Morgunblaðið - 08.03.2017, Qupperneq 11

FRÉTTIR 11Innlent
MORGUNBLAÐIÐ MIÐVIKUDAGUR 8. MARS 2017
CHRISTY TURLINGTON-BURNS www.biotherm.com
ÖLDRUNAREINKENNUM
VINNUR HRATT GEGN SJÁANLEGUM
LIVE
MORE
LAGFÆRINGARMÁTTUR OLÍU
KREMGEL SEM BRÁÐNAR INN Í HÚÐINA
BLUE THERAPY
CREAM-IN-OIL
VINNUR HRATT GEGN SJÁANLEGUM
ÖLDRUNAR EINKENNUM. Á AÐEINS
2 VIKUM ENDURHEIMTIR JAFNVEL
ÞURR HÚÐ SJÁANLEGA MÝKT,
ÞÉTTLEIKA OG LJÓMA.
af öllum snyrtivörum í mars
TAX FREE
Álfheimum 74, 104 Rvk, sími 568 5170
BIOTHERM DAGAR
MIÐVIKUDAG TIL FÖSTUDAGS
GLÆSILEGUR KAUPAUKI FYLGIR ÞEGAR ÞÚ KAUPIR
BIOTHERM VÖRUR FYRIR 7.800 KR. EÐA MEIRA.
20% afsláttur af BIOTHERM DÖMU OG HERRAVÖRUM.
VIÐTAL
Stefán Gunnar Sveinsson
sgs@mbl.is
Mikið er um að vera í tveimur efstu
bekkjum grunnskólanna þessa dag-
ana, þegar bæði 9. og 10. bekkur
þreyta samræmt könnunarpróf, en
þetta er í síðasta sinn sem 10. bekkur
tekur það. Morgunblaðið fékk þær
Björt Ingu Vignisdóttur, Bryndísi
Kristjánsdóttur og Salóme Páls-
dóttur, sem allar eru í 10. bekk
Laugalækjarskóla, til þess að ræða
um það hvernig það er að standa í
samræmdum prófum sem síðasti ár-
gangurinn áður en kerfinu er breytt.
Mega ráða hvort prófin gildi
„Það er alltaf eitthvert stress fyrir
próf,“ segir Bryndís aðspurð, en
stúlkurnar eru sammála um að það sé
ekki meira en venjulega. Það sé af
sem áður var, þegar samræmdu próf-
in voru nánast miðpunktur skólastarfs
í 10. bekk. „Við megum ráða hvort
þetta gildir inn í menntaskóla,“ segir
Björt Inga, en engin skylda er að láta
einkunnirnar fylgja með þegar sótt er
um í framhaldsskóla. „Þetta er bara
könnun til þess að sjá hvað við get-
um,“ bendir Salóme á. „Það hvernig
þér gengur er fyrir þig.“ Það sé því
enginn heimsendir þó að illa gangi.
Á sama tíma gæti það aukið lík-
urnar á að komast inn í framhalds-
skóla ef nemendur standa sig vel á
prófinu. Björt segir þó að tilfinningin
sé sú að samræmdu prófin skipti
meira máli fyrir þá nemendur sem eru
á mörkunum að komast inn í þá fram-
haldsskóla sem þá langar í. „Þetta
skiptir minna máli fyrir þá sem eru
langt fyrir ofan eða langt fyrir neðan.“
Að auki eru framhaldsskólarnir nú
farnir að horfa til fleiri hluta en ein-
kunna þegar kemur að innritun, hluta
eins og tómstundastarfs og félagslífs
innan skólanna. „Maður tók samt
fyrst eftir því núna, þegar það er of
seint að breyta miklu, þannig að mað-
ur verður bara að nota það sem maður
hefur þegar gert,“ segir Salóme. „Það
er svolítið seint núna að hugsa, hey, ég
verð að fara í nemendaráðið.“ Stúlk-
urnar segjast þó ekki telja að krakkar
í yngri bekkjum séu mikið að spá í
það hvort tómstundir þeirra séu góð-
ar fyrir ferilskrána.
Upplifa sig sem afgangsstærð
Stúlkurnar segja allar, með mis-
mikilli áherslu þó, að þær telji breyt-
inguna til bóta, að færa prófin niður í
9. bekk, og að það hefði verið þægi-
legra ef þeirra árgangur hefði tekið
prófin í þeim bekk.
„Það hefði hjálpað, því að þá myndi
maður vita hvar maður stæði og hefði
haft allan 10. bekkinn til þess að
undirbúa sig betur fyrir mennta-
skólann,“ segir Björt.
Bryndís gagnrýnir tímasetningu
prófsins nokkuð, en breytingarnar
komi verulega niður á hennar ár-
gangi. „Það er pínu eins og við séum
úrhrök eða þurfum að mæta afgangi.
Við hefðum átt að taka þessi próf í
september, en svo var því allt í einu
breytt í mars.“
Stúlkurnar bæta við að tímasetn-
ing prófsins hafi ekki einu sinni verið
ljós fyrr en í janúar. Þær segjast ekki
vita hvers vegna þeirra árgangur hafi
ekki getað tekið prófin að hausti líkt
og 10. bekkir fyrri ára, og 9. bekkur
svo þreytt sín próf í vor.
Samræmdu prófin taka tvo daga í
framkvæmd, en prófað er í íslensku,
ensku og stærðfræði. Í dag verður til
dæmis lagt fyrir próf í íslensku og
helmingur af enskuprófi í 10. bekk, og
á föstudaginn tekur bekkurinn hálft
próf í ensku og svo stærðfræði. Prófin
þrjú taka fimm klukkutíma samtals.
