Morgunblaðið - 01.09.2017, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 1. SEPTEMBER 2017
föstud.og laugard.
dansiball
www.kringlukrain.is
Kringlukráin
Kringlunni 4-12
Sími 568 0878
www.kringlukrain.is
1. og 2. september
Líklegast þykir að strandveiðibátur-
inn Brekkunes ÍS hafi fengið á sig
straumhnút bakborðsmegin sem
varð til þess að honum hvolfdi 11.
maí 2016. Skipstjórinn, sem var einn
um borð, drukknaði. Talsverð ákoma
var á hliðarglugga á bakborðshlið
bátsins. Einnig hafði gúmmíbjörg-
unarbátur á þaki hans fengið á sig
högg og gengið til. Slysið varð um 18
sjómílur norðvestur af Straumnesi.
Rannsóknarnefnd sjóslysa
(RNSA) hefur gefið út lokaskýrslu
um slysið. Þar segir m.a. að nefndin
telji að aðstæður hafi verið vanmetn-
ar bæði hvað varðar sjólag og sigld-
an hraða. Ekki er vitað með vissu
hvað gerðist en „allir aðilar sem rætt
var við voru á einu máli um að að-
stæður á þessu svæði hafi verið
slæmar fyrir bát af þessari stærð og
höfðu því skipstjórar á öðrum bátum
valið að halda ekki á þessi mið“.
Brekkunes ÍS fór frá Súðavík rétt
fyrir klukkan fimm um morguninn.
Báturinn datt út úr vöktunarkerfi
Vaktstöðvar siglinga klukkan 8.10.
Tilraunir til hafa samband við bátinn
báru ekki árangur. Þá var hafin eft-
irgrennslan. Báturinn fannst á hvolfi
klukkan tíu og klukkan 10.55 fannst
skipstjórinn í sjónum. Hann var síð-
ar úrskurðaður látinn.
Gúmmíbjörgunarbáturinn losnaði
ekki frá bátnum eftir að honum
hvolfdi og ekki heldur þegar bátur-
inn var dreginn á hvolfi til Bolung-
arvíkur. RNSA telur óásættanlegt
að gúmmíbjörgunarbátar losni ekki
frá skipum ef þeim hvolfir. Í ljósi
fleiri tilvika af þessu tagi ítrekar
nefndin tillögu í öryggisátt sem send
var Samgöngustofu 20. febrúar 2017.
Þar segir m.a.: „Að þegar verði hafin
endurskoðun á reglum um losunar-
og sjósetningarbúnað um borð í ís-
lenskum skipum og heildarúttekt á
þeim búnaði sem er í notkun í dag.
Þar verði skoðað sérstaklega hvort
núverandi búnaður sé að skila björg-
unarförum á þann hátt sem til er ætl-
ast. Nefndin telur nauðsynlegt að
búnaðurinn sé þannig gerður að
gúmmíbjörgunarbátar losni frá skip-
um ef þeim hvolfir óháð stærð
þeirra.“ gudni@mbl.is
Vill láta endurskoða
reglur um sleppibúnað
Ljósmynd/RNSA
Sjóslys Brekkunes ÍS fannst á
hvolfi. Skipstjórinn drukknaði.
 Björgunarbát-
urinn losnaði ekki
Höskuldur Daði Magnússon
hdm@mbl.is
Skiptar skoðanir virðast vera um þá
ákvörðun Bjartar Ólafsdóttur, um-
hverfis- og auðlindaráðherra, að
auglýsa stöður allra forstjóra sem
undir ráðuneytið heyra. Í Morgun-
blaðinu í gær sagði Björt að þessi
ákvörðun væri tekin í anda gagnsæis
og opinnar stjórnsýslu.
Björn Bjarnason, fyrrum alþingis-
maður og ráðherra, ritaði pistil á
heimasíðu sína í gær þar sem hann
reifar málið og rifjaði upp að hafa
sjálfur kannað þennan möguleika
fyrir tveimur áratugum.
„Enn þann dag í dag eru í gildi
sömu lagaákvæði um þetta og voru
fyrir 20 árum þegar ég hreyfði því í
ríkisstjórn sem menntamálaráð-
herra hvort fara mætti þá leið sem
Björt Ólafsdóttir boðar nú. Niður-
staðan var sú að lokinni athugun
meðal annars á vegum forsætisráð-
herra og fjármálaráðherra á þeim
tíma að aðferðin sem Björt ætlar að
fara vegna stefnu Bjartrar framtíðar
í anda gagnsæis og opinnar stjórn-
sýslu stæðist ekki lög,“ skrifar
Björn. „Gangi Björt Ólafsdóttir
fram á þann veg sem hún boðar leið-
ir það vafalaust til málaferla og þá
ákveða dómarar hvernig túlka beri
þessi lagaákvæði. Að fá úr því skorið
er nauðsynlegt.“
Liggur ekki í augum uppi
Trausti Fannar Valsson, dósent
við lagadeild Háskóla Íslands, segir
almennu regluna þá að embættis-
menn séu skipaðir til 5 ára í senn og
vísar í 23. grein laga um réttindi og
skyldur starfsmanna ríkisins.
„Embættismenn skulu skipaðir
tímabundið, til fimm ára í senn,
nema annað sé tekið fram í lögum.
Ef maður hefur verið skipaður í
embætti skv. 1. mgr. skal honum til-
kynnt eigi síðar en sex mánuðum áð-
ur en skipunartími hans rennur út
hvort embættið verði auglýst laust
til umsóknar. Sé það ekki gert fram-
lengist skipunartími hans í embætti
sjálfkrafa um fimm ár, nema hann
óski eftir að láta af störfum með
þeim hætti sem mælt er fyrir um í 1.
mgr. 37. gr.“
„Svo segir í lögunum að það eigi
að tilkynna þeim embættismönnum
sem um er að ræða eigi síðar en sex
mánuðum áður en skipunartími
rennur út hvort að embættið verði
auglýst til umsóknar.
