Víkurfréttir - 15.12.2016, Blaðsíða 32
32 fimmtudagur 15. desember 2016VÍKURFRÉTTIR
Eyþór Sæmundsson
eythor@vf.is
„Við höfðum áhuga á gömlu og
vildum jafnvel gera upp. Ég kíkti á hús
hjá einni sem var að gera upp gamalt
bárujárnshús, en eftir þá heimsókn
sagði ég við Bjarna að það yrði að
vera gamalt/nýtt, þetta er svo rosaleg
vinna,“ segir Særún og hlær. Þannig
geti verið erfitt að móta gömul hús
eftir sínu höfði og gera rýmin eins og
hentar. Skipulagið getur verið þannig í
svona gömlum, litlum húsum að erfitt
er að aðlaga þau að nútíma kröfum að
hennar mati.
„Við vorum búin að frétta af þessari
lóð sem hann Gummi Hjalta átti. Það
var annar aðili sem sýndi þessu áhuga
og ætlaði að setja bjálkahús á lóðina en
það fékkst ekki samþykkt vegna þess
að það féll ekki inn í umhverfið. Þann-
ig að við ákváðum að kýla á þetta,“
segir Bjarni. Þau minnast þess bæði að
svona gömul hús og gamli bærinn hafi
ekki verið mjög vinsæl á þessum tíma,
en þau keyptu lóðina árið 1998. Þó var
þá að hefjast mikil uppbygging í gamla
bænum og nýbúið að taka göturnar
þar í gegn.
Tekið alla leið
Þau ákváðu að byggja frekar stórt hús
en fyrst um sinn bjuggu þau í rúm-
góðum bílskúr sem þau reistu á lóð-
inni. „Við ákváðum að taka þetta bara
alla leið. Við byggðum skúrinn fyrst
á meðan við vorum að manna okkur
upp í verkefnið sem lá fyrir,“ segir
Bjarni og skellir upp úr. „Það tók ekk-
ert á að búa í skúrnum. Mér fannst
það mjög fínt,“ segir Særún. „Ég verð
þó að segja að hún var orðin svolítið
þreytt þarna síðasta árið og var farin
að ýta á að klára húsið,“ bætir Bjarnir
við og hlær. „Ég fór til mömmu í rúm
fjögur ár að þvo þvottinn en það var
ekki fyrr en síðasta árið í skúrnum
að við vorum með þvottahúsið klárt,“
segir Særún. Þau voru tvö í kotinu á
meðan þau bjuggu í skúrnum en nú
eru þau fjögur sem búa í húsinu.
Þau kunna ákaflega vel við sig í gamla
bænum og vilja helst hvergi annars
staðar vera. „Umhverfið er svo flott
og það er stutt niður í bæ. Það er góð-
ur andi í hverfinu og hér eru góðir
nágrannar. Næðið er mjög mikið og
það er varla að maður finni fyrir því
þegar haldin er Ljósanótt,“ segir Sæ-
rún en hátíðarsvæðið er rétt hundrað
metrum frá húsinu.
„Amma mín átti alltaf heima á Valla-
götunni þar sem núna er Bernhard
gistihús og fjölskylda mín er alin þar
upp,“ segir Særún sem þannig teng-
ist gamla bænum sterkum böndum.
Bæði eru þau uppalin í Keflavík og
muna vel eftir lífinu í gamla bænum
sem krakkar.
Frá því að byrjað var að byggja húsið
þá tók það tvö og hálft ár að rísa. Þau
ákváðu að flytja ekki inn fyrr en allt
væri gjörsamlega klárt. Öll gólfefni
og allir listar þurftu að vera á sínum
stað, ekkert hálkák með það. Búið var
að græja lóðina áður en þau fluttu
inn en þeir hjá Nesprýði sáu um að
bjarga því. Lóðin var þétt setin síðasta
sumar þegar Jón Jónsson tróð þar upp
á heimatónleikum á Ljósanótt. Þeir
tónleikar þóttu einkar vel heppnaðir
og stefna þau Bjarni og Særún á að
vera með á næsta ári líka.
„Mér finnst æðislegt að vera hérna
og stutt í allt. Það yrði erfitt að fara.
Hvaða hús myndi mig langa í ann-
ars? Reyndar hefur mig alltaf langað
í gamla bókasafnshúsið á Mánagötu,“
viðurkennir hún en það hús er mjög
virðulegt og flott.
Á meðan á framkvæmdum stóð þá
breyttist margt eins og gengur og
gerist og margar hugmyndir skjóta
upp kollinum. Á tímabili söfnuðu þau
meðal annars pottofnum sem áttu að
prýða húsið. Horfið var frá þeirri hug-
mynd og ákveðið að setja hita í gólfin.
Til stóð að hafa veggina klædda með
fulningum en að lokum var ákveðið
að klæða með gifsi. Það eru ekki hvaða
húsgögn sem er sem sæma sér í svona
húsi, vanda þarf valið enda pæla þau
mikið í því hvort hlutirnir passi inn í
heildarmyndina. „Mér finnst gaman
að blanda saman gömlu og nýju - bara
það sem okkur finnst flott,“ segir Sæ-
rún en þau eru ekki að sækjast í neinn
sérstakan stíl.
Þau fengu einu sinni bakþanka þegar
sökkullinn af húsinu var kominn og
ferlið farið af stað, enda ærið verkefni
að ráðast í að byggja svona hús. Særún
segist vera mjög fegin í dag að þau
hafi haldið þessu til streitu enda vilji
þau hvergi annars staðar vera og gott
að vera í húsi þar sem allt er úthugsað
af þeim sjálfum. Eftir alla þessa vinnu
var rosalega góð tilfinning að sofa
fyrstu nóttina í nýja húsinu. Það var
mikill léttir og hálfgerð sigurtilfinning
að sögn þeirra Bjarna og Særúnar.
Þau Bjarni Stefánsson og Særún Guðjónsdóttir búa í glæsilegu húsi við Íshússtíg í gamla bænum í
Keflavík. Húsið er gamalt nýtt en það var byggt á árunum 2003 til 2006. Á meðan húsið var í byggingu
þá bjuggu skötuhjúin í bílskúr á lóðinni. Nú hafa synirnir Patrekur og Sindri bæst í hópinn og unir fjöl-
skyldan sér vel í einkar notalegu húsi þar sem hvert smáatriði er úthugsað.
NÝTT GAMALT
GLÆSIHÚS
Á ÍSHÚSSTÍG
Stærð húss: 160 m2 og 50 m2 bílskúr.
HEIMA HJÁ SUÐURNESJAFÓLKI: Víkurfréttamyndir: Hilmar Bragi Bárðarson