Morgunblaðið - 08.03.2017, Síða 29

DÆGRADVÖL 29
MORGUNBLAÐIÐ MIÐVIKUDAGUR 8. MARS 2017
Stjörnuspá
21. mars - 19. apríl 
Hrútur Taktu frá hálftíma í dag og reyndu
að bæta skipulagið heima fyrir og í vinnunni.
20. apríl - 20. maí 
Naut Þú gætir rekist á gamla kunningja og
skólafélaga og það mun hugsanlega opna
þér ný tækifæri. Ný manneskja reynir að
tæla þig. En bíddu, þessi manneskja er vel
þess virði.
21. maí - 20. júní 
Tvíburar Það er ekkert gaman að keppa við
einhvern sem maður getur unnið auðveld-
lega – nema þú sért hrekkjusvín og það ertu
alls ekki. Gróðinn kann að vera þar sem síst
skyldi.
21. júní - 22. júlí 
Krabbi Efndir verða að fylgja orðum, því
annars situr þú uppi með það orðspor að
ekkert sé á þig treystandi.
23. júlí - 22. ágúst 
Ljón Ekki þarf allt að hafa tvöfalda merk-
ingu, fjöldi merkinga er nær lagi. Haltu þig
við áætlanir þínar og fáðu alla þá í lið með
þér sem þú mögulega getur.
23. ágúst - 22. sept. 
Meyja Þú vilt tjá þínar innstu hugrenningar
um tiltekið efni við einhvern nákominn í dag.
Ef þú hugsar um að gera eitthvað skaltu
framkvæma það þegar í stað.
23. sept. - 22. okt. 
Vog Óvæntar uppákomur á vinnustað koma
þér úr jafnvægi. Hann fær innsýn í slíkan
heim í dagdraumum sínum, í hugleiðslu eða
í einni af sínum margvíslegu ímyndunum.
23. okt. - 21. nóv.
Sporðdreki Það þarf mikið til þess að líta
framhjá göllum annarra og leyfa þeim að
hafa sitt fram. Ert það kannski þú? Vertu op-
inn fyrir breytingunum, þær eru til batnaðar.
22. nóv. - 21. des.

Bogmaður Settu þig í samband við systkini
þín eða aðra ættingja og segðu þeim hve
miklu máli þau skipta þig. Að vera í hópi
fólks gefur þér svima.
22. des. - 19. janúar 
Steingeit Þér finnst aðrir halda aftur af þér
en ef til vill átt þú sök á því. Ekki aðeins
veistu nákvæmlega hvað þú vilt heldur
veistu líka hvernig þú átt að fá því fram-
gengt.
20. jan. - 18. febr. 
Vatnsberi Það getur verið varasamt að
hlaupa upp til handa og fóta af minnsta til-
efni. Getur þú dregið draumórana niður úr
skýjunum og komið þeim á blað?
19. feb. - 20. mars

