Morgunblaðið - 10.10.2017, Blaðsíða 1

Þ R I Ð J U D A G U R 1 0. O K T Ó B E R 2 0 1 7
Stofnað 1913  238. tölublað  105. árgangur 
„ÞAÐ VERÐA
SVO MARGIR
100 ÁRA“
LISTSÝNINGIN
INNLJÓS Í KAP-
ELLU OG LÍKHÚSI
TVÍTEKIÐ
AFSLAPPAÐ
JÓLASTRESS
SIGURÐUR GUÐJÓNSSON 31 DANÍEL GEIR MORITZ 12GUÐRÚN SVEINSDÓTTIR 6
Íslenska landsliðið í knattspyrnu karla vann
í gærkvöldi eitt allra mesta íþróttaafrek Ís-
lendinga þegar það tryggði sér keppnisrétt
á heimsmeistaramóti í fyrsta sinn. Heims-
meistaramótið fer fram í Rússlandi að þessu
sinni og hefst 14. júní. Með 2:0 sigri á Kós-
óvó í lokaleiknum tryggði Ísland sér sigur í
I-riðli undankeppninnar með 22 stig.
Alls taka lið frá 32 þjóðum þátt í heims-
meistaramótinu, þar af verða 14 frá Evrópu.
Gríðarlegur fögnuður braust út innan
jafnt sem utan Laugardalsvallar þegar flaut-
að var til leiksloka og ljóst að Ísland sendir í
fyrsta sinn keppnislið á stærstu knatt-
spyrnuhátíð heims. Hátíð sem haldin er á
fjögurra ára fresti og fylgst með af millj-
örðum manna í hvert sinn.
Ísland er langfámennasta þjóð sem hefur
nokkru sinni öðlast keppnisrétt á heims-
meistaramóti karla í knattspyrnu.
„Gleði og stolt fylgir því að verða hér vitni
að þessu ótrúlega íþróttaafreki. Þetta gerir
þessari þjóð svo gott. Það er svo margt sem
við getum deilt um og það er svo margt sem
við getum verið ósammála um. Þess vegna
er svo yndislegt að hafa þetta lið sem sam-
einar okkur,“ sagði Guðni Th. Jóhannesson,
forseti Íslands, í samtali við Morgunblaðið
eftir að flautað var til leiksloka á Laug-
ardalsvelli.
Þúsundir söfnuðust saman á Ingólfstorgi í
gærkvöldi að leiknum loknum, á tónleikum
sem þar voru haldnir. Leikmenn og þjálf-
arar landsliðsins komu á Ingólfstorg og voru
hylltir sem þjóðhetjur af mannfjöldanum.
Gengu sumir svo langt að fullyrða að um
mesta íþróttaafrek Íslandssögunnar væri að
ræða.
Morgunblaðið/Eggert
STÓRBROTIÐ ÍÞRÓTTAAFREK
 Ísland verður með á stærsta
knattspyrnuviðburði heims
 Fámennasta þjóð sem nokkru
sinni hefur tekið þátt í HM
 Gleði og stolt og gerir þjóð-
inni gott, segir forseti Íslands
M Ísland á HM í Rússlandi »4, 18 og Íþróttir
Heimsmeistaramótið í Rússlandi bíður karlalandsliðsins í knattspyrnu