Morgunblaðið - Sunnudagur - 20.08.2017, Blaðsíða 15

20.8. 2017 MORGUNBLAÐIÐ SUNNUDAGUR 15
– Vonastu til þess eða finnst þér bara fínt að
vinna í Svíþjóð?
„Ég hef verið mjög ánægður hér í Svíþjóð
seinustu árin og fengið að gera mjög góða
hluti, en ég er alveg til í að gera eitthvað í öðr-
um löndum líka og taka þannig næsta skref, en
sjáum til hvað gerist.“
– Kvíðirðu fyrir frumsýningunni, hvernig
Svíar muni taka þér?
„Ég er ekkert sérstaklega kvíðinn. Ég er
auðvitað alltaf eitthvað kvíðinn fyrir hverja
frumsýningu en ég ekkert kvíðnari núna en
fyrir aðrar myndir,“ segir Sverrir sem gerir
sér þó grein fyrir að allir Svíar munu hafa álit
á því hvernig hann leikur hetjuna þeirra.
Þar sem Sverrir er íslenskur og talar
þessa fínu íslensku þrátt fyrir að hafa búið í
Svíþjóð mestallt sitt líf finnst blaðakonu
kominn tími til að hann leiki í íslenskri kvik-
mynd.
„Það er reyndar verið að ræða við íslenska
framleiðendur um það, en það er ekki alveg
komið á hreint. Ég er lengi búinn að vera að
reyna að koma og leika á Íslandi en mér hefur
bara tekist svo illa að láta það passa inn í plön-
in hjá mér. Það er mikið af góðum leikstjórum
og kvikmyndagerðarfólki á Íslandi. Þegar ég
tala við fólk hér í Svíþjóð og Noregi finnst
þeim Íslendingar mjög duglegir, þeir geri svo
margar og góðar myndir. Þá er auðvitað alltaf
talað um fólksfjölda, en það er satt að það
kemur alveg rosalega mikið gott efni frá Ís-
landi og ég vil endilega prófa að vinna þar,“
segir Sverrir Guðnason leikari sem við fáum
að sjá á hvíta tjaldinu með haustinu í topp-
formi með ljósa lokka.
Ljósmyndir/Julie Vrabelová
Shia Labeouf, leikstjórinn Janus Metz og Sverrir við upptökurnar. Hinir einu sönnu Björn Borg og John McEnroe á Wimbledon árið 1980.
’ Ég hef verið mjögánægður hér í Sví-þjóð seinustu árin ogfengið að gera mjög góða
hluti, en ég er alveg til í
að gera eitthvað í öðrum
löndum líka og taka
þannig næsta skref, en
sjáum til hvað gerist.