Feykir - 26.11.2015, Side 33

3 32 01 5
Af hvaða tegund er gæludýrið þitt
og hvað heitir það? -Í dag eigum
við einn hund. Hann er af tegundinni
Dachshund (langhundur). Hann er
síðhærður og heitir Týr.
Ertu búin að eiga Tý lengi? -Týr er
búinn að vera hjá okkur frá fæðingu
svo það eru kominn fimm ár. Hann
er sonur hundanna okkar Hómers og
Nóru. Nóra býr núna hjá góðum vini
okkar og Hómer, þessi elska, fór yfir
regnbogabrúna fyrir ári síðan.
Hafa skapast einhverjar sérstakar
jólahefðir í kringum Tý, t.d. sér-
stakur matur eða eitthvað sérstakt
dekur? -Oftast er eldaður kjúklingur
í matinn og jólabaðið er á sínum
stað svo allir verði í sínu fínasta pússi
þegar klukkan slær sex.
Hvernig myndir þú lýsa aðfanga-
degi hjá hundinum? -Týr elskar
morgungönguna sína og byrjar sína
aðfangadaga á morgungöngu, eins
og aðra daga, enda er hún eitthvað
sem bætir, hressir og kætir hvern
hund og eiganda. Eina röskun
fyrripart aðfangadags er að oftast
koma jólasveinar í heimsókn. Týr er
lítið hrifinn af því þegar þeir banka
upp á með tilheyrandi gauragangi
og söng sem okkur mannfólkinu
finnst svo skemmtilegt. Týr tekur
því svo rólega meðan mannfólkið í
fjölskyldunni er að pússa sig upp fyrir
kvöldið og slakur fram að jólaboði
sem yfirleitt hefur verið hjá ömmu og
afa. Flest undanfarin jól hafa verið
fimm til sex hundar í jólaboðunum
en í ár verða þeir líklega þrír til
fjórir. Tý finnst spennandi að skoða
pakkana undir jólatrénu og grafa
aðeins í þeim, jólabangsar eru einnig
spennandi og jólakjúklingurinn slær
alltaf í gegn hjá mínum „manni“.
Í lok aðfangadags endar hann oft
undir „mjúkupakkahrúgunni“ enda
elskar hann alla mjúku pakkana sem
fjölskyldan fær.
Hvernig kann hann að meta þessa
fyrirhöfn? -Týr er nú lítið að kippa
sér upp við nokkra fyrirhöfn sem við
stöndum í yfir jólin svo framarlega
sem að hann fær að taka þátt í þeim
eins mikið og hann má.
Hvað finnst fjölskyldumeðlimum
um jólahefðir dýrsins? -Það er nú
ótrúlega lítil fyrirhöfn fyrir jólahefðum
Týs enda afspyrnu indæll hundur
og þægilegur. Enginn í fjölskyldunni
kippir sér upp við jólahefðir eða stúss
í kringum hundana í fjölskyldunni
enda allir vanir því að þeir fylgi og taki
þátt í jólahaldinu með okkur. Flestir
vita að við erum á kafi í hundunum,
líka á jólunum.
Eitthvað að lokum? -Við óskum
öllum nær og fjær gleðilegra jóla og
munum að vera góð hvert við annað
og dýrin líka.
Út er komin barna-
bókin Sokkaskrímslið
en það er Íris Ösp
Sveinbjörnsdóttir
sem er höfundur
bókarinnar. Sagan er
byggð á fjölskyldunni
hennar, þar sem Adam
Baltasar sonur hennar,
er sögumaðurinn.
„Hann býr í litlu
krúttlegu húsi á Íslandi
ásamt fjölskyldu sinni
þar sem einn daginn
fara undarlegir hlutir
að gerast - sokkarnir
byrja að hverfa á svo
undarlegan hátt. Þá
kviknar spurningin um
hvort það sé Sokka-
skrímsli í húsinu,“
segir Íris um söguþráð
bókarinnar.
Íris er uppalin á
Sauðárkróki, dóttir
Sveinbjörns Ragnars-
sonar, varðstjóra í lög-
reglunni á höfuðborg-
arsvæðinu og Maríu
Lóu Friðjónsdóttur,
rekstrarstjóra hjá Menn-
ingarfélagi Akureyrar.
Íris er búsett í Flórens
á Ítalíu, ásamt eigin-
manni sínum Friðrik
Arilíussyni og tveim
börnum af fimm.
„Þrjú á ég sjálf og tvö
fékk ég í „bónus“ með
eiginmanninum, svo
eigum við hundinn
Trygg,“ segir hún glöð í
bragði. Friðrik stundar
nám í klassískum söng
í Flórens og Íris er að
ljúka BA námi í grafískri
hönnun við háskóla þar
í borg.
