Morgunblaðið - 21.01.2017, Qupperneq 18

18 FRÉTTIRInnlent
MORGUNBLAÐIÐ LAUGARDAGUR 21. JANÚAR 2017
Steinþór Guðbjartsson
steinthor@mbl.is
Valgeir Þorvaldsson fyrir hönd
Vesturfarasetursins á Hofsósi og
Sunna Pam Olafson-Furstenau fyrir
hönd sjálfseignarstofnunarinnar
Icelandic Roots (icelandicroots.com)
í Bandaríkjunum hafa gert með sér
samstarfssamning með það að mark-
miði að efla og treysta þjónustuna
við þá sem leita upplýsinga hjá þeim
um skyldfólk, fjölskyldur og fleira,
bæði á Íslandi og í Vesturheimi.
Áhugi á vesturförum og fjöl-
skyldum þeirra hefur aukist jafnt og
þétt undanfarin ár. Valgeir segir að
margar fyrirspurnir berist Vest-
urfarasetrinu í þá veru og stefnan sé
að vinna úr þeim í samvinnu við Ice-
landic Roots. „Það getur verið mjög
erfitt fyrir okkur á Íslandi að finna
upplýsingar um fólk vestra og þá
kemur til kasta Sunnu og aðstoð-
arfólks hennar,“ segir Valgeir. „Að
sama skapi fá þau allskonar erindi,
sem þau eiga erfitt með að sinna og
þá kemur til okkar kasta.“ Hann
bætir við að samfara þessari upplýs-
ingagjöf muni þau vinna að því að
efla gagnagrunn hennar enn frekar.
Margir sjálfboðaliðar
Á vef Icelandic Roots geta Ís-
lendingar fengið upplýsingar um
ættingja sína í Norður-Ameríku
auk þess sem þar er mikill gagna-
grunnur um Íslendinga. Sunna Pam
Olafson-Furstenau segir að sam-
vinnan sé á sömu nótum og sam-
starf Icelandic Roots við Vest-
urfaramiðstöð Austurlands á
Vopnafirði. Áhersla verði lögð á að
veita aðstoð fljótt og vel og meðal
annars verði þátttakendum í
Snorra-verkefninu liðsinnt. „Við er-
um með 15 sjálfboðaliða og byggj-
um ofan á það sem fyrir er,“ segir
hún.
Efla og treysta
ættfræðiþjónustuna
 Vesturfarasetrið á Hofsósi og Icelandic Roots í
Bandaríkjunum gera með sér samstarfssamning
Samstarf Sunna Pam Olafson-Furstenau og Valgeir Þorvaldsson handsala
samninginn fyrri hönd Icelandic Roots og Vesturfarasetursins á Hofsósi.
Skoðið úrvalið á
dimmalimmreykjavik.is
Laugavegi 53 | Sími 552 3737
Opið virka daga 10-18 og laugard. 10-17
DIMMALIMM
Útsala
Útsala
40-70% afsl
Langflest sveitarfélög landsins hafa
enn ekki breytt launum kjörinna
fulltrúa sinna þrátt fyrir hækkun
þingfararkaups eftir úrskurð Kjara-
ráðs og bíða átekta eftir niðurstöðu
Alþingis varðandi umdeilda hækkun
þingfararkaupsins. Í mörgum sveit-
arfélög tengjast laun kjörinna full-
trúa þingfararkaupi með einum eða
öðrum hætti og í samræmi við við-
miðunarreglur sem Samband ísl.
sveitarfélaga birti sl. sumar
Bæjarstjórn Hafnarfjarðar er
eina sveitarfélagið sem vitað er um
að hafi að undanförnu ákveðið að
hækka laun kjörinna fulltrúa bæjar-
ins til samræmis við hækkun þing-
fararkaupsins eða um 44%.
Önnur stærstu sveitarfélögin
ákváðu að hækka ekki og skoruðu á
þingið að breyta úrskurðinum.
Karl Björnsson, framkvæmda-
stjóri Sambands ísl. sveitarfélaga,
segir sambandið ekki hafa yfirlit yfir
það hvernig sveitarfélögin ætla að
bregðast við eftir hækkun þingfarar-
kaupsins en málið sé greinilega í
gerjun. ,,Við gáfum út leiðbeinandi
viðmið ef menn vildu hafa eitthvað til
að styðjast við en það er hverjum og
einum frjálst að gera það og við höf-
um ekki yfirlit yfir hvað margir
nýttu sér þau.“
Hjá Kópavogsbæ fengust þær
upplýsingar að samþykkt hafi verið í
nóvember sl. að fresta ákvörðun um
þessi mál og því hefur hækkunin
ekki tekið gildi þar. Svipaða sögu er
að segja úr borginni þar sem ákveðið
var að hækka ekki laun borgarfull-
trúa til samræmis við úrskurðinn.
Lækka prósentuna af þingfar-
arkaupi sem miðað er við
Sveitarfélög hafa ýmsa kosti við
ákvörðun launa og þóknunar fyrir
störf kjörinna fulltrúa. Á síðasta
fundi sveitarstjórnar Þingeyjar-
sveitar var ákveðið að greiðslur fyrir
setu í sveitarstjórn og í nefndum á
vegum sveitarfélagsins yrðu áfram
hlutfall af þingfararkaupi „en í ljósi
þeirra hækkana sem orðið hafa á
þingfararkaupi samþykkir sveitar-
stjórn Þingeyjarsveitar að lækka nú-
verandi hlutfall fyrir setu í sveitar-
stjórn úr 10% í 8% og greiðslur til
oddvita úr 15% í 12%. Samsvarandi
breyting verði á greiðslum fyrir
nefndastörf og fundasetu á vegum
sveitarfélagsins. Við þessa breytingu
munu þessar greiðslur hækka að
meðaltali um 15,47% í stað 44%
hækkunar.“
Flest sveitar-
félög bíða átekta
 15,47% hækkun hjá Þingeyjarsveit
Morgunblaðið/Golli
Þing Ekki sér fyrir endann á afleið-
ingum af hækkun þingfararkaups.
Gengið hefur á með éljum víða á landinu síðustu daga
og hér forða farþegar sér í hlýju og skjól í strætisvagni
á Lækjartorgi. Spáð er rigningu með köflum á höfuð-
borgarsvæðinu í dag en útlit er fyrir að hlé verði á úr-
komunni á morgun. Það verður þó ekki lengi því að
spáð er úrfelli og éljum eftir helgina.
Morgunblaðið/Ómar
Leitað skjóls í strætisvagni
„Það var gagnlegt að fá þessa yfirferð
á skýrslunni á fundinum þótt ég hefði
auðvitað kosið að fyrrverandi fjár-
málaráðherra hefði mætt á hann, eins
og var bókað á fundi nefndarinnar.
Hins vegar liggur fyrir að miklu meiri
vinna þarf að fara fram í þessum efn-
um,“ segir Katrín Jakobsdóttir, for-
maður Vinstrihreyfingarinnar -
græns framboðs, en efnahags- og við-
skiptanefnd Alþingis fundaði í morg-
un að beiðni hennar um skýrslu sem
unnin var af starfshópi á vegum fjár-
málaráðuneytisins um eignir Íslend-
inga á aflands-
svæðum.
„Síðan er mjög
mikilvægt hvað
gerist í framtíð-
inni. Ég tel að
það sem þurfi
m.a. að taka til
skoðunar sé hvað
gerist þegar los-
að verður um
höftin. Hvernig
verður eftirliti með fjármagnsstreymi
háttað?“ segir Katrín. Fram komi í
skýrslunni að aðrar aðferðir séu not-
aðar til þess að koma fjármunum und-
an skatti en voru notaðar fyrir hrun.
„Það er mitt mat að efnahags- og við-
skiptanefnd eigi að hafa frumkvæði í
þessum málum þannig að þetta mál
verði sett í forgang að minnsta kosti á
vettvangi þingsins.“
Katrín segir skýrsluna aðeins vera
fyrsta skrefið í því að taka þessi mál
til gagngerrar skoðunar með það fyr-
ir augum að bæta löggjöf hér á landi
og koma í veg fyrir að reynt sé að
koma fjármunum undan skatti.
Fyrsta skref en ekki lokaskref
 Efnahags- og viðskiptanefnd fjallaði um aflandsskýrsluna
Katrín
Jakobsdóttir
Hjón á Akureyri unnu rúmlega 64
milljónir króna í lottóinu milli jóla
og nýárs en biðu með að sækja
vinninginn. Vinningsmiðinn var
keyptur í Hagkaupum á Akureyri
milli jóla og nýárs en hjónin vissu
strax á nýársnótt að þau hefðu unn-
ið milljónirnar. Þeim var ljóst að
þau hefðu unnið eftir að tilkynnt
var að vinningsmiðinn hefði verið
seldur í Hagkaupum á Akureyri.
Hjónin segjast alltaf spila í leikjum
Getspár og kaupa alla sína miða
þar.
Biðu með að sækja vinninginn
Þau fögnuðu því nýja árinu 64
milljónum ríkari, en afkomendur
hjónanna voru hjá þeim á Akureyri
yfir áramótin.
Þau ákváðu hins
vegar að flýta sér
ekkert að sækja
vinninginn til
Reykjavíkur. Þau
áttu skipulagða
ferð til höfuð-
borgarinnar um
miðjan janúar og
ákváðu því að gera sér ekki sérferð
vegna vinningsmiðans. Því var
ákveðið að setja miðann í umslag og
sváfu þau á honum til skiptis svo
honum yrði ekki stolið. Hjónin, sem
eru bæði hætt að vinna segjast ekki
ætla að flana að neinu en segja að
börnin fái að njóta vinningsins með
foreldrum sínum.
Sváfu á 64 milljóna
vinningsmiða í vikur
 Hjón á Akureyri unnu stórt í lottóinu