Morgunblaðið - 01.02.2017, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 1. FEBRÚAR 2017
FISKIBOLLUR
1.690 2kg
KAUPIR 1 KG - FÆRÐ 2 KG
TILB
OÐ
2 TEGUNDIR:
- GAMALDAGS
HAKKBOLLUR
- HEIMILISBOLLUR
Sogavegi 3
Höfðabakka 1
Sími 555 2800
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Nýliðinn janúarmánuður var tíð-
indalítill hvað veðurfar varðar, segir
Trausti Jónsson veðurfræðingur.
„Þótt hlýtt hafi verið er hiti langt
frá metum,“ segir Trausti.
Hitinn í Reykjavík mældist 1,3
stig, 1,8 stigum ofan meðallags ár-
anna 1961-1990, en 0,2 ofan meðal-
lags síðustu tíu ára. Úrkoma er rétt
við meðallag síðustu tíu ára og sól-
skinsstundir ívið færri en í meðalári.
Hitavikin eru heldur stærri fyrir
norðan, segir Trausti. Meðalhiti á
Akureyri er +0,1 stig, 2,3 stigum of-
an meðallags 1961-1990 en 0,4 ofan
síðustu tíu ára. Úrkoma þar er líka í
meðallagi. Hlýr janúar kemur strax í
kjölfar hlýs desember. Reyndar var
allt árið 2016 afar hlýtt. sisi@mbl.is
Nýliðinn janúar hlýr en
engin hitamet voru sett
 Meðalhiti á Ak-
ureyri 2,3 stigum
ofan meðallags
Morgunblaðið/Ómar
Sleðaferð Einn og einn dagur kom þar sem ungir og aldnir gátu rennt sér.
Bjarni Bene-
diktsson, for-
sætisráðherra og
formaður Sjálf-
stæðisflokksins,
er nú staddur í
Austurríki og
gegnir Benedikt
Jóhannesson,
fjármála- og
efnahags-
ráðherra og for-
maður Viðreisnar, embætti for-
sætisráðherra á meðan.
Bjarni hélt utan 27. janúar sl. og
er væntanlegur aftur hingað til
lands á morgun. Hann mun því sitja
ríkisstjórnarfund sem fram fer
næstkomandi föstudag.
Benedikt í embætti
forsætisráðherra
í fjarveru Bjarna
Benedikt
Jóhannesson
Ákvörðun Don-
alds Trump, for-
seta Bandaríkj-
anna, að fólki frá
Sýrlandi, Írak, Ír-
an, Jemen, Líbíu,
Sómalíu og Súd-
an sé tímabundið
bannað að koma
til Bandaríkj-
anna, gildir ekki
um fólk með tvöfaldan ríkisborg-
ararétt. Viðkomandi verður þó að
hafa gilda vegabréfsáritun og vega-
bréf frá landi sem ekki fellur undir
tilskipun Trumps. Þetta segir í svari
frá sendiráði Bandaríkjanna á Ís-
landi. Þetta þýðir að Meisam Rafiei
landsliðsmaður Íslands í taekwondo,
sem hefur bæði íslenskan og íransk-
an ríkisborgararétt fær að ferðast til
Bandaríkjanna. » Íþróttir
Gildir ekki um tvö-
faldan borgararétt
Það bar til tíðinda í Gömlu höfninni í Reykjavík í
gærmorgun að danskt flutningaskip, Dan Fight-
er, 852 brúttótonn, lagðist að Miðbakka. Í land
var skipað stálþili sem fer í endurbættan hafnar-
bakka á Norðurgarði, athafnasvæði HB Granda.
Alls eru þetta 450 tonn af stáli.
Langt er um liðið síðan varningi var síðast
skipað á land við Miðbakkann. Langt fram á síð-
ustu öld fóru vöruflutningar um Gömlu höfnina.
Eimskip flutti starfsemi sína í Sundahöfn árið
1973. Höfnin keypti hins vegar Faxaskála árið
1980. Samskip (Skipadeild Sambandsins) –
Birgðastöð SÍS var tekin í notkun 1978 en að-
dragandi þess nær þó aftur til 1968. Hins vegar
var Hafskip með flutninga allt til gjaldþrots 1985
og má segja að það marki endalok Gömlu hafn-
arinnar sem kaupskipahafnar, að því er fram
kemur í bókinni Hér heilsast skipin.