Fiskar Ekki eru allir viðhlæjendur vinir en
það er samt ekki ástæða til þess að vera
með hundshaus við hvern þann sem við þig
talar. Leyfðu hlutunum að gerjast og taktu
svo málið skipulega fyrir.
Víkverji uggði ekki að sér semhann sat í bíl sínum á leið til
vinnu einn morguninn og hlustaði á
fréttayfirlit. Ein fréttin snerist um
að bíll hefði skemmst þegar grýlu-
kerti féllu á hann. Gall þá við í einum
útvarpsmanninum að bíllinn hefði
verið tjónaður. Víkverji verður að
viðurkenna að hann hefur áður heyrt
talað um tjónaða hluti og jafnvel að
eitthvað hafi tjónast og hefur pata af
því að þetta orðfæri tíðkist á göngum
tryggingafélaga. Lék honum forvitni
á að vita hvort það ætti einnig við um
orðabækur og fann í hillu afskipt
eintak af Íslenskri orðabók.
x x x
Skemmst er frá að segja að á síðu1594 í orðabókinni blasti við
honum orðið tjónaður og hugsaði
Víkverji með sér að enn einu sinni
hefði hann verið kveðinn í kútinn.
Svo fór hann að skoða málið betur og
sá að fyrir aftan orðið var kross, sem
merkir að það sé úrelt í málinu. Svo
kom merkingin. Tjónaður þýðir tén-
aður, aðstoð. Og hvað þýðir ténaður?
Það kom í ljós á síðu 1.580: hjálp, að-
stoð eða greiði. Bíllinn í fréttinni var
því síður en svo tjónaður, honum var
í það minnsta engin hjálp í að fá í sig
grýlukertið.
x x x
Víkverji áttaði sig á því þegar hannfletti upp orðinu tjónaður að
hann gerir allt of lítið af því að lesa
orðabækur og um leið að í málinu er
urmull orða sem allt of sjaldan eru
notuð. Víkverji hafði til dæmis ekki
hugmynd um að slangurhestur væri
hestur í óskilum. Ekki vissi hann
heldur að slanni væri notað um
skussa og mannleysur, eða að perta
þýddi hryssa eða afundin kona,
ponni smástrákur eða ponsa smá-
stelpa.
x x x
Víkverji ætti þó kannski að varastað ganga of langt í að leita nýrra
orða í orðabókina til að flíka við
tækifæri. Orðin eru til lítils gagns ef
enginn skilur. Eitt orð fann hann þó
sem gæti verið freistandi að nota við
tækifæri. Það er sneiðafantur og
mun vera notað um þann sem lætur
meira á diskinn en hann fær torgað.
vikverji@mbl.is
Víkverji
Sérhver ritning er innblásin af Guði
og nytsöm til fræðslu, umvöndunar,
leiðréttingar og menntunar í réttlæti
(II Tím. 3:16)
Við höfum gaman af því margirsem yrkjum okkur til skemmt-
unar að færa matseðla í rím og
stuðla. Í Víkverja á föstudaginn var
sagt frá matarhátíðinni Food & Fun
sem þá stóð yfir í Reykjavík og
Garðabæ – en sælkerar „geta verið
vissir um að verða ekki fyrir von-
brigðum“ stendur þar. Hér leikur
Ólafur Stefánsson sér að matseðl-
inum:
Matseðill frá Food and Fun,
færir okkur drjúga spönn,
– já, langt um lífsins vegi.
Margra grasa gætir þar,
girndarmatur allsstaðar.
Hlusta hvað ég segi:
Ostasufl og ígulker,
ashiote og með því smér,
gælir þér við góma.
Carpaccio kannast við,
kokksins það er extra svið,
(í sósuna setur rjóma).
Banana foster bökusnúð,
borinn fram með sykurhúð,
sýnist ljúft í lokin.
Valhnetur og vatnsdeigskrem,
og vínaigrett’ mér eta tem,
– þá fara að fyllast kokin.
Á mánudag heilsaði Páll Imsland
þótt ei væri komin hlákan og sagði
fregnir af síðasta leiðangri sínum:
Ég sigldi um sæinn til Spánar
og segi frá tilgangi nánar:
Hann aðeins var sá
að athugá og gá
hvort þar væru þrír skarðir mánar.
Hólmfríður Bjartmarsdóttir hef-
ur frá ýmsu að segja:
Þegar Friðrika fór að vinna
var fátt sem gladd ‘ana minna
því allt var þar eins
og ekki til neins
svo hún henti öllum verkum til hinna.
Bjarni Gunnlaugur Bjarnason
kunni sögulokin:
Hana langaði að lifa á bótum
en lítt kom frá stofnana þrjótum
Því allt var það eins
og ekki til neins
endalaus lýgi frá rótum.
Gripið niður í Hlimrek – bók Jó-
hanns S. Hannessonar:
Ef satt á að segja um okkur,
er sekur hver einasti flokkur
um strákslega hrekki,
enda stjórnmálin ekki
okkar sterkasta hlið, ef þá nokkur.
Það er barnafólk suður á Bökkum,
uppi á Brekku er allt fullt af krökkum,
en niðri á Eyri
er auðlegðin meiri
og ófrjóvgi tekið með þökkum.
Halldór Blöndal
halldorblondal@simnet.is
Vísnahorn
Food & Fun, siglingar
og vinnusemi
Í klípu
„HANN VAR KATTLIÐUGUR INNBROTS-
ÞJÓFUR – OG ÞARF AÐ AFPLÁNA NÍU
SAMFELLDA LÍFSTÍÐARDÓMA.“
eftir Mike Baldwin eftir Jim Unger
„HVAÐ VILTU MIKIÐ
FYRIR ÞESSA BRÚNU?“
Hermann
Ferdinand
Hrólfur hræðilegi
Grettir
... að velta því fyrir
þér hvers vegna hann
elskar þig eins og
hann gerir.
VEISTU HVAÐ
ÉG HELD? GEISP!
JÁ
ÁRALÖNG VÍKINGASTRÍÐ HAFA
GERT MIG STIRÐAN Í HNJÁNUM
ÞAÐ ER
HÁRRÉTT
HJÁ ÞÉR!
EN ÉG BÝST VIÐ AÐ
MÖRG STÖRF VALDI
STIRÐUM LIÐUM!
HVAÐ
GERIR
ÞÚ?
STJÖRNUFRÆÐINGUR!