Morgunblaðið - 01.09.2017, Qupperneq 2

2 FRÉTTIRInnlent
MORGUNBLAÐIÐ FÖSTUDAGUR 1. SEPTEMBER 2017
KRINGLUNNI 2. HÆÐ - HAGKAUPSHÚSINU, SKEIFUNNI
SPÖNGINNI, GRAFARVOGI
SKÓLAGLERAUGU
Umgjörð og gler m
eð glampa,- rispu
og móðuvörn á að
eins:
14.900 kr.
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
„Þetta er alveg dásamlegt. Hver vill
ekki eignast Benz?“ sagði Ingveldur
Thorarensen, bókmenntafræðingur
úr Hafnarfirði, þegar hún tók hæst-
ánægð við spánnýrri Mercedez-
Benz B-250e-rafbifreið síðdegis í
gær. Ingveldur var dregin út í
áskrifendahappdrætti Morgunblaðs-
ins og Öskju í gær.
Ingveldur starfar á leikskólanum
Hvammi í Hafnarfirði, en það tók
hana stund að átta sig á fregnunum
sem Haraldur Johannessen, ritstjóri
Morgunblaðsins, færði henni í sím-
tali í gær.
„Ég kannaðist við númerið því ég
og börnin mín bárum blaðið út í
mörg ár. Því fannst mér ólíklegt að
einhver væri að gera at,“ sagði hún,
en hún hefur einnig verið áskrifandi
að Morgunblaðinu um árabil. „Svo
flutti pabbi minn í kjallarann hjá
okkur og bjó í fimmtán ár. Hann var
með áskrift þannig að við létum
hana duga. Þegar hann féll frá var
ekki séns að ég segði Mogganum
upp, ég vildi sko lesa minn Mogga!“
sagði Ingveldur og hló.
„Ég trúði varla mínum eigin eyr-
um og við á leikskólanum biðum í of-
væni eftir að þetta birtist á mbl.is,
ég vildi vera alveg viss. Nú eru allir
á leikskólanum búnir að heimta bíl-
túr!“ sagði hún.
Benz hátt skrifaður
Ingveldur kveðst mikill umhverf-
issinni og það eigi því vel við að
Benz-bifreiðin sé aldrifin rafmagni.
Hún segir að það hafi vel komið til
greina að festa kaup á rafmagns-
bifreið þegar hún myndi næst skipta
um bíl. Hún segist einnig mikill bíla-
áhugamaður og Mercedes Benz sé
hátt skrifaður í sínum huga.
Mercedes-Benz er í mikilli sókn í
rafbílavæðingunni. B-250e er fyrsta
bifreiðin sem fyrirtækið framleiðir
sem er algerlega knúin rafmagni.
Akstursdrægi hennar er rúmir 230
kílómetrar. jbe@mbl.is
Vann í happdrætti
Morgunblaðsins
 „Hver vill ekki eignast Benz?“  Bar blaðið út í tíu ár
Morgunblaðið/Hanna
Ánægð Ingveldur ásamt Haraldi Johannessen, ritstjóra Morgunblaðsins, og Jóni Trausta Ólafssyni, frkv.stj. Öskju.
Óvenjusólríkt var í Reykjavík í ný-
liðnum ágústmánuði, samkvæmt
bráðabirgðatölum Trausta Jóns-
sonar veðurfræðings.
Sólskinsstundirnar mældust um
216. Er það 61 stund umfram með-
allag áranna 1961 til 1990 og um 33
stundir umfram meðallag ágúst-
mánaða síðustu tíu ára. Þetta er sól-
ríkasti ágúst í Reykjavík síðan 2011.
Meðalhiti í Reykjavík er 10,9 stig,
0,6 stigum ofan meðallags áranna
1961 til 1990, en -0,5 undir meðallagi
síðustu tíu ára.
Mánuðurinn er í 53. sæti hita
ágústmánaða síðustu 147 ára og 14.
hlýjasta sæti á þessari öld.
Á Akureyri er meðalhitinn 9,9
stig, -0,1 stigi neðan meðallags ár-
anna 1961 til 1990, en -0,9 stigum
neðan meðallags síðustu tíu ára.
Þetta er kaldasti ágúst á Akureyri
síðan 2005 og er mánuðurinn í 72.
sæti á lista hita síðustu 136 ára á Ak-
ureyri.
Úrkoma í Reykjavík mældist 39,0
millimetrar, um tveir þriðju hlutar
meðalúrkomu. Ámóta þurrt var í
Reykjavík í ágúst í fyrra.
Á Akureyri mældist úrkoman 44,4
mm, sem er um þriðjungur umfram
meðalúrkomu, en úrkoma í ágúst í
fyrra var meiri en nú.
sisi@mbl.is
Morgunblaðið/Ófeigur
Sólardagur Nýliðinn mánuður var sólríkasti ágústmánuðurinn síðan 2011.
