Víkurfréttir - 15.12.2016, Blaðsíða 48

48 fimmtudagur 15. desember 2016VÍKURFRÉTTIR
Gunnhi ldur Þórðar-dóttir, Douglas Arthur Place og synir þeirra fjórir eru mikil jóla-b ör n . D o u g l a s e r
frá Bretlandi og blanda þau saman
enskum og íslenskum jólahefðum.
Ein þeirra er að baka enska jólaköku.
Gunnhildur reynir alltaf að vera búin
að baka kökuna fyrir 1. desember.
,,Kökuna ,,vökva” ég svo nokkrum
sinnum í viku með sjerrí, brandí eða
einhverju álíka víni. Enska jólakakan
er góð bæði nýbökuð eða vökvuð í
fjórar vikur,” segir hún. Enska jóla-
kakan er stútfull af góðum þurrkuðum
ávöxtum, dökku súkkulaði, hnetum
og kryddi. Þegar Gunnhildur er orðin
ánægð með kökuna eftir vökvunina
rúllar hún þunnum möndlumassa
ofan á og gerir hvítan hjúp yfir og
skreytir með jólaskrauti sem tengda-
móðir hennar gaf henni og hefur
verið lengi í fjölskyldunni; hreindýri,
jólasveini, jólakveðju og silfurborða.
Ensku kökuna hefur Gunnhildur
bakað í mörg ár og hlakkar alltaf jafn
mikið til, bæði að búa hana til og að
borða. Að auki baka þau fjölskyldan
hefðbundnar íslenskar smákökur
eins og piparkökur, vanilluhringi og
hnetusmjörskökur.
Taka jólapeysu-mynd
Jólaskreytingarnar á heimili fjöl-
skyldunnar eru að íslenskum sið með
ljósum og öllu tilheyrandi. Gunn-
hildur segir meira gert úr skreytingum
á Íslandi en í Bretlandi. ,,Aðventuljós
eru vinsæl í Bretlandi, líkt og hér en
ekki er endilega skreytt, heldur meira
um jólaljós en stundum ein og ein
sería.” Sá siður að öll fjölskyldan klæði
sig í jólapeysur er vinsæll í Bretlandi
og taka þau fjölskyldan oft af sér mynd
í peysunum og senda svo vinum og
ættingjum myndina á jólakorti.
Kalkúnn á jóladag
Allir í fjölskyldunni eru hrifnir af
hangikjöti og öllu sem því tilheyrir
og því er það alltaf á hátíðarborðinu
á aðfangadagskvöld. Á jóladag er
svo yfirleitt kalkúnn á boðstólum en
það er ekta breskur jólamatur. ,,Ég
undirbý kalkúninn alltaf eftir ráðum
Nigellu Lawson en hún er alveg frá-
bær kokkur. Uppáhalds bókin mín
er „How to be a domestic goddess“
sem tengdamamma gaf mér.” Þá útbýr
Gunnhildur alltaf svokallað ,,trifle”
sem er gamall og sígildur lagskiptur
eftirréttur. Í rétti Gunnhildar er hlaup,
mandarínur, perur, súkkulaði, rjómi,
makkarónukökur og fleira. Réttinn
ber hún alltaf fram í hárri, glærri skál
svo að lögin sjáist.
Hátíðleg ensk messa
í Hallgrímskirkju
Á aðfangadag fara Gunnhildur og Do-
uglas alltaf með synina í barnamessu í
Keflavíkurkirkju. Oftast fara þau líka
í ensku messuna í Hallgrímskirkju og
segir Gunnhildur hana alltaf vera há-
tíðlega og fallega. Jólatréð skreyta þau
yfirleitt 16. desember en þá á Douglas
afmæli. ,,Mér finnst of seint að skreyta
tréð á Þorláksmessu eins og gert var á
mínu æskuheimili.” Helsta markmiðið
hjá fjölskyldunni um jólin er þó alltaf
umfram allt að njóta jólanna, slappa
af heima, njóta þess að leika með nýju
gjafirnar og fara saman í göngutúra.
VÖKVAR
ensku jólakökuna
REGLULEGA

●● Gunnhildur●Þórðardóttir●og●Douglas●Arthur●Place●eru●
með●bæði●enskar●og●íslenskar●jólahefðir●á●heimili●sínu
Óskum bæjarbúum gleðilegra
jóla með ósk um friðsæla
jólahátíð og farsælt komandi ár
Þökkum fyrir ánægjuleg
samskipti á árinu
sem er að líða.
Authorized
Service Contractor
Fálkavöllur 7 - 235 Keflavíkurflugvelli - Sími 420 0900 - www.express.is
Það er alltaf mikið fjör á jólunum. Helsta markmiðið hjá Gunnhildi, Douglas
og sonum er að njóta jólanna, slappa af heima, leika með nýju gjafirnar og fara
saman í göngutúra.
Enska jólakakan skreytt með jólaskrauti sem lengi hefur verið í tengdafjölskyldu
Gunnhildar.
,,Ég undirbý kalkúninn
alltaf eftir ráðum
Nigellu Lawson“
2016
Skafmiðaleikur Víkur
frétta
og verslana á Suðurne
sjum
2016
Skafmiðaleikur Víkur
frétta
og verslana á Suðurne
sjum
2016
Skafmiðaleikur Víkur
frétta
og verslana á Suðurne
sjum
2016
Skafmiðaleikur Víkur
frétta
og verslana á Suðurne
sjum
NÚ BORGAR SIG AÐ SKILA
Jólalukku miðum í Nettó því það verður dregið 21. og 24. des.
Fjölskyldan í jólaskapi í jólapeysum.