Dagblaðið Vísir - DV - 04.04.2017, Blaðsíða 16

Vikublað 4.–6. apríl 201716 Fréttir Erlent
É
g hef ekki fengið neina að-
stoð,“ segir David, sautján
ára unglingspiltur sem
býr á götunni skammt frá
flugvellinum í Bangui, höfuð-
borg Mið- Afríkulýðveldisins. David
er eitt þeirra barna sem varð fyrir
kynferðis ofbeldi af hálfu franskra
friðar gæsluliða Sameinuðu þjóð-
anna. Kynferðisbrotin komust í há-
mæli árið 2015 þegar skýrslu um
málið var lekið til fjölmiðla.
Lofuðu öllu fögru
Eftirmálarnir voru nokkrir; Andreas
Kompass, framkvæmdastjóri
aðgerða á skrifstofu mann-
réttindastjóra Sameinuðu þjóð-
anna, sagði starfi sínu lausu eftir að
hann var sakaður um að hafa lek-
ið skýrslunni til franskra yfirvalda.
Andreas ofbauð aðgerðarleysi Sam-
einuðu þjóðanna og ákvað því að
taka til sinna ráða.
Eftir að skýrslan komst í hámæli
lofuðu Sameinuðu þjóðirnar því að
allt yrði gert til þess að fórnarlömb-
um ofbeldisins yrði hjálpað á allan
mögulegan hátt. Ef marka má um-
fjöllun sænska fréttaskýringaþáttar-
ins Uppdrag Granskning á dögun-
um hefur lítið, ef eitthvað, af því
staðist. Sum fórnarlambanna, enn
börn að aldri, eru heimilislaus og er
David einn þeirra. „Hér er enginn
sem hjálpar okkur. Við reynum að
komast af upp á eigin spýtur; vösk-
um upp fyrir fólk, sækjum vatn fyrir
fólk og þrífum bíla. Þannig höfum
við í okkur og á,“ segir hann.
Líklega enginn ákærður
Brotamennirnir sem um ræddi voru
úr svokallaðri Sangaris-friðargæslu-
sveit sem heyrði ekki beint undir
stjórn Sameinuðu þjóðanna. Síðar
komu frekari ásakanir fram í dags-
ljósið, sem meðal annars vörðuðu
friðargæsluliða frá Austur-Kongó
og Benín. Skýrslan vakti gríðarlega
athygli á sínum tíma og hrikti í stoð-
um Sameinuðu þjóðanna.
Francois Hollande Frakklands-
forseti hét því að friðargæsluliðun-
um yrði ekki sýnd nein miskunn
og þá lofuðu Sameinuðu þjóðirnar
því að fórnarlömbin fengju alla
nauðsynlega aðstoð. Nú, tveimur
árum síðar, hefur enginn af frönsku
friðargæsluliðunum verið dreginn
til ábyrgðar og að sögn breska
blaðsins The Guardian er ólíklegt
að nokkur verði ákærður.
Helmingur börn
Talið er að um 80 einstaklingar hafi
orðið fyrir kynferðisofbeldi af hálfu
friðargæsluliða í landinu á árunum
2014 til 2016. Helmingur þessara
einstaklinga var börn þegar brotin
voru framin og minnst níu stúlkur
urðu óléttar eftir ofbeldið.
Ein þeirra er Martha, fjórtán
ára stúlka, sem varð ólétt í janúar
2015. Friðargæsluliði á fertugsaldri
frá Austur-Kongó nauðgaði henni.
Í umfjöllun The Guardian kemur
fram að Martha hafi komist í kynni
við manninn eftir að faðir hennar
var myrtur. Maðurinn lofaði öllu
fögru, gaf henni mat og peninga
og sagðist ætla að kvænast henni.
Síðar kom á daginn að Martha
hafði smitast af HIV-veirunni, Sam-
einuðu þjóðirnar komust í málið og
var friðargæsluliðinn sendur heim í
kjölfarið. Eftir stóð Martha, fjórtán
ára einstæð móðir, sem þurfti nú að
hugsa um nýfætt barn sitt og hætta
í skóla. Þegar Uppdrag Granskning
ræddi við hana í janúar sagði hún
að forsvarsmenn Sameinuðu þjóð-
anna hefðu til þessa dags gefið
henni hrísgrjónapoka, mjólk, sykur
og um tvö þúsund krónur í pening-
um.
Mögulega misbrestir
Að sögn The Guardian áttu forsvars-
menn Barnahjálpar Sameinuðu
þjóðanna, UNICEF, að fylgja því eftir
að börnin fengju aðstoð. Forsvars-
menn UNICEF voru þó ekki með-
vitaðir um að börnin í Mið-Afríku-
lýðveldinu hefðu ekki fengið neina
aðstoð. „Samkvæmt þeim upp-
lýsingum sem ég hef þá fara full-
trúar okkar vikulega og hitta þessi
börn,“ sagði Aboubacry Tall, fulltrúi
UNICEF í Mið-Afríkulýðveldinu.
Tall bætti við að mögulega séu mis-
brestir á þessu í einhverjum tilfell-
um.
Í skýrslu Sameinuðu þjóðanna,
sem kom út í febrúarmánuði, kom
fram að 145 tilfelli kynferðisofbeldis
friðargæsluliða hefðu komið upp
í fyrra. Þetta er aukning upp á 46
prósent frá árinu 2015 þegar 99 til-
felli komu upp. António Guterres,
aðalframkvæmdastjóri Sameinuðu
þjóðanna, sagði fyrr í þessum
mánuði að tekið yrði fastar á málum
sem þessum og ríkari áhersla verði
lögð á að hjálpa þeim börnum sem
beitt eru ofbeldi. n
„Við reynum að
komast af upp á
eigin spýtur; vöskum upp
fyrir fólk, sækjum vatn fyrir
fólk og þrífum bíla. Þannig
höfum við í okkur og á.
Beitt ofBeldi en
fá enga aðstoð
n Friðargæsluliðar beittu börn kynferðisofbeldi n Sum búa á götunni tveimur árum síðar
Einar Þór Sigurðsson
einar@dv.is
Frakklandsforseti
Francois Holland
Frakklandsforseti hét
því að hinum seku yrði
ekki sýnd nein miskunn.
Talið er ólíklegt að
nokkur verði ákærður.
Mynd EPA
Mið-Afríkulýðveldið
Fjöldi barna var beittur
kynferðisofbeldi af friðar-
gæsluliðum í Mið-Afríku-
lýðveldinu. Þessi mynd er
úr safni og tengist fréttinni
ekki beint. Mynd EPA