Það hversu mikið vald þetta veitir
ráðherranum, hvort hann má velja
að auglýsa – bara til að fá nýtt blóð,
bara til að hrista upp í hlutunum –
eða hvort hann getur einvörðungu
beitt þessari heimild vegna þess að
hann telji nauðsynlegt af ein-
hverjum ástæðum sem varða emb-
ættismanninn og frammistöðu hans,
úr þessu hefur ekki að öllu leyti ver-
ið leyst í íslenskum rétti,“ segir
Trausti.
Er heppilegt að reglur séu mis-
munandi eftir ráðuneytum?
„Það má velta því fyrir sér hvort
ekki sé óeðlilegt að þetta sé gert
með sitthvorum hættinum milli
ráðuneyta og alveg með sitthvorum
hættinum eftir því hvaða ráðherra
situr. Það er ekki allskostar heppi-
legt. En það verður að vera við-
fangsefni umboðsmanns og mögu-
lega dómstóla að leysa úr því hvað
þetta þýðir. Hversu rúma heimild
ráðherra hefur. Mér finnst það ekki
liggja í augum uppi. En á sama tíma
er ljóst að hér ræður ekki frjáls geð-
þótti ráðherra. Að baki beitingu op-
inbers valds, líka um þetta, þurfa að
liggja málefnaleg sjónarmið í þágu
þeirra verkefna um ræðir.“
Morgunblaðið setti sig í samband
við nokkra ríkisforstjóra sem heyra
undir Björtu Ólafsdóttur sem ráð-
herra, en enginn þeirra vildi tjá sig
um ákvörðun hennar.
Segir stefnu
Bjartar ekki
standast lög
 Björn Bjarnason kannaði þessa leið
fyrir 20 árum  Dómstólar skeri úr
Björn
Bjarnason
Trausti Fannar
Valsson
Höskuldur Daði Magnússon
hdm@mbl.is
„Ég fékk þau svör nú síðast að skoða
ætti að finna bráðabirgðalausn á
meðan unnið væri að fullnaðarlausn
á þessum málum. Ég get ekki hitt
foreldra í næstu viku og sagt þeim að
þetta verði komið í lag eftir nokkra
mánuði,“ segir Sigfús Grétarsson,
skólastjóri Selásskóla.
Sigfús tilkynnti foreldrum barna í
skólanum í vikunni að Heilbrigðis-
eftirlit Reykjavíkur hefði bannað
notkun matsalar skólans vegna há-
vaðamengunar. Í kjölfarið var til-
kynnt að heimilt yrði að nota matsal-
inn til bráðabirgða en þegar yrði
ráðist í endurbætur.
Í svörum Reykjavíkurborgar við
fyrirspurnum Morgunblaðsins kom
fram að stefnt sé að framkvæmdum í
kringum vetrarfrí skólans.
Ljóst er að vandamálið er ekki
nýtt af nálinni og yfirvöld hafa ekki
farið að ítrekuðum ábendingum
Heilbrigðiseftirlits Reykjavíkur-
borgar um að úrbóta sé þörf.
„Heilbrigðiseftirlitið gerði mjög
vísindalegar hljóðmælingar fyrir ári
og um áramótin var tilkynnt að ráð-
ast yrði í úrbætur strax. Hljóðvistin í
salnum var dæmd óviðunandi fyrir
nemendur skólans. Ég skrifaði pósta
en fékk enga úrlausn. Heilbrigðiseft-
irlitið tilkynnti að ef ekki yrði ráðist í
úrbætur yrði notkun salarins bönn-
uð. Þeir stóðu við það,“ segir Sigfús
en um er að ræða langa sögu um erf-
iða hljóðvist fyrir nemendur. „Þessi
salur er sérhannaður fyrir kammer-
tónlist og frábær sem slíkur. En von-
laus sem matsalur,“ segir hann en
starfsfólk Selásskóla hefur ekki látið
sitt eftir liggja til að reyna að bæta
ástandið.
„Við stofnuðum smíðaklúbb hér,
ég, húsvörðurinn og smíðakennar-
inn. Svo fengum við myndmennta-
kennara og textílkennara með okkur
í lið. Við smíðuðum 10-20 stóra fleka
eftir vinnu sem við settum upp til að
reyna að bæta hljóðvistina. Þetta var
nú engin meistarasmíð en ástandið
skánaði eitthvað. Það dugði því mið-
ur ekki til,“ segir Sigfús skólastjóri.
Morgunblaðið/Hanna
Hávaði Sigfús Grétarsson skólastjóri og Geir Þorsteinsson umsjónarmaður við fleka sem eiga að bæta hljóðvistina.
Smíðuðu sjálf hljóð-
einangrun í matsalinn
 Borgin lofar bættri hljóðvist í matsal Selásskóla
Samkvæmt upplýsingum frá
Heilbrigðiseftirliti Reykjavíkur
hefur borgin lokafrest til 6.
september til að koma með
áætlun um úrbætur.
Í svörum borgarinnar til
Morgunblaðsins segir: „Í næstu
viku verður farið yfir hönnun og
útfærslu í matsalnum með
skólastjóra, arkitekt og hljóð-
verkfræðingi. Stefnt er að því
að ljúka hönnun fyrir lok næstu
viku. Áætlað er að efnisútvegun
taki u.þ.b. 6 vikur. Stefnt er að
framkvæmdum við matsal í
kringum haustfrí skólans eða
um leið og efni berst til lands-
ins.“
Framkvæmt
í haustfríi
SVÖR BORGARINNAR