Morgunblaðið - 01.02.2017, Page 33

MENNING 33
MORGUNBLAÐIÐ MIÐVIKUDAGUR 1. FEBRÚAR 2017
Það er reiður ungur maðursem birtist áhorfendum ífrönsku kvikmyndinni Meðhöfuðið hátt (La tête haute)
í leikstjórn Emmanuelle Bercot. Og
ekki að ósekju. Malony Ferrandot
(Rod Paradot) hefur ekki fengið gott
veganesti út í lífið. Þegar myndin hefst
er hann aðeins sex ára og staddur á
skrifstofu Florence Blaque (Catherine
Deneuve), dómara sem úrskurðar í
málefnum barna og ungmenna, ásamt
móður sinni, Séverine Ferrandot
(Sara Forestier), og litla bróður. Faðir
hans er látinn og móðir hans glímir við
vímuefnafíkn. Hún lýsir eldri syni sín-
um sem skrímsli meðan hann situr
þögull og stóreygur á gólfinu. Nær-
myndir af andliti Enzo Trouillet, sem
leikur Malony á þessum aldri, eru
hjartaskerandi, en litli drengurinn
skilur varla hvað gengur á þegar móð-
ir hans rýkur á dyr með þeim orðum
að hún gefist upp og kerfið skuli bara
annast hann.
Tæpur áratugur líður þar til við
hittum Malony aftur og þá virðast
áhrínsorð móður hans hafa orðið að
veruleika. Hann hefur verið inn og út
af fósturheimilum, helst ekki í skóla
vegna stjórnlausra reiðikasta og virð-
ist áhugalaus um annað en að stela bíl-
um og keyra hratt. Síðastnefnda iðjan
skilar honum aftur inn á skrifstofu
dómarans sem ákveður að senda hann
í endurhæfingu upp í sveit. Þar kynn-
ist hann Claudine (Elisabeth Mazev)
sem reynir að bæta tungumálakunn-
áttu hans og skrift milli reiðikasta
hans, því þolinmæði er ekki hans
sterkasta hlið. Dóttir hennar, hin
þögla og dularfulla Tess (Diane
Rouxel), er spennt fyrir Malony og
leitar samvista við hann þrátt fyrir að
fyrsti ástarfundur þeirra minni mest á
nauðgun af hans hálfu. Samband
þeirra ber ávöxt, Malony til mikillar
gremju fyrst um sinn, en undir lok
myndar er barnið notað sem tákn um
nýtt upphaf og von, sem er auðvitað
velþekkt bragð. Óljóst er hins vegar
hversu vongóðir áhorfendur geta ver-
ið fyrir hönd Malony.
Megnið af myndinni er einblínt á
Malony á aldrinum 15-17 ára. Blaque
dómari er í kapphlaupi við tímann um
að koma Malony á rétta braut áður en
hann verður 18 ára og afbrot hans
fara að kosta fangelsisvist. En eins og
hún segir við Yann (Benoît Magimel),
umsjónarmann Malony, þá geta þau
sem starfsmenn dóms- og velferðar-
kerfisins aðeins varðað leiðina til
betra lífs en ekki neytt skjólstæðinga
sína til að feta réttu brautina. Á öðrum
stað hvetur hún Malony til að taka í
þær útréttu hendur sem honum bjóð-
ast.
Leikstjórinn Emmanuelle Bercot
skrifar sjálf handritið, í samvinnu við
Marciu Romano, og byggir það á
reynslu frænda síns sem vann lengi
við að hjálpa afvegaleiddum ungling-
um. Markmið hennar er augljóslega
að varpa ljósi á þá ótalmörgu sem
leggja á sig mikið og óeigingjarnt
starf í þágu barna sem vanrækt eru af
foreldrum sínum og tekst það ætl-
unarverk hennar vel. Á þeim tveimur
klukkustundum sem myndin tekur
deila áhorfendur vanmáttarkenndinni
sem hellist vafalítið yfir starfsmenn
kerfisins á stundum. Í anda raunsæis-
ins sneiðir Bercot að mestu hjá þeirri
freistingu að láta einn viðburð eða
eina manneskju umbreyta lífi Malony.
Myndin læðir inn fínlegum vísbend-
ingum um þroska Malony, sem gætu
hæglega farið framhjá áhorfendum.
Sem dæmi um þetta er munurinn á
því hvernig Malony heldur á penna
þegar hann skrifar. Hughreystandi
orð hans við grátandi nýliða seint í
myndinni á vafalaust að undirstrika að
Malony er ekki siðlaus hrotti heldur
býr yfir hæfileikanum til að setja sig í
spor annarra.
Ákjósanlegt hefði verið að sjá Mal-
ony oftar í samskiptum við aðra og
gefa þannig meira kjöt á beinin, því
helsti annmarki myndarinnar er
hversu lokuð bók Malony er okkur og
er þar ekki við leikarann að sakast.
