Morgunblaðið - 01.02.2017, Blaðsíða 26

26 ÍSLENDINGAR
MORGUNBLAÐIÐ MIÐVIKUDAGUR 1. FEBRÚAR 2017
Árni St. Norð-fjörð á 85 áraafmæli í dag.
„Ég er fæddur í Hösk-
uldarnesi á Melrakka-
sléttu og ólst þar upp
fyrstu árin. Faðir
minn, Árni Stefán
Norðfjörð, lést á Víf-
ilsstöðum þegar ég var
á öðru ári og var ég
næstu árin í umsjá
fósturföður föður
míns, Njáls Guðmunds-
sonar og Önnu konu
hans. Móðir mín giftist
Birni Baldvinssyni,
skipstjóra í Hrísey, ár-
ið 1939 og flutti ég til
þeirra um haustið, þá
sjö ára.
Við bjuggum í Hrís-
ey í tæp 10 ár, en
fluttum þá til Ak-
ureyrar.
Í Hrísey gekk ég í barnastúku og hef verið bindindismaður alla
ævi og starfað innan Bindindishreyfingarinnar alla tíð. Ég hef
einnig tekið þátt í margs konar öðrum félagsmálum og er enn
virkur á því sviði.“
Á Akureyri lauk Árni gagnfræðaskólanámi og fór síðan til náms
í Verzlunarskólanum í Reykjavík þar sem hann lauk versl-
unarprófi 1954. Lengst starfaði Árni hjá heildverslun Stefáns
Thorarensen hf. eða rúm 30 ár.
„Ég hef átt mörg áhugamál og má þar t.d. nefna skógrækt. Í
Galtalækjarskógi í Landsveit stóð ég fyrir mikilli gróðursetningu
við endurnýjun skógarins. Þar var plantað þúsundum trjáa með
góðu liðsinni vina og ættingja. Templarar áttu um árabil svæðið
og héldu þar hin árlegu bindindismót. Ekki er ofmælt að gróð-
ursetningarstarfið sem þar var unnið hafi stækkað skóginn um
þriðjung.“
Hin síðari ár hefur Árni og fjölskyldan unnið að gróðursetningu
á eigin landi og hafa þar risið stór og gróskumikil tré á áður nán-
ast örfoka landi. Árni hefur alltaf haft ánægju af tónlist, spilaði
oft fyrir dansi og hefur einnig verið mjög liðtækur dansmaður.
Árni er giftur Önnu Huldu Ólafsen Norðfjörð og eiga þau tvær
dætur, Unni Dóru og Sigrúnu Birnu.
Bindindis- og skógræktarmaður Árni hefur
staðið fyrir skógrækt í Galtalækjarskógi.
Hefur alla tíð haft
áhuga á skógrækt
Árni St. Norðfjörð er 85 ára í dag
L
ára Björg Björnsdóttir
fæddist í Vestmanna-
eyjum 1.2. 1977 þar
sem faðir hennar var
tannlæknir á árunum
1975-78. Fjölskyldan var svo búsett
við Háaleitisbraut í Reykjavík 1978-
81 og í Chicago í Bandaríkjunum
1981-84 þar sem faðir hennar lagði
stund á rótfyllingar.
Þegar fjölskyldan kom aftur heim
á Háaleitisbrautina fór Lára Björg í
Álftamýrarskóla. Ári síðar fluttu
þau í Árbæinn, áttu þar heima til
1995 og Lára Björg fór í Árbæjar-
skóla. Fjölskyldan settist svo að á
Hólavallagötu við Landakotstúnið
þegar afmælisbarnið var 18 ára.
Lára Björg sýndi snemma ein-
dregna húsfreyjutakta: „Ég vann
mikið við að gæta barna og þrífa frá
því ég var 11 ára og þangað til ég út-
skrifaðist úr MH. Þetta vann ég við
öll sumur en auk þess með skóla. Á
unglingsárunum dvaldi ég hjá
bandarískri fjölskyldu í Boston við
barnagæslu. Ég þreif æskuheimili
mitt og straujaði tannlæknabúninga
pabba fyrir vasapeninga frá því að
ég var 11 ára og þar til ég flutti að
heiman. Allan menntaskólann og há-
skólann skúraði ég og þreif heimili í
aukavinnu og starfaði auk þess á
rannsóknarstofunni hjá Íslenskri
erfðagreiningu á háskólaárunum.
Ég hef alltaf haft gaman af barna-
gæslu, alveg frá því að ég var lítil
stelpa, og hef sérstaklega gaman af
því að þrífa. Ég held meira að segja
úti sérstökum þrifahópi á Facebook
sem er svo leynilegur að meðlimir
mega varla segja frá honum. Þar
ræðum við um allt milli himins og
jarðar sem viðkemur þrifum.“
Lára Björg hafði samt tíma fyrir
fótbolta í Árbænum og sparkaði þá
bolta á fullu til 15 ára aldurs, fyrst
með stelpunum og síðan strákunum.
Hún fór í MH 1993, söng með Kór
Menntaskólans við Hamrahlíð og
síðar Hamrahlíðarkórnum, eftir út-
skrift, til 25 ára aldurs, en með hon-
um fór hún í söngferðir til Danmerk-
ur, Bandaríkjanna, Kanada, Austur-
ríkis, Tékklands og Ísraels.
Að loknu stúdentsprófi fór Lára
Björg í sagnfræði við HÍ, lauk BA-
Lára Björg Björnsdóttir, framkvstj. og sagnfræðingur – 40 ára
Brúðkaup Láru Bjargar og Tryggva F.v. Peter Niculescu, Birna Anna og Lára Alexandra Niculescu, Tryggvi,
Lára Björg með Ólafi Benedikt, Björn Óttar Oddgeirsson, Unnur Eggertsdóttir og Katrín Lára Niculescu.
Ráðgjafi með þrifnað-
aráráttu á háu stigi
Feðgin slappa af Lára Björg með
föður sínum á Jamaíku í janúar 2013.
Mosfellsbær Guðný Dís fæddist 1.
febrúar 2016 á Landspítalanum og
á því eins árs afmæli í dag. Hún vó
3.370 g og var 49,5 cm að lengd.
Foreldrar hennar eru Guðrún Sig-
ríður Jónsdóttir og Örlygur Þór
Helgason.
Nýir borgarar
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
Enn er bætt um betur með nýju
ReSound heyrnartækjunum
sem gefa eðlilega og
áreynslulausa heyrn.
Taktu þátt í framþróuninni og
prófaðu þessa hágæða tækni.
Aldrei
hefur verið
auðveldara
að heyra
GOLDEN
LOBE
AWARDS
2014
ASSOCIATION OF
INDEPENDENT
HEARING HEALTHCARE
PROFESSIONALS
Most Innovative
Concept 2014
presented to:
Resound - LiNX
made for iPhone
Hlíðasmára 11 · 201 Kópavogur · Sími 534 9600 · heyrn.is