Morgunblaðið - 21.01.2017, Blaðsíða 12

12 DAGLEGT LÍF
MORGUNBLAÐIÐ LAUGARDAGUR 21. JANÚAR 2017
Valgerður Þ. Jónsdóttir
vjon@mbl.is
Það er ekki bara gamalt fólksem fær áhuga á ættfræði.Að minnsta kosti hefuráhugi Önnu Leifar Elídótt-
ur myndlistarkonu aukist töluvert
undanfarið. Og á hún þó allmörg ár í
fimmtugt. Eins og allir á hún tvær
ömmur og fjórar langömmur, þær
eru að vísu dánar, en ömmum sínum
kynntist hún ágætlega sem og tveim-
ur langömmunum. Á 100 ára afmæli
kosningaréttar kvenna fyrir tveimur
árum langaði hana að heiðra minn-
ingu þessara formæðra sinna og
kynna sér sögu þeirra; draga upp af
þeim myndir í bókstaflegri merkingu.
„Ég málaði tíu myndir með olíu
á striga, af ömmum mínum, lang-
ömmum, mömmu minni, mér og dótt-
ur minni og einni ömmusystur og
sýndi á vinnustofu minni á Vökudög-
um, menningarhátíð sem haldin er á
hverju hausti hérna á Akranesi,“
segir Anna Leif. „Ömmusysturina
hafði ég með vegna þess að ég er
skírð eftir henni og Leifi, manni
hennar, og mér þykir svo vænt um
þetta nafn,“ bætir hún við og upp-
lýsir að sjálf sé hún ein fjögurra,
karla og kvenna á Íslandi, sem
heiti Leif.
Menning í mörgum
myndum
Eftir útskrift frá
Listaháskóla Íslands 2005
fór Anna Leif beint í
kennslufræði í myndlist við
sama skóla og kenndi síðan list-
greinar um sjö ára skeið við
Brekkubæjarskóla á Akranesi, þar
sem hún er uppalin og hefur búið
nánast alla sína tíð. Því næst vann
hún á Byggðasafninu í bænum í rúm-
lega þrjú ár.
„Samhliða stundaði ég nám í
menningarstjórnun við Háskólann á
Bifröst, útskrifaðist þaðan 2010 og
hef þar til fyrir skemmstu verið til
skiptis í kúrsum í listfræði á masters-
sviði og safnfræði við Háskóla Ís-
lands, þar til ég réðst til starfa við
safnkennslu í Þjóðminjasafninu,“
segir Anna Leif, sem býst við að taka
aftur upp þráðinn í kúrsunum í HÍ
þegar fram líða stundir.
Áður en hún lagði fyrir sig allt
þetta list- og menningarnám um alda-
mótin stundaði hún búskap á Leirá
rétt hjá Akranesi ásamt eiginmanni
sínum, Ásgeiri Kristinssyni, og í sam-
býli við tengdaforeldra sína. Börnin
þeirra þrjú eru uppkomin, öll um
tvítugt, og Anna Leif
því ekki eins
bundin heimilinu og áður. Hún setur
ekki fyrir sig að keyra daglega á
einkabíl sínum í vinnuna til Reykja-
víkur en býst við að temja sér vist-
vænni hugsunarhátt og taka strætó
þegar birta fer af degi.
Harmleikir og barnmissir
Þá fannst henni ekki heldur til-
tökumál að fara á slóðir formæðra
sinna þegar hún var að undirbúa
sýninguna Ömmurnar í fyrra.
„Reyndar þurfti ég ekki að fara
um langan veg því flestar
bjuggu hér í nærsveitum, til
dæmis í Hvalfjarðarsveit.
Maður selur ekki ömmu sína
Hana dreymdi um að halda kvennaboð, nokkurs kon-
ar gjörning, þegar hún var í Listaháskóla Íslands.