Það er ekki að ástæðulausu sem Rod
Paradot hlaut bæði César- og
Lumières-verðlaunin sem besti nýlið-
inn því hann leysir erfitt hlutverk Mal-
ony fantavel af hendi. Framan af ein-
kennist leikurinn af miklum öskrum,
en tekur á sig meiri blæbrigði eftir því
sem Malony þroskast. Sara Forestier
er trúverðug sem mamma hans og ein
áhrifaríkasta sena þeirra er þegar hún
liggur eins og smábarn í fangi hans
uppi í rúmi meðan hún útskýrir fyrir
honum hversu mikil ábyrgð felist í for-
eldrahlutverkinu og lofar að vera til
staðar fyrir ófætt barn hans. Vel var
unnið með tilfinningar hans í garð
mömmu sinnar, sem hann hatar á
sama tíma og hann þráir ást hennar og
umhyggju sem hún er ófær um að
veita honum. Catherine Deneuve er
góð í hlutverki hinnar þrautseigu og
hjartahlýju Florence Blaque sem neit-
ar að sjá börn sem skrímsli en reynir
þess í stað að nesta þau til betra lífs.
Að vera reiður
ungur maður
Þroski Rod Paradot og Sara Forestier í hlutverkum mæðginanna Malony og Séverine í Með höfuðið hátt.
Háskólabíó – Franska
kvikmyndahátíðin
Með höfuðið hátt
(La tête haute) bbbmn
Leikstjórn: Emmanuelle Bercot. Hand-
rit: Emmanuelle Bercot og Marcia Rom-
ano. Leikarar: Rod Paradot, Catherine
Deneuve, Benoit Magimel, Diane Roux-
el, Sara Forestier og Elisabeth Mazev.
Frakkland, 2015. Tungumál: Franska,
enskur texti. 120 mínútur.
SILJA BJÖRK
HULDUDÓTTIR
KVIKMYNDIR
Sýnd í Háskólabíói fim. 2. febrúar
kl. 19.40 og mán. 6. febrúar kl. 22.
Heiðdís Hanna Sigurðardóttir söng-
kona hefur hlotið viðurkenningu úr
styrktarsjóði Önnu K. Nordal. Er
þetta í sextánda sinn sem viðurkenn-
ing er veitt úr sjóðnum, en honum
ber að styrkja efnilega tónlistar-
nema í söng og fíólínspili. „Sjóðurinn
er stofnaður af Önnu Karólínu Nor-
dal sem fæddist í Vesturheimi 1902
og lést 1998. Hún bjó alla tíð í Kan-
ada og kom aldrei til Íslands en hafði
engu að síður sterkar taugar til
landsins og sýndi ættlandi sínu og
Íslendingum mikla ræktarsemi eins
og sjóðurinn er fagur vitnisburður
um. Anna var alþýðukona og mikill
unnandi tónlistar og vildi styrkja
ungt tónlistarfólk í námi og hvetja til
frekari árangurs,“ segir í tilkynn-
ingu frá sjóðnum.
Heiðdís Hanna hóf söngnám við
Tónlistarskóla Garðabæjar hjá Guð-
rúnu Jóhönnu Jónsdóttur. Hún
stundaði bakkalárnám í söng við
Tónlistarháskólann í Freiburg í
Þýskalandi hjá Professor Angela
Nick og stundar nú bakkalárnám við
Listaháskóla Íslands hjá Þóru Ein-
arsdóttur og Kristni Sigmundssyni.
Þaðan stefnir hún á að ljúka námi í
janúar á næsta ári. „Heiðdís Hanna
hefur vakið athygli fyrir söng sinn
en hún hefur reglulega komið fram á
tónleikum í tónleikaröðinni Perlur
íslenskra sönglaga í Hörpu, hún var
meðlimur í kór Íslensku óperunnar í
uppfærslunni Évgení Onegin eftir
Tsjajkovskíj og söng hlutverk Zerl-
inu í uppfærslu Íslensku óperunnar
á Don Giovanni eftir Mozart í ár.
Fyrr á árinu kom hún fram sem ein-
söngvari með Sinfóníuhljómsveit Ís-
lands á tónleikunum Ungir einleik-
arar. Heiðdís Hanna hefur haldið
einleikstónleika í Vídalínskirkju og í
Fríkirkjunni í Reykjavík og kom
hún fram á hádegistónleikum á
Óperudögum í Kópavogi nú í vor.
Það er vissa sjóðstjórnar Styrktar-
sjóðs Önnu Karólínu Nordal að
hennar bíði glæsilegur ferill í söng.“
Úthlutað úr styrktar-
sjóðnum í 16. sinn
Glöð Heiðdís Hanna Sigurðardóttir.
Hraðþrif
á meðan þú bíður
Hraðþrif opin virka daga frá 8-18,
um helgar frá 10-17. Engar tímapantanir.
Bæjarlind 2, 201 Kópavogur | SÍMI 577-4700 | bilalindin.is
Verð frá 4.300,-
(fólksbíll)
Bíllinn er þrifinn létt
að innan á u.þ.b.
10 mínútum.
Miðasala og nánari upplýsingar
SÝND KL. 5.20, 8
SÝND KL. 10.40
SÝND KL. 8, 10.15
SÝND KL. 8, 10.40
SÝND KL. 5.40 - ísl tal
SÝND KL. 6