Ágúst sólríkur í Reykjavík
Jón Birgir Eiríksson
jbe@mbl.is
Ísfiskur hf. og HB Grandi hf. munu
leitast við að fylla í skörð starfs-
manna hvors fyrirtækis um sig með
starfsmönnum hins fyrirtækisins.
Fækki starfsmönnum Ísfisks t.d.
við flutninga fyrirtækisins á Akranes
er fyrirtækið þannig opið fyrir því að
starfsmenn HB Granda, sem vilja
síður fylgja síðarnefnda fyrirtækinu
til Reykjavíkur, fái umrædd störf og
öfugt.
Aðeins hluti starfsfólks flytur
Ísfiskur festi í gær kaup á vinnslu-
húsnæði HB Granda á Akranesi fyr-
ir um 340 milljónir króna og verður
öll starfsemi fyrirtækisins flutt
þangað. Í nærri ár hefur Ísfiskur
verið á Kársnesi í Kópavogi. Flytur
fyrirtækið vegna skipulagsbreytinga
á Kársnesi, en þar er gert ráð fyrir
aukinni íbúðarbyggð. HB Grandi
mun leigja aðra hæð hússins af Ís-
fiski undir starfsemi sína auk stórs
hluta frystigeymslu.
Albert Svavarsson, framkvæmda-
stjóri Ísfisks, segir fyrirtækin tvö
opin fyrir starfsmannaskiptum í
kringum flutningana.
„Við erum með fjörutíu manns í
vinnu í Kópavogi og vitum að ein-
hverjir vilja fara með okkur. Við vit-
um líka að einhverjir vilja það ekki.
Þar af leiðandi gerum við ráð fyrir að
við fáum ekki nema hluta af starfs-
fólkinu með okkur. Við vitum líka að
einhverjir á Akranesi, sem hafa verið
að fara til Reykjavíkur til vinnu með
rútu, hafa áhuga á því að skoða að
vera áfram á Akranesi,“ segir hann.
„Bæði fyrirtækin eru opin fyrir þess-
um möguleikum og það hefur verið
rætt. Þetta er samt auðvitað í hönd-
um starfsfólksins að taka ákvörðun,“
bætir Albert við, en nefnir að ekki
standi til að fjölga störfum.
Mildi áhrif flutninga HB Granda
Sævar Freyr Þráinsson, bæjar-
stjóri Akraness, segir áform um
starfsmannaskipti jákvæð fyrir
starfsfólkið.
„Þetta getur orðið til þess að
dempa áhrifin af því að HB Grandi
flytur bolfiskvinnslu sína til Reykja-
víkur. Þetta eru ánægjuleg tíðindi í
kjölfar erfiðra frétta sem við fengum
í vor,“ segir hann. Aðspurður segir
hann að enn eigi eftir að koma í ljós
hver áhrifin verði fyrir afleidda
starfsemi á Akranesi.
Sævar segir að á næstu árum
verði stefnt að því að laða fleiri fisk-
vinnslu- og útgerðarfyrirtæki til
bæjarins, en hugmyndir um nýja
hafnaraðstöðu eru nú í skipulags-
ferli.
Fyrirtækin opin fyrir
starfsmannaskiptum
 Ísfiskur kaupir vinnsluhúsnæði HB Granda á Akranesi
Morgunblaðið/Kristinn Magnússon
Selt Ísfiskur keypti hús HB Granda
á Akranesi á um 340 milljónir.
„Maður getur alveg byrjað að sjá fín
og falleg norðurljós um leið og það
verður dimmt um miðjan ágúst,“
segir Sævar Helgi Bragason
stjörnufræðingur í samtali við
Morgunblaðið. Hann segir útlit fyrir
ágætis norðurljósavetur hérlendis.
„Næstu mánuðir verða fínir norð-
urljósamánuðir ef sólin heldur áfram
að hegða sér eins og hún hefur gert
undanfarið,“ segir Sævar.
Fjöldi ferðamanna kemur hingað
með það að markmiði að sjá norður-
ljósin á næturhimninum og margir
leggja leið sína í skipulagðar norður-
ljósaferðir ferðaþjónustufyrirtækja.
Þó er allur gangur á því hvort ferða-
menn ná að sjá norðurljós í slíkum
ferðum, að sögn Sævars.
„Það fer svolítið eftir því hversu
vel fyrirtækin fylgjast með veðri og
norðurljósaútlitinu, en ég veit um
eitt fyrirtæki sem er með litla túra,
þeir fresta þeim í svona 50% tilvika
en þegar þeir fara sjá þeir norður-
ljósin í um það bil 90% tilvika.“
Útlit fyrir ágætis
norðurljósavetur
 Sæmilegasta virkni næstu mánuði
Morgunblaðið/Golli
Ljósadýrð Margir koma til Íslands
til að sjá ljósin dansa á himninum.