Morgunblaðið - 27.05.2017, Qupperneq 17

FRÉTTIR 17Innlent
MORGUNBLAÐIÐ LAUGARDAGUR 27. MAÍ 2017
Hlíðarsmára 6,
201 Kópavogi
Sími 564 6464
fasthof.is
Austurströnd 10
- Verð aðeins 125 þúsund á fermeter
Gott 335,9 fm atvinnuhúsnæði, skiptist í 165,3 fm
iðnaðar- eða verslunarhúsnæði á jarðhæð og 170,6
fm vörugeymslu í kjallara. Efri hæðin skiptist í
verslunarsal, herbergi með vaski, flísalagða snyrtingu
og bakrými þar sem er kaffistofa með innréttingu.
Úr bakrýminu er steyptur stigi niður í kjallara og í
verslunarsalnum er op fyrir hringstiga í kjallara.
Neðri hæðin er tvískipt, annars vegar undir
verslunarsalnum og svo undir bakrýminu.
Húsnæðið er laust til afhendingar.
Verð aðeins 42 milljónir.
Upplýsingar veitir Guðmundur í síma 899 9600.
Guðni Einarsson
gudni@mbl.is
„Pílagrímaganga er ganga á áfanga-
stað eins og aðrar göngur. Auk þess
er hún ganga inn á við og ganga með
sjálfum sér,“ sagði séra Halldór
Reynisson, starfandi rektor í Skál-
holti. Á morgun verður genginn
fyrsti áfangi pílagrímagöngu frá
Strandarkirkju heim í Skálholt.
Gengið verður frá Strandarkirkju að
Þorlákskirkju í Þorlákshöfn. Leiðin
er um 18 kílómetrar og liggur með
sjónum. Áfangar göngunnar eru
fimm og verður Halldór fararstjóri,
ásamt öðrum, í fjórum áföngum.
„Gangan hefst með helgistund í
kirkjunni hvaðan haldið er af stað. Á
leiðinni stöldrum við nokkrum sinn-
um við og þar verða stuttar íhuganir.
Hluti leiðarinnar verður genginn í
þögn. Hugsunin er sú að hver gangi
þann kafla með sjálfum sér, annars
ganga allir saman sem samfélag,“
sagði Halldór.
Þegar göngunni allri lýkur á Skál-
holtshátíð síðar í sumar fara píla-
grímarnir úr skónum fyrir utan
kirkjuna og ganga berfættir inn
kirkjugólfið.
Pílagrímar biðja með fótunum
Halldór er nýkominn úr píla-
grímagöngu á Spáni ásamt séra Sig-
urði Árna Þórðarsyni. Þeir gengu frá
borginni Astorga til Santiago de
Compostela. Leiðin er um 270 km og
er hún síðasti þriðjungurinn af einni
þekktustu pílagrímaleið í Evrópu,
frá St.-Jean-Pied-de-Port í Frakk-
landi til Santiago de Compostela á
Spáni. Þeir gengu leiðina á hálfum
mánuði.
„Pílagrímaganga er ákveðin að-
ferð til að iðka trú og andlegt líf. Hún
er öðru vísi en að sitja í kirkju eða
samkomuhúsi. Oft er sagt um píla-
gríma að þeir biðji með fótunum,“
sagði Halldór.
Hann sagði að hefð væri fyrir píla-
grímagöngum hér á landi frá miðöld-
um. „Skálholt var helsti pílagríma-
staður Íslendinga á miðöldum.
Íslenskir pílagrímar gengu líka suð-
ur til Róms eins og sagt var þá um að
fara til Rómar, til Santiago á Spáni
og jafnvel alla leið til Jórsala (Jerú-
salem). Þess sjást merki í okkar
fornbókmenntum. Guðrún Þorbjarn-
ardóttir fór til Rómar. Auður Vé-
steinsdóttir, kona Gísla Súrssonar,
fór einnig suður til Rómar ásamt
Gunnhildi mágkonu sinni, ekkju Vé-
steins Vésteinssonar. Þær komu
aldrei til baka,“ sagði Halldór.
„Helstu óvinirnir í Njálssögu, þeir
Kári Sölmundarson og Flosi Þórð-
arson, gengu báðir iðrunargöngu til
Rómar. Pílagrímaganga kallast því
aldeilis á við okkar fornu íslensku
menningu.“
Þátttakendur fá leiðsögn
Hægt er að velja að ganga staka
leggi pílagrímagöngunnar frá
Strandarkirkju til Skálholts. Þátt-
takendur í pílagrímagöngunni mæta
á eigin bílum á áfangastað hvers
leggjar. Þaðan er þeim ekið í rútu á
upphafsstað göngunnar.
Heimamenn koma á fund píla-
grímanna á gönguleiðinni og segja
frá því sem fyrir augu ber og segja
sögur af svæðinu.
Skipuleggjendur pílagrímagöng-
unnar frá Strandarkirkju heim í
Skálholt eru Ferðafélag Íslands,
Suðurprófastsdæmi og undirbún-
ingsnefnd sveitarfélaga á svæðinu.
Ferðafélagið annast skráningu í
ferðirnar. Gangan er með síðu á
Facebook sem heitir Pílagrímaleið.
Einnig eru nánari upplýsingar á vef-
síðunum skalholt.is, pilagrimagong-
ur.is og pilagrimar.is.
Pílagrímarnir biðja með fótunum
 Fyrsti áfangi pílagrímagöngu frá Strandarkirkju heim í Skálholt genginn á morgun  Leiðin verður
gengin í fimm áföngum  Pílagrímagöngur tíðkuðust hér á miðöldum  Andlegt og líkamlegt ferðalag
Ljósmynd/Halldór Reynisson
Pílagrímar Heimamenn hitta pílagrímana og segja frá því sem fyrir augun ber. Myndin var tekin í fyrra.
Áfangar pílagrímagöngunnar
2017 frá Strandarkirkju heim að
Skálholti eru:
28. maí Strandarkirkja – Þor-
lákskirkja í Þorlákshöfn, 18 km.
11. júní Þorlákskirkja – Eyrar-
bakkakirkja, 19 km.
25. júní Eyrarbakkakirkja –
Hraungerðiskirkja í Flóa, 24 km.
9. júlí Hraungerðiskirkja í Flóa –
Ólafsvallakirkja á Skeiðum, 15
km.
25. júlí Ólafsvallakirkja á Skeið-
um – Skálholtsdómkirkja, 17
km.
Fimm
áfangar
PÍLAGRÍMAGANGAN