Freyr - 01.09.2006, Blaðsíða 20

Hætti mjólkurframleiðslu og
breytti fjósinu í geymslu fyrir
tjaldvagna og fellihýsi
Á bænum Hlöðutúni í Stafholts-
tungum í Borgarfirði búa hjónin
Sæunn Elfa Sverrisdóttir og
Brynjólfur Guðmundsson ásamt
fjórum börnum sínum. Fyrir rúmu
ári tóku þau ákvörðun um að hætta
kúabúskap, seldu bústofninn,
greiðslumark og tæki og breyttu
fjósinu í geymslu fyrir tjaldvagna
og fellihýsi. Mörgum hefur eflaust
brugðið í brún því fjósið í Hlöðutúni
var ekki nema fimm ára gamalt og
vel tækjum búið.
„Það var ekki einföld ákvörðun að hætta
kúabúskapnum. Aðalástæðan var sú að
skuldsetningin var orðin helst til mikil til
að búið skilaði ásættanlegri afkomu eftir
uppbyggingu. Faðir minn og afi bjuggu
báðir á þessari jörð svo hér hafa kynslóð-
irnar alist upp við bústörfin. Við tókum
fjósið í notkun í febrúar árið 2000 og vor-
um með mjólkurframleiðslu í því í fimm
ár. Kvótaverð hækkaði um tæpar 100
krónur á lítrann á meðan við byggðum og
enn frekari hækkun sem kom í kjölfarið
gerði okkur kleift að hætta og losa um
skuldirnar. Við veltum því fyrir okkur hvað
væri hægt að gera við húsin eftir að við
hættum með kýrnar því eitthvað verður
að nota húsin því það kostar sitt að eiga
þau. Okkur fannst þrír möguleikar vera í
stöðunni. ( fyrsta lagi að breyta þessu í
geymslu fyrir tjaldvagna og fellihýsi, í öðru
lagi að breyta húsinu i hesthús og leigja út
aðstöðu þar eða í þriðja lagi að breyta því
í gistirými. Sá síðasti hefði orðið mjög dýr
svo það var ráðist I fyrsta kostinn."
Geymslureksturinn er langt því frá svo
umfangsmikill að hægt sé að lifa af
honum einum og sér, segir Brynjólfur.
Brynjólfur Guðmundsson, bóndi í Hlöðutúni,
stendur í miðri geymslunni. Verið er að
útbúa milliloft en gömul bílalyfta sér um að
koma tjaldvögnunum upp á skörina.
Hann sinnir ýmsum störfum og ekki kvart-
ar hann undan verkefnaleysi þó kýrnar
séu farnar. Auk þess að reka geymsluna
starfar Brynjólfur við skólaakstur, viðhald
á hitaveitunni og leðurviðgerðir. Einnig
sér hann um tæki ræktunarsambandsins
og þjónustar sumarbústaðabyggðirnar I
kring. Hlöðutún á hlut I Norðuránni en
að sögn Brynjólfs falla alltaf einhver störf
í kringum veiðifélagið. Sæunn Elfa starfar
utan búsins og er I fullu starfi við grunn-
skólann á Varmalandi.
BREYTINGAR Á FJÓSINU
Breyta þurfti fjósinu að hluta til þess að geta
hýst tjaldvagna og fellihýsi. Byrjað var á að
rífa allt út sem tengdist kúnum og síðan voru
húsin þvegin hátt og lágt. Haughúsið var
tekið undir geymslu og þar þurfti að beita
róttækum aðgerðum í þrifum. „Ég þreif hús-
in vel með 200 bara dælu með hitaelementi
sem gaf um 70-80 gráðna heitt vatn. Þetta
var heilmikið verk en eftir spúlið setti ég
ensím á veggina til þess að losna við lyktina.
Efnið heitir Odorite og fæst hjá fyrirtækinu
Kemi. Þetta gekk vel fyrir sig og lyktin hvarf
furðufljótt. Eftir að rakinn var farinn málaði
ég kjallarann og gólfbitana í Ijósum lit. Ég
leigði mér málningarsprautu og síðan var allt
sett í gang. Ætli það hafi ekki farið um 230
lítrar af málningu á þetta í heildina."
Einnig sagaði Brynjólfur stórt hurðagat á
kjallarann þar sem nú er vönduð hurð. Þá
Fjósið í Hlöðutúni var tekið í notkun árið 2000 og breytt í tjaldvagnageymslu árið 2005.
20
FREYR 09 2006