Víkurfréttir - 15.12.2016, Blaðsíða 54

54 fimmtudagur 15. desember 2016VÍKURFRÉTTIR
Hildur Björk Pálsdóttir
hildur@vf.is
„Við fáum alls kyns fyrirspurnir til
okkar í gegnum samfélagsmiðla,
allt frá því að breyta bókunum yfir í
hvenær norðurljósin sjást á Íslandi.
Farþegarnir okkar eru líka virkir í að
skrifa skemmtilegar athugasemdir
við það markaðsefni sem Icelandair
birtir,“ segir Sigrún Ýr Hjörleifsdóttir,
en hún starfar í samfélagsmiðladeild
Icelandair, sem var stofnuð fyrr á
þessu ári.
Markaðs- og auglýsingaaðferðir hafa
tekið miklum breytingum á undan-
förnum árum og hafa mörg fyrirtæki
stofnað sérstakar samfélagsmiðla-
deildir. Þar starfar fólk við það að birta
efni og upplýsingar og svara fyrir-
spurnum fyrir hönd fyrirtækis síns á
samfélagsmiðlum eins og Facebook,
Twitter og Snapchat. Fyrsta samfélags-
miðladeildin hjá íslensku fyrirtæki
var stofnuð árið 2011 og hefur þeim
farið ört fjölgandi, enda kröfur við-
skiptavinanna að breytast og einnig
vettvangur markaðssetningar, þá sér-
staklega sem beint er að ungu fólki.
Sigrún Ýr er menntaður almanna-
tengill, en hún lauk BSc prófi í „Mass
Communications,“ sem þýða mætti
sem boðskipta- og fjölmiðlafræði, og
útskrifaðist hún af almannatengsla-
braut frá Florida International Uni-
versity í Miami. „Sem menntaður al-
mannatengill nýtist námið mér vel að
því leyti að ég lærði vel inn á alla sam-
félagsmiðla, hvaða áhrif þeir geta haft.
Ég svara fyrir hönd fyrirtækisins um
leið og ég passa upp á ímynd þess. Ég
starfaði einnig sem umsjónarmaður
í farþegaafgreiðslu Icelandair hjá IGS
og fyrri reynsla á flugvellinum kemur
sér mjög vel í þessu starfi,“ segir Sig-
rún Ýr.
Aðspurð um helstu verkefni starfs-
manna samfélagsmiðladeildarinnar
segir hún þau vera að fylgjast með
öllum samfélagsmiðlum Icelandair,
sem eru Facebook, Twitter, Instagram,
YouTube og LinkedIn og svara fyrir-
spurnum sem berast þeim frá öllum
heimshornum. „Einnig fylgjum við
eftir því markaðsefni sem Icelandair
sendir frá sér á samfélagsmiðlum
samhliða því að vaka yfir ímynd
vörumerkisins. Við erum átta manns
í deildinni, en hún tilheyrir Service
Center Icelandair sem er undir Sölu-
og markaðsviði og vinnum við í nánu
samstarfi við flest öll svið fyrirtækis-
ins.“
Farþegar Icelandair leita mjög mikið
til fyrirtækisins í gegnum samfélags-
miðla og fer sá hópur ört stækkandi
að sögn Sigrúnar. „Flestir eru bein-
tengdir við þessa miðla á snjallsímum
sínum og því auðvelt að hafa samband
við okkur í gegnum þá. Icelandair er
til staðar þar allan sólarhringinn að
þjónusta viðskiptavini sína.“ Spurð
út í kröfur viðskiptavina um svartíma
segir Sigrún Ýr að öllu jöfnu sé svar-
tími Icelandair innan þrjátíu mínútna.
„Einstök flóknari tilfelli taka lengri
tíma, þegar leita þarf til annarra deilda
fyrirtækisins. En með góðu samstarfi
milli deilda náum við að þjónusta far-
þegann eins og best verður á kosið.“
„Flestir eru beintengdir
við þessa miðla á
snjallsímum sínum“
VERÐA
NORÐURLJÓS
Í KVÖLD?
Sigrún Ýr Hjörleifsdóttir
starfar í samfélagsmiðladeild Icelandair
Sigrún Ýr á útskriftardaginn sinn í Miami í Bandaríkjunum.
Sigrún Ýr starfaði áður sem umsjónarmaður í Farþegaafgreiðslu IGS á Keflavíkurflugvelli og segir reynsluna þaðan nýtast
vel í starfi sínu hjá Icelandair.