Stúlkurnar virðast sammála um að
þetta sé heldur óþægileg skipting.
„Af hverju er þetta ekki gert á þrem-
ur dögum?“ spyr Bryndís og Salóme
svarar að einu rökin sem hún hafi
heyrt séu peningasparnaður. „En það
er svo skrýtið að hafa þetta saman,“
bætir hún við, sér í lagi þar sem það
geti ruglað fólk í ríminu að þurfa að
vera með bæði íslenska og enska mál-
fræði á takteinum á sama prófdeg-
inum.
Misjafnar áherslur eftir skólum
Talið berst að þeirri umræðu sem
reglulega skýtur upp kollinum, þar
sem samræmdu prófin eru gagnrýnd
fyrir að vera of erfið. „Það er mis-
munandi eftir skólum hvað fólk hefur
lært,“ segir Bryndís. „Okkar skóli
leggur kannski meiri áherslu á eitt-
hvað en annar skóli.“ Björt tekur
undir það og segist hafa verið að læra
fyrir prófin með vinkonu sinni úr öðr-
um skóla. „Þar voru kennararnir með
gátlista með allt öðrum atriðum en
þeim sem við höfðum farið yfir hér.“
Eitt dæmi sé að allir í Laugalæk lesi
Gísla sögu Súrssonar, en að í einu æf-
ingaprófinu hafi bara verið spurt úr
Grettissögu.
Þá gagnrýna þær það að prófin
virðist stundum sett upp til þess að
reyna að hanka nemendur, til dæmis
með „gömlu máli“ eða spurningum
þar sem tvö svör eru mjög lík, en ann-
að þeirra er örlítið réttara en hitt. Þá
sé tilfinningin sú að verið sé að prófa
úr því hvað sá sem samdi prófið vill
heyra. „Og ef við vitum það ekki, þá
getur þetta orðið fullerfitt,“ segir Sal-
óme.
-Og í hvaða fagi munuð þið standa
ykkur best? „Íslensku,“ segir Bryn-
dís áður en hún slær varnagla: „Eða
ensku.“ Björt og Salóme eru á svip-
uðum slóðum. Þær eru þó sammála
um að stærðfræðin verði erfiðust.
Það hefur því kannski ekki allt breyst
frá því að undirritaður tók sín sam-
ræmdu próf.
Stærðfræðin líklega strembnust
 Nemendur í 10. bekk þreyta í dag samræmd próf í íslensku og ensku  Stressið ekkert meira en
fyrir venjuleg próf  Finnst að skipta mætti prófunum niður á þrjá daga í stað tveggja eins og nú
Morgunblaðið/Eggert
Samræmd próf Þær Björt Inga Vignisdóttir, Salóme Pálsdóttir og Bryndís Kristjánsdóttir eru í 10. bekk Lauga-
lækjarskóla og þreyta samræmt próf í dag og á föstudaginn. Þetta er í síðasta sinn sem 10. bekkur þreytir slíkt próf.
Að þessu sinni eru samræmdu
prófin lögð fyrir með rafrænum
hætti. Stúlkurnar segjast ekki
hafa tekið þannig próf áður svo
neinu nemi. „Við höfum séð æf-
ingapróf, hvernig dæmin eru
upp sett og þannig,“ segir Bryn-
dís. Salóme bætir við að sér
finnist rafræna prófið mun
óþægilegra en á pappír, en það
venjist. „Á blaðinu er þetta
meira fyrir framan þig, en dæm-
in í tölvunni eru bara einhvern
veginn þar og maður þarf að
geyma meira í hausnum.“
Stúlkurnar taka fram að þær
séu ekki mótfallnar rafrænum
prófum, en það þurfi æfingu í
öllu. Yngri bekkjum, sem séu
vanari því að gera hlutina raf-
rænt, muni því líklega ekki finn-
ast þetta neitt mál.
Óþægilegt
en það venst
RAFRÆNT PRÓF
Sveinn Teitsson, fyrr-
um knattspyrnukappi
og málarameistari, lést
síðastliðinn sunnudag,
86 ára að aldri.
Sveinn var fæddur 1.
mars 1931 á Akranesi
en hafði búið í Reykja-
vík um árabil. Börn
hans voru þrjú; Halla,
sem er látin, Árni og
Unnur.
Sveinn Teitsson var
meðal bestu knatt-
spyrnumanna á Akra-
nesi um árabil. Hann
var leikmaður ÍA á árunum 1949-
1964 og einn besti leikmaður gull-
aldarliðsins svonefnda. Hann er sá
síðasti sem kveður af þeim leik-
mönnum sem urðu Íslandsmeistarar
1951, sem var fyrsti titill Skaga-
manna af mörgum. Nýlega eru látnir
þeir Ríkharður Jónsson og Guðjón
Finnbogason.
Sveinn lék196 leiki
fyrir ÍA og var Ís-
landsmeistari 1951,
1953, 1954, 1957, 1958
og 1960. Þá lék hann 23
landsleiki á árunum
1953-1964 og skoraði
tvö mörk í þessum
leikjum, m.a eft-
irminnilegt mark í
jafnteflisleik gegn
Dönum í Kaupmanna-
höfn 1959. Hann var
fyrirliði landsliðsins í
fjórum leikjum.
Árið 1958 var Sveinn
valinn knattspyrnumaður ársins.
„Sveinn var eftirminnileg per-
sóna, enda stutt í glens og spaugileg
atvik hjá honum. Hann var fasta-
gestur á leikjum ÍA fram á síðustu
ár og mikill áhugamaður um fram-
gang knattspyrnunnar,“ segir m.a. í
frétt á heimasíðu Knattspyrnufélags
ÍA.
Andlát
Sveinn Teitsson