S o k k a s k r í m s l i ð
er fyrsta bók Írisar,
alfarið unnin af henni, í
sameiningu með Adam,
en hugmyndin að henni
kviknaði yfir
notalegu
„Mjög ýkt sannsöguleg saga“
VIÐTAL
Berglind Þorsteinsdóttir
Barnabókin Sokkaskrímslið er hugarfóstur mæðginanna
Írisar Aspar Sveinbjörnsdóttur og Adams Baltasars Friðrikssonar
Íris og Adam. MYND: ÚR EINKASAFNI
kvöldspjalli fyrir svefn-
inn. „Þegar Adam var
að detta í fimm ára aldur
vorum við að spjalla
saman fyrir svefninn,
sem maður gerir svo oft,
og hann tekur mig með
sér í sinn hugarheim.
Umræðan fer í að ræða
hversu undarlegt það
sé að sokkarnir okkar
hverfa alltaf annað
slagið og uppúr þessu
spjalli varð til þessi ýkta
saga, byggð á sönnum
heimildum sem ég
skrifaði niður og ákvað
að einhvern tímann
myndi ég prenta hana
út fyrir hann til að
eiga. Svo verður hún
einhvernvegin óvart að
skúffufóðri,“ rifjar hún
upp.
Í fyrra var Íris í
áfanga í skólanum þar
sem hún átti að gera litla
sögu frá A til Ö, þ.m.t.
u p p s e t n i n g u ,
umbrot, teikningar,
frágang og prentferli.
„Þá sá ég tækifæri til
að vinna hana alla leið,
spýtti í lófana og kláraði
40 síðna söguna okkar
Adams þar. Bókin fékk
svo fínar undirtektir í
skólanum af kennurum
að ég fór að huga að því
hvort hún ætti erindi
inná fleiri krúttleg
heimili…,“ segir hún.
„Þetta er bók! Þetta
er alvöru bók!“
Þar sem Adam er með-
höfundur bókarinnar
gegndi hann mikilvægu
hlutverki við útgáfu
hennar og hlaut titilinn
listrænn stjórnandi bók-
arinnar og teiknaði m.a.
myndir í bókina. „Hann
tók því starfi mjög alvar-
lega. Ég held ég hafi
teiknað hann
fjórum sinnum í bókina
áður en hann var sáttur
við að þetta væri „nógu“
líkt sér. Honum fannst
líka algjör fásinna að
breyta nöfnunum
okkar þótt við ætluðum
að prenta hana fyrir
almenning, svo það
stóð, enda bókin byggð
á fjölskyldunni okkar.
Þetta er mjög ýkt-
sannsöguleg saga,“ segir
hún og hlær.
Bókin er prentuð
hjá Odda og kom út í
nóvemberlok. Bókina
er hægt að nálgast í
gengum Írisi sjálfa en
hún segist hafa tekið
þá stóru ákvörðun að
fara ekki með hana í
gegnum forlögin þar
sem það skilar litlu sem
engu til höfunda. „Þar
sem upplagið er ekki
gígantískt þá verður
hún seld í gegnum
mig persónulega. Ég
vinn nánast alla mína
grafísku vinnu undir
nafninu Punkland og
er með heimasíðuna
www.punkland.net,
þar er hægt að senda
inn skilaboð, eða á
netfangið: punkland@
punkland.net. Nú eða
finna mig persónulega
eða Punkland á feis-
bókinni“
Loks segir Íris standa
upp úr að fylgjast með
syni sínum sjá hvernig
hugmynd geti orðið að
veruleika. „Mér finnst
skemmtilegast við allt
ferlið að Adam sjái að
fái maður hugmynd, þá
er hægt að framkvæma
hana og sjá hugmyndina
fæðast. Þegar hann fékk
fyrsta eintakið hélt hann
á bókinni og sagði:
„Þetta er bók! Þetta
er alvöru bók!“
Það var mjög
ánægjulegt.“
Týr þeirra Hönnu Þrúðar Þórðardóttur, eiganda
Dýrakotsnammi, Guðmundar Guðmundssonar,
Gunnþórs Tandra og Ísabellu Þrúðar á Sauðárkróki
Lítið hrifinn af
jólasveinum
VIÐTAL
Berglind Þorsteinsdóttir
Týr elskar alla mjúku pakkana undir jólatrénu.
Fjölskyldumynd við jólatréð. Frá vinstri: Gunnþór Tandri, Guðmmundur, Hanna Þrúður
og Ísabella Þrúður sem heldur á Tý. MYNDIR: ÚR EINKASAFNI