Baðkör“ í eftirdragi Þegar ferða-
lagið hófst voru þeir með rúm 200 kíló
af birgðum í eftirdragi.
Einar Þór Sigurðsson
einar@dv.is