100 ára afmæli kosningaréttar kvenna í hittifyrra ýtti
svolítið við Önnu Leif Elídóttur myndlistarkonu að
láta til skarar skríða. Hún tók upp pensilinn og mál-
aði myndir af sjálfri sér, dóttur sinni og móður, ömm-
um sínum og langömmum. Einni ömmusystur var
líka boðið í partíið.
Formóðir Ljósmynd og málverk af Kristínu Karólínu frá Skerðingsstöðum.
Með allt á hreinu
Anna Leif er í rauð-
vínsklúbbi með fyrr-
verandi samstarfs-
konum í
Brekkubæjarskóla
og hefur skissað
myndir af öllum teg-
undum sem klúbb-
urinn hefur prófað
og skrifað umsagnir.
Á nýju ári er gaman að fara á hvers
konar námskeið og bæta við sig
þekkingu í hinu og þessu. Á vefsíðu
Hugsmiðjunnar, hugsmidjan.is, er
hægt að kynna sér hvaða námskeið
þar er boðið upp á, og eitt þeirra
snýst um hvernig skrifa skuli fyrir
fólk og leitarvélar. Í kynningu segir
að mikilvægasti þáttur í leitarvélar-
bestun sé gott efni. Á síðunni segir
m.a: „Þegar unnið er með efni fyrir
vef er freistandi að „skrifa fyrir
leitarvélar“ (og þeirra sérvisku).
Gleymum því samt ekki að markmið
leitarvélanna er að finna bestu niður-
stöðurnar fyrir fólkið sem notar
þær.“ Á námskeiðinu eru m.a. kennd-
ar bestu aðferðir í vefskrifum, kynnt-
ar aðferðir við að vinna efnisstefnu
fyrir vef og gefin innsýn í það hvernig
tæki leitarvélarbestunar nýtast í
efnisstefnu.
Leiðbeinandi verður Þórarinn Stef-
ánsson (Tóró), en hann er viðmóts-
hönnuður og -forritari hjá Hugsmiðj-
unni með mikla reynslu af
greiningum, vefstjórn og kennslu auk
meistaragráðu í upplýsingatækni.
Nú er lag að skrá sig á síðunni.
Vefsíðan www.hugsmidjan.is
Morgunblaðið/Golli
Úti Víða er hægt að vinna við tölvu.
Skrifað fyrir
fólk og
leitarvélar
Listakonan Rúna, Sigrún Guðjóns-
dóttir, sýnir ný verk í Gerðubergi í
Breiðholti um þessar mundir, en hún
á að baki langan listamannsferil.
Rúna ætlar að ganga með gestum um
sýninguna á morgun, sunnudag, kl.
13, en þar verður rætt við hana um
listferil hennar og lífssýn. Spurt verð-
ur: Hvers vegna lagði hún ung út á
listabrautina? Hvernig var hægt að
finna tíma fyrir listina meðfram
barnauppeldi og brauðstriti? Og hafa
tímarnir breyst – og þá hvernig?
Á sýningunni í Gerðubergi eru ein-
göngu verk frá Rúnu sem eru frá síð-
ustu tveimur árum, unnin með akrýl-
litum og þurrkrít á handgerðan
japanskan pappír. Sýningin ber heitið
Línudans, enda er flæðandi línuspil
eitt höfuðeinkenna verka Rúnu. Í
myndunum má sjá þekkt stef úr
smiðju Rúnu eins og sterk, kvenleg
form; fugla, fiska og báta en áhrifa
ævintýrsins gætir einnig í mettuðum
litum sem oft glitra af silfri og gulli.
Sýningin er opin virka daga frá kl.
9-18 og um helgar frá kl. 13-16. Henni
lýkur sunnudaginn 5. febrúar.
Listamannsspjall og leiðsögn á morgun, sunnudag
Hvernig var hægt að finna tíma
fyrir listina meðfram brauðstriti?
Manneskjur Eitt af verkum Rúnu sem er á sýningunni hennar í Gerðubergi.
Skannaðu kóðann til
að fara inn á vefsíð-
una.