Dagblaðið Vísir - DV - 16.06.2017, Side 30

Eitt það skemmtilegasta sem ég geri er að hlusta á tónlist og fara á tónleika og um
nýliðna helgi var ég svo heppin að
fara á nokkra slíka, ólíka og á fleiri
stöðum en einum. Á þeim öllum
var saman komið fólk á öllum aldri,
flestir í þeim eina tilgangi að njóta
góðrar tónlistar í góðra vina hópi.
Það var gaman að sjá hversu breiður
hópurinn var á hverjum stað, þó að
meðalaldurinn hafi hækkað eftir
því sem leið á nóttina, enda eiga
ungmenni samkvæmt lögum ekki
að vera að þvælast seint úti, þótt það
sé heimilt í fylgd fullorðinna.
Tónlist tengir fólk saman, unga
sem aldna, kunnuga sem ókunnuga,
í gleði jafnt sem sorg. Hver hefur til
dæmis ekki hent í „mixed tape“ til
að tjá ást sína? (eða var það eitthvað
sem fólk gerði bara þegar ég var
unglingur?), sent vini kveðju með
lagi, útbúið „playlist“ fyrir partíið,
bílinn, brúðkaupið, afmælið eða
annan viðburð?
Hvaða hlutverki gegnir tónlist
í lífi þínu? Í mínu lífi skipar hún
veigamikinn sess, þrátt fyrir að ég
haldi varla lagi og hafi aldrei lært á
hljóðfæri. Eins og góður vinur heill-
ar hún mig og fær mig til að hlæja,
eins og sársauki fær hún mig til að
gráta, sú besta fær mig til að brosa í
gegnum tárin.
Mínir bestu vinir og vinkonur
eiga öll sitt „þemalag“, lag sem í
mínum huga er órjúfanlega tengt
hverju og einu þeirra og góðum
minningum. Ein vinkona mín er
mikið jólabarn og því hefur Where
Are You Christmas oft fengið
að hljóma í botni á rúntinum í
miðborg Reykjavíkur á sumarnóttu,
með niðurskrúfaðar rúður og svo
syngjum við með eins og við séum
algjörar rokkstjörnur vegfarendum
til mikillar (ó)ánægju. Önnur
vinkona á í öllum mínum minn-
ingum ein og sér þekkt Sálarlag,
enda er hún í krabbanum alveg eins
og ég já. Þegar mig skortir orð eða
til að slá punktinn yfir i-ið nota ég
alltaf tónlistina til að tjá mig. Sendi
afmæliskveðjur með Youtube-hlekk,
tjái ást, vináttu, væntumþykju
og söknuð með tónlist. Enn hef
ég hins vegar ekki notað hana til
að tjá hatur eða aðrar neikvæðar
tilfinningar.
Tónlistin fylgir okkur frá
móðurkviði þar til við erum borin
til hinstu grafar í burtfararsálmi.
Tónlistin er tilbrigði við lífið sjálft,
eins og lífið er tilbrigði við tónsins
stef. Tónlistin bregst mér aldrei, en
ef hún er leiðinleg þá er minnsta
mál að uppgötva nýtt lag. Þegar öllu
er á botninn hvolft þá er tónlist það
sem tilfinningar hljóma.
Ragna Gestsdóttir
ragna@dv.is
TónlisTin
- Tilbrigði
við lífið
Þungarokkhljómsveitin DIMMA sendi frá sér plötuna Eldraunir í maí og af því tilefni blés sveitin
til heljarmikilla útgáfutónleika í Há-
skólabíói laugardaginn 10. júní síðast-
liðinn. Uppselt var og mikil stemning
meðal tónleikagesta sem voru á öllum
aldri, allt frá börnum upp í miðaldra
rokkara.
Á meðal gesta var rithöfundurinn
Stefán Máni sem á hlut í tveimur textum
á plötunni. „Þetta eru fyrstu textarnir
sem ég frumsem fyrir tónlist en Jón
Ólafs gerði lag við ljóðið Leikhús fyrr á
árinu,“ segir Stefán Máni. „Nafni minn
Jakobsson leitaði til mín með lögin
sín og ákveðin þemu fyrir þau. Saman
unnum við svo textana og var það mjög
gaman og gefandi. Ég er sérstaklega
ánægður með Kalda ást enda er sá texti
mjög í mínum anda og lagið hreint stór-
kostlegt. Stefán er magnaður tónlistar-
maður og Dimma er frábært rokkband.
Ég hvet alla til að sjá þá á Hard Rock
24. júní næstkomandi, annaðhvort um
daginn eða kvöldið. Það er mikil upplif-
un að sjá þessa ljúflinga á sviði.“
DIMMA er að fylgja útgáfu
Eldrauna eftir af krafti og auk útgáfu-
tónleikanna hefur DIMMA haldið
nokkra tónleika víðs vegar um landið,
en þeir næstu eru eins og Stefán
Máni nefnir laugardaginn 24. júní á
Hard Rock í miðbæ Reykjavíkur og
er um að ræða tvenna tónleika, aðra
fjölskylduvæna um miðjan daginn og
hina standandi tónleika um kvöldið.
Einnig mun DIMMA koma fram á
helstu tónleikahátíðum landsins svo
sem Eistnaflugi, Þjóðhátíð, Neistaflugi
og Menningarnótt.
Fylgjast má með DIMMU-
drengjum á Facebook-síðu þeirra
dimmamusic.
Eldraunir
dimmu
Magnaðir útgáfutónleikar
Magnaðir á sviði
Dimmu-drengirnir eru
hreint ótrúlegir á sviði.
Tvær kynslóðir af hæfileikuM Trúbadorarnir, ljúflingarnir og vinirnir Tómas
Ó. Malmberg og Ingvar Valgeirsson buðu næstu kynslóð með á tónleika. Stefán „Svepp-
ur“, sonur Ingvars, spilar á gítar og Helga Fanney, dóttir Tómasar, er farin að reyna fyrir
sér í söng. Bæði eiga framann vísan og munu leysa feður sína af hólmi fyrr en varir.
ásTfangið par
Marta María
Jónasdóttir, ritstýra
Smartlands, og Páll
Winkel fangels-
ismálastjóri eru
glæsileg saman.
Töff hæfileikaTríó
Rithöfundurinn Stefán
Máni, Guðjón Guðjóns-
son, trymbill og hljóðmað-
ur, og goðsögnin Michael
Pollock eru allir hæfileika-
ríkir á fleiri en einu sviði.