Skipaútgerð ríkisins, sem annaðist siglingar
milli hafna á Íslandi, var lögð niður árið 1992.
Þar með lauk 62 ára skipaútgerð ríkisins. Skip
Ríkisskipa lögðust að Grófarbryggju og höfðu
vöruafgreiðslu í því húsi sem nú gengur undir
nafninu Brim-húsið.
Að sögn Gísla Gíslasonar hafnarstjóra verður
stálþilið híft „um borð“ í prammann Flotann sem
er í kverkinni við Miðbakka/Austurbakka. Hann
verður notaður sem undirstaða krana sem rekur
þilið niður. „Flotinn okkar, sem notaður var á
sinum tíma fyrir RoRo-skip, kemur oft að góðum
notum,“ segir Gísli. Meira stál er um borð í Dan
Fighter, sem fer á Akureyri og Ísafjörð.
sisi@mbl.is
Morgunblaðið/Golli
Fyrsta uppskipun á Miðbakka í áratugi
Kristján H. Johannessen
khj@mbl.is
„Donald Trump er fasisti – það er
bara þannig. Það er rétt orð til þess
að lýsa hans nokkurra daga setu sem
Bandaríkjaforseti, þeim atburðum
sem hafa átt sér stað í Bandaríkjun-
um og þeirri vanvirðingu við mann-
réttindi, kvenréttindi, alþjóðaskuld-
bindingar, fólk og önnur lönd.“
Þetta sagði Ásta Guðrún Helga-
dóttir, formaður þingflokks Pírata, í
ræðustól á Alþingi í gær, en þar fór
fram sérstök umræða um stjórnmála-
ástandið í Bandaríkjunum og var ut-
anríkisráðherra, Guðlaugur Þór
Þórðarson, til andsvara.
„Kvenhatari og rasisti“
Nokkru áður hafði Þórhildur
Sunna Ævarsdóttir, þingmaður Pí-
rata, tekið í svipaðan streng í ræðu-
stól, en hún sagðist hafa „áhyggjur af
því að Bandaríkjaforseti [væri] fas-
isti, kvenhatari og rasisti,“ en tilefni
þessara ummæla er nýleg tilskipun
Trumps þar sem ferðalöngum frá sjö
múslimaríkjum er meinað í níutíu
daga að ferðast til Bandaríkjanna,
auk þess sem komu allra flóttamanna
þangað er frestað um 120 daga.
Ásta Guðrún sagði einnig mikil-
vægt að íslensk
stjórnvöld for-
dæmdu áður-
nefnda tilskipun
Trumps.
Guðlaugur Þór
sagði ákvörðun
forsetans sæta
furðu og kom
hann í gær á
framfæri mót-
mælum á fundi
með Benjamin Ziff, aðstoðarráðherra
í utanríkisráðuneyti Bandaríkjanna.
„Bandaríkin hafa ætíð, og framar
flestum öðrum, tekið opnum örmum á
móti innflytjendum sem hafa mótað
samfélagsgerðina þar í landi með
mjög jákvæðum og afgerandi hætti,“
sagði Guðlaugur Þór og benti á að til-
skipunin væri fjarri því sem við hefð-
um átt að venjast frá stjórnvöldum í
Washington DC. „Í því felast mikil
vonbrigði og því var mikilvægt að
koma skilaboðum á framfæri með
skýrum hætti og milliliðalaust,“ sagði
hann enn fremur, en fundur þeirra
Guðlaugs Þórs og Ziff var haldinn í
húsakynnum utanríkisráðuneytisins í
miðbæ Reykjavíkur.
Þingmenn harðyrtir í garð Trumps
 Fulltrúi Pírata á Alþingi kallar Donald Trump Bandaríkjaforseta „fasista“  Tilskipuninni mótmælt
Ásta Guðrún
Helgadóttir
Þórhildur Sunna
Ævarsdóttir
Guðlaugur Þór
